ស្រ្តីម្នាក់ប្រើម្រាមដៃចោះផ្លៃត្រសក់ស្រូវចំនួន ១៣ ផ្លែក្នុងផ្សារទំនើបត្រូវប៉ូលីសចាប់ខ្លួន

នៅទីក្រុង Kushiro ខេត្ត Hokkaido ប៉ូលីសបានអោយដឹងថាពួកគេចាប់ខ្លួនស្រ្តីម្នាក់ប្រើម្រាម​ដៃ​ចោះផ្លែត្រសក់ស្រូវចំនួន ១៣ ផ្លែនៅផ្សារទំនើប។

ហេតុការណ៍នេះកើតឡើងកាលពីថ្ងៃទី ២៨ ខែកក្កដាវេលាម៉ោងប្រហែល ១ៈ៣០ នាទីជនសង្ស័យអាយុ ៦៤ ឆ្នាំ។ ស្រ្តីនោះចូលផ្សារទំនើបប្រើម្រាមដៃចោះផ្លែត្រសក់ស្រូវ ទោះយ៉ាងណាមូលហេតុ​​ដែល​គាត់ធ្វើបែបនេះមិនទាន់ដឹងនៅឡើយទេ។

រូបភាព https://www.japannews24.com/hokkaido-woman-arrested-for-poking-holes-in-13-expensive-melons-with-finger/

ផ្លែត្រសក់ស្រូវដែលគាត់បានបំផ្លាញមិនមែនផ្លែត្រសក់ស្រូវធម្មតាទេ ប៉ុន្តែជាប្រភេទត្រសក់ស្រូវ Yubari King ដែលល្បីលក់ក្នុងតម្លៃថ្លៃបន្តិច។ ចំពោះការខូចខាតត្រូវបានកំណត់រហូតដល់ទៅ ១៤,០០០ យ៉េន (ប្រហែល ១៣៥ ដុល្លារ) ។

ដោយសារតែផ្សារទំនើបនេះមិនបានតំឡើងកាមេរ៉ាសុវត្ថិភាព ដូច្នេះគ្មានភស្តុតាងចោទប្រកាន់កំហុសទេ។ ខណៈដែលជនសង្ស័យនៅស្ងៀម ហេតុនេះរាល់ការចោទប្រកាន់ទាំងអស់គ្រាន់តែជាការ​ស្មាន​ប៉ុណ្ណោះ។

រូបភាព https://www.japannews24.com/hokkaido-woman-arrested-for-poking-holes-in-13-expensive-melons-with-finger/

នៅពេលព័ត៌មាននេះត្រូវបានផ្សព្វផ្សាយ អ្នកប្រើបណ្តាញអុីនធឺណេតបានធ្វើការវាយតម្លៃទង្វើរបស់​ស្រ្តី​នោះដូចខាងក្រោម៖

• ស្តាប់ទៅដូចត្រូវបិសាចសណ្ឋិតអញ្ចឹង
• ខ្ញុំធ្លាប់ឃើញរឿងនេះនៅក្នុងខ្សែភាពយន្ត ស្រ្តីនោះកំពុងហាត់ក្បាច់ Kungfu 
• ខ្ញុំធ្លាប់បានអានអំពីអារម្មណ៍មនុស្សដែលចូលចិត្តចោះទម្លុះផ្លែឈើ
• តើម្រាមដៃស្រ្តីនោះកើតអីដែរទេ?
• ខ្ញុំមានជំនឿយ៉ាងមុតមាំថាស្ត្រីម្នាក់នេះកំពុងហាត់ក្បាច់គុនបុរាណជប៉ុនហៅថា Hokuto Shinken ។

AD