បុរសម្នាក់ដែលវិជ្ជមានកូវីដ-១៩ បានរត់គេចខ្លួនចេញពីបន្ទីរ​ពេទ្យ​ទៅ​ងូត​​ទឹកក្តៅ

កាលពីថ្ងៃទី ២​ ខែធ្នូបុរសវ័យកណ្តាលម្នាក់ត្រូវចាប់ខ្លួនដោយសារទង្វើគ្មានទំនួលខុសត្រូវរបស់គាត់។ លើសពីនេះទៅទៀតគាត់ត្រូវគេចោទប្រកាន់ពីបទរារាំងសកម្មភាពអាជីវកម្ម។

យោងទៅតាមព័ត៌មានពីរដ្ឋាភិបាលខេត្ត បុរសរូបនេះអាយុប្រហែល ៤០ ឆ្នាំមកពី Kasukabe ខេត្ត Saitama ភាគខាងជើងទីក្រុង​តូក្យូ។ ជនសង្ស័យមិនបញ្ចេញឈ្មោះព្រោះគាត់ជាអ្នកជំងឺ​កូវីដ-១៩ ។ កាលពីថ្ងៃទី ១៦ ខែកក្កដា បន្ទាប់ពីមានរោគសញ្ញាគ្រុនក្តៅអ្នកជំងឺត្រូវបញ្ជូនទៅមន្ទីរ​ពេទ្យ​ទីក្រុង Hanyu ដើម្បីព្យាបាល។

ទោះបីស្ថានភាពជំងឺធ្ងន់ធ្ងរក៏គាត់នៅតែចាកចេញពីមន្ទីរពេទ្យនៅយប់ថ្ងៃទី ៣០ ខែកក្កដា ហើយ​ត្រឡប់ទៅផ្ទះដោយជិះតាក់ស៊ី។ បន្ទាប់​មក​បុរសម្នាក់នេះបើកឡានទៅស្ប៉ាកន្លែងមាន​ជ្រោះ​ទឹក​ក្តៅ​នៅ Kawagoe និងប្រើសេវាកម្មទីនោះ។ ទោះយ៉ាងណាលោកមិនបានបង្ហាញពីស្ថាន​ភាពសុខភាពរបស់ខ្លួនឡើយ។

នៅថ្ងៃទី ៣១ ខែកក្កដាបន្ទាប់ពីទទួលបានដំណឹងពីមន្ទីរពេទ្យថាអ្នកជំងឺបាត់ខ្លួន សមាជិកម្នាក់ក្នុងគ្រួសារបានទាក់ទងទៅប៉ូលីស។ នៅថ្ងៃដដែលនោះប៉ូលីសរកឃើញបុរសនេះ បន្ទាប់ពីបានរកឃើញរថយន្តរបស់គាត់ក្នុងចំណតរថយន្តស្ប៉ា ហើយគាត់ក៏បានឆ្លៀតចូលការិយាល័យបន្ទាប់ពីចាកចេញពីមន្ទីរពេទ្យផងដែរ។

លោកបកស្រាយចំពោះមូលហេតុ​ដែលគាត់ធ្វើបែបនេះគឺ “ប្រសិនបើខ្ញុំមិនធ្វើការក្រុមហ៊ុនរបស់ខ្ញុំអាចនឹងធ្លាក់ចុះ” ។

អាជ្ញាធរមូលដ្ឋានបានបញ្ជាក់ថាគ្មាននរណាម្នាក់ក្នុងហាងស្ប៉ាចូលជិតបុរសនោះទេ។ ពួកគេបានអោយដឹងថាលោកមកដើម្បីងូតទឹក បន្ទាប់ពីហេតុការណ៍នេះកន្លែងទាំងមូលនៅ Kawagoe ត្រូវបាញ់កម្ចាត់មេរោគ។

AD