ហាន់បន្លែប្រើជ្រុញទំនើបមានមុខងារដូចជា Google ដែរ

ការតុបតែងម្ហូបពិតជាសំខាន់ខ្លាំងណាស់ ប៉ុន្តែតើអ្នកធ្លាប់សាកល្បងរបៀបថ្មីដោយមិនត្រូវការជំនាញ​ហាន់បន្លែ មើមសម្រាប់លម្អម្ហូបដែរទេ?

ឧទាហរណ៍ julienne គឺជាពាក្យសំដៅទៅលើជំនាញហាន់ជាសរសៃឬចំណិតការ៉ុត។

មនុស្សភាគច្រើននៅពេលអានរូបមន្តចម្អិនម្ហូបគិតថាពិបាកទោះបីជំនាញនោះពួកគេដឹងរួចទៅហើយក៏ដោយ។

កាលពីថ្ងៃទី ១ ខែធ្នូក្រុមហ៊ុន AUX Ltd ជំនាញខាងផលិតគ្រឿងម៉ាស៊ីន និងគ្រឿងបន្លាស់ក្នុងផ្នែកជាច្រើន ក្នុងនោះមានទាំងផ្នែកចំណីអាហារបានដាក់បង្ហាញជ្រុញពិសេសមួយប្រភេទ សម្រាប់​អ្នក​ដែលមានចំណូលចិត្តហាន់ កាត់ទំហំខុសគ្នា។

រូបភាព https://grapee.jp/en/159281

ពេលប្រើជ្រុញនេះអ្នកមិនចាំបាច់ស្វែងរករបៀបហាន់នៅលើ Google ទៀតទេ ប៉ុន្តែអាចពិគ្រោះព័ត៌មាន​លើជ្រុញផ្ទាល់តែម្តង។

ជ្រុញបង្ហាញរូបភាពក្រាហ្វិកណែនាំវិធីងាយៗ ផ្នែកខាងមុខមានពណ៌ប្រផេះភ្ជាប់ជាមួយបន្ទាត់សម្រាប់វាស់កម្រាស់នៃការហាន់។ គំនូរបង្ហាញពីរបៀបហាន់គ្រឿងផ្សំមូលដូចជាឆៃថាវទៅជារូប​រាង​ផ្សេងៗ​គ្នា។

រូបភាព https://grapee.jp/en/159281

ផ្នែកខាងក្រោយមានពណ៌ផ្កាឈូកជួយអោយអ្នកងាយស្រួលក្នុងការបែងចែកគ្រឿងផ្សំផ្សេងៗគ្នាដូចជាសាច់ឬបន្លែ។ ស្រដៀងនឹងផ្នែកខាងមុខមានបន្ទាត់វាស់មានច្រើនទំហំ។

រូបភាព https://grapee.jp/en/159281

ផ្ទៃជ្រុញមានមុខងារការពារបាក់តេរី រីឯគែមជ្រុញត្រូវបានផលិតចេញពីរូបធាតុយឺតទប់មិនអោយ​រអិល។

លើសពីនេះជ្រុញមានទម្ងន់ស្រាល ហើយអាចប្រើក្នុងម៉ាស៊ីនលាងចាន។ ជ្រុញមានប្រវែង ២១,៣ ទទឹង ៣០,៣ និងកម្រាស់ ០,៦ សង់ទីម៉ែត្រ។

Sacchan