នៅសម័យមុនគេធ្វើយ៉ាងណាការពារជីវិតសាមូរ៉ៃមិនសម្លាប់ខ្លួនតាមម្ចាស់

សាមូរ៉ៃជឿទៅលើមនុស្សម្នាក់ ហើយស្តាប់តាមបង្គាប់ម្ចាស់របស់ខ្លួន បុគ្គលនោះអាចជាស្តេចក្រាញ់​ ឬអធិរាជ។ នៅ​ពេល​មនុស្ស​ម្នាក់​នោះ​ស្លាប់ សាមូរ៉ៃ​នឹង​ធ្វើអត្តឃាត​សម្លាប់​ខ្លួន មូលហេតុដែលធ្វើបែប​នេះព្រោះគេចង់បន្តបម្រើម្ចាស់ពេលស្លាប់ទៅ។

រូបភាព https://intojapanwaraku.com/culture/121871/

ប្រសិនបើបុគ្គលដែលមានទេពកោសល្យស្លាប់ ហើយបុគ្គលម្នាក់ទៀតធ្វើអត្តឃាតតាម នោះប្រទេស​ជាតិនឹងចុះខ្សោយ។ ដូច្នេះការធ្វើអត្តឃាតសម្លាប់ខ្លួនបង្ហាញពីចិត្តស្មោះក៏ជាបញ្ហានៃប្រជាជាតិ​ជប៉ុនផងដែរ។

​ដូច្នេះតើធ្វើយ៉ាងណាអាចកាត់បន្ថយបញ្ហានេះ?

រឿងនិយាយពីសម័យ Shimazu ជាអ្នកគ្រប់គ្រងតំបន់ភាគខាងត្បូង Kyushu អស់រយៈពេលយូរ​មក​ហើយបន្តពីជំនាន់មួយទៅជំនាន់មួយ។ នៅឆ្នាំ ១៦១៩ ស្តេចក្រាញ់ឈ្មោះ Yoshihiro Shimazu អាយុ ៨៥ ឆ្នាំ គាត់ជាមេដឹកនាំម្នាក់ដែលខ្លាំងនៅសម័យ Shimazu ហើយទទួលបានជំនឿ​ទុកចិត្ត និងភាពស្មោះត្រង់ពីអ្នកក្រោមបង្គាប់របស់ខ្លួន។

ក្នុងនាមជាអ្នកដឹកនាំមួយរូបលោកហាមឃាត់អ្នកក្រោមបង្គាប់មិនឲ្យធ្វើអត្តឃាតបន្ទាប់ពីលោកទទួលមរណភាព។

បើនរណាម្នាក់ធ្វើអត្តឃាតនោះតំណែង និងទ្រព្យសម្បត្តិត្រូវរឹបអូស។ លោកចង់មានន័យថាប្រសិន​បើ​អ្នកគិតដល់គ្រួសារមិនគួរធ្វើអត្តឃាតឡើយ ប៉ុន្តែលទ្ធផលមិនដូចការរំពឹងទុកនោះទេ នៅ​តែ​មាន​សាមូរ៉ៃ​ចំនួន ១៣ រូបសម្រេចធ្វើអត្តឃាតខ្លួន។

ទោះបីហាមឃាត់យ៉ាងណាក៏មិនអាចបញ្ឈប់ទង្វើនេះបានទេ ឬអ្នកក្រោមបង្គាប់របស់លោកចាត់​ទុកភាពស្មោះត្រង់ធំជាងតំណែង និងគ្រួសាររបស់ពួកគេ។

ទោះជាយ៉ាងណា ការហាមឃាត់ខ្លះក៏ជោគជ័យដូចជា Kuroda Kanbe ។ 

លោកបានបន្សល់ពាក្យបន្តាំដល់សាមូរ៉ៃដែលស្ថិតក្រោមបង្គាប់របស់ខ្លួន “ខ្ញុំពិតជាមានអារម្មណ៍ថាការសម្លាប់ខ្លួនដើម្បីម្ចាស់ជាទង្វើគួរឲ្យធុញទ្រាន់ណាស់ ទោះបីអ្នកសម្លាប់ខ្លួនក៏មិនមែនមានន័យថាអ្នកនឹងឡើងឋានសួគ៌ ឬចុះឋាននរកជាមួយខ្ញុំឡើយ។ ខ្ញុំចង់បន្សល់ទុក​សាមូរ៉ៃ​​ដែលមានទេពកោសល្យសម្រាប់មនុស្សជំនាន់ក្រោយ ខ្ញុំចង់ផ្ទេរតំណែងរបស់ខ្លួនដល់កូនចៅដែលខ្ញុំជឿទុកចិត្ត។ ដូច្នេះហើយ ខ្ញុំហាមដាច់ខាតចំពោះទង្វើធ្វើអត្តឃាតខ្លួន​ឯង” ។

ដោយសារការផ្តែផ្តាំមិនអាចធានា ១០០% ថាអ្នកក្រោមបង្គាប់ទាំងអស់មិនសម្លាប់ខ្លួន ដូច្នេះ Kanbe សម្រេចធ្វើឲ្យអ្នកក្រោមបង្គាប់លែងជឿទុកចិត្តគាត់។

ការលះបង់ត្រូវបង្ហាញការគោរពចំពោះខ្លួនឯង។

លោក Kanbe ត្រូវបានគេស្គាល់ថាជាមនុស្សសុភាពរាបសា និងទទួលបានការគោរពស្រលាញ់រហូត​មកដល់សព្វថ្ងៃ។ ជាការពិតគាត់ក៏ដឹងដែរថាជំនឿរបស់អ្នកក្រោមបង្គាប់ចំពោះលោកធំ​ធេង​យ៉ាងណា ហើយប្រសិនបើមិនធ្វើអ្វីទាំងអស់ប្រាកដជាមានអ្នកធ្វើអត្តឃាតខ្លួន។

ហេតុ​ដូច្នេះលោកក៏ធ្វើឲ្យអ្នកក្រោមបង្គាប់លែងគោរពដូចជាប្រើពាក្យស្តីបន្ទោសមុនពេលលោកទទួលមរណភាព ៣០ ថ្ងៃ។ មិនមានឯកសារណាមួយបញ្ជាក់ចំពោះទង្វើនេះទេ ប៉ុន្តែតាមសម្តី​កូនប្រុស Nagamasa និយាយថា “នៅទីបំផុតឪពុកខ្ញុំក៏ប្រែទៅជាឆ្កួត…” ។

ដើមឡើយ Nagamasa មិនយល់ពីចេតនារបស់ឪពុកគាត់ទើបខឹងយ៉ាងខ្លាំង ប៉ុន្តែក្រោយមកឪពុកលោកបង្ហើបជាសម្ងាត់ថា “ពុកធ្វើពុតជាឆ្កួតដើម្បីមនុស្សជំនាន់ក្រោយ” ។

លោក Kuroda Kanbe បានបង្ហាញថា ខ្លួនគាត់មិនត្រឹមតែជាអ្នកដឹកនាំដែលមានទេពកោសល្យ​​ប៉ុណ្ណោះទេ ថែមទាំងជាអ្នកចិត្តសាស្រ្តដ៏ល្បីល្បាញផងដែរ។ ដូច្នេះលទ្ធផលដែលទទួលបានអ្នកក្រោមបង្គាប់របស់លោកគ្មាននរណាម្នាក់ធ្វើអត្តឃាតខ្លួនឡើយ។

តាមរយៈរឿងនេះបង្ហាញឲ្យឃើញថា ការគោរពស្រលាញ់ក៏មិនប្រាកដថាមាន​សុភបង្គល​ឡើយ។ ទោះជាយ៉ាងណា ខ្ញុំពិតជាកោតសរសើរចំពោះស្មារតីរបស់លោក Kuroda Kanbe ធ្វើ​ឲ្យ​ខ្លួនក្លាយជាមនុស្សល្ងីល្ងើ អ្នកដទៃស្អប់ដើម្បីការ​ពារ​ជីវិត​ពួកគេ។

Kengo Abe