នៅសម័យអេដូត្រូវចំណាយប្រាក់ប៉ុន្មានទើបអាចដេកជាមួយស្ត្រី​ពេស្យាលំដាប់កំពូល?

នៅសម័យអេដូជាអំឡុងពេលចុងនៃប្រទេសជប៉ុន ដែលគ្រប់គ្រងដោយសាមូរ៉ៃ ហើយក៏ជាអតីតឈ្មោះទីក្រុង​តូក្យូ​ផង​ដែរ។ នៅទីនោះមានតំបន់ផ្លូវពេស្យាចារដែលត្រូវបានអនុញ្ញាតដោយរដ្ឋាភិបាល​នៅ Yoshiwara ជិត Asakusa ។

រូបភាព https://mag.japaaan.com/archives/106508

នៅតាមដងផ្លូវមានហាងតំរៀបជាជួរ ពីក្រោយរបាំងដែកជាស្រ្តីរកសុីផ្លូវភេទកំពុងហៅភ្ញៀវ។ ស្រ្តីទាំងនោះមានអាយុពី ១៨ ដល់ ២៨ ឆ្នាំ អ្នកខ្លះត្រូវលក់ខ្លួនដើម្បីសងបំណុលឲ្យ​ឪពុកម្តាយរបស់​ខ្លួន។

ក្នុងចំណោមស្រ្តីពេស្យាក៏បែងចែកឋានៈដែរ ចំណាត់ថ្នាក់ទីមួយគេហៅថា 太夫 (Dayuu) មានតែស្រ្តីមួយចំនួនប៉ុណ្ណោះ ហើយក្នុងចំណោមនោះមានម្នាក់គេហៅថា Takao Dayuu នេះមិន​មែន​ជាឈ្មោះពិតទេ ប៉ុន្តែគ្រាន់តែជាពាក្យសំដៅលើស្ត្រីពេស្យាលំដាប់ខ្ពស់នៅ Yoshiwara ប៉ុណ្ណោះ។ នៅសម័យនោះមានស្រ្តីពេស្យាប្រហែល ១០០០ នាក់ ដូច្នេះមិនងាយទទួលបានឈ្មោះនេះទេ។

Takao Dayuu គឺជាស្រីពេស្យាលំដាប់ខ្ពស់ទី ៦ ហើយក៏ជាតួអង្គសំខាន់នៅក្នុងរឿងថ្ងៃនេះផង​ដែរ។

រូបភាព https://intojapanwaraku.com/culture/119358/

ដូចដែលបានរៀបរាប់ខាងលើស្ត្រីដែលធ្វើការនៅ Yoshiwara ពី ១០ ដល់ ១៨ ឆ្នាំ។ ពួកគេមិនអាច​ចេញទៅក្រៅបានទេ ភាគច្រើនមានជំងឺកាមរោគ ហើយស្លាប់ក្នុងរយៈពេលប្រហែល ១០ ឆ្នាំ​ ឬ​ទាប​ជាង​នេះ។ 

នៅទីនោះប្រៀបដូចជាឋានរកមានផ្លូវតែមួយប៉ុណ្ណោះ មធ្យោបាយតែមួយគត់គឺ Miuke (លោះខ្លួន) ។ ពួកគេក៏អាចលោះខ្លួនឯងបានដែរ ប្រសិនបើសងបំណុលបន្ទាប់ពីធ្វើការរយៈពេល ១០ ឆ្នាំ។

តម្រូវការចំពោះស្រ្តីពេស្យានៅទីនោះមិនដូចនឹងស្រ្តីពេស្យានៅក្នុងប្រទេសដទៃទៀតទេ។ មិនត្រឹម​តែមានមុខមាត់ស្អាតប៉ុណ្ណោះទេ ទាំងការអប់រំ និងអាកប្បកិរិយាក៏សំខាន់ផងដែរ។ សូម្បី​តែ​ស្រ្តី​ពេស្យា​ក៏ត្រូវរៀនពិធីតែ និងរបៀប​រៀប​ផ្កា លើសពីនេះពួកគេអាចលេងឧបករណ៍ភ្លេងដូចជា Koto ឬ Shamisen ច្រៀង និងសរសេរអក្សរផ្ចង់ -ល- ។

នៅពេលដែលឈានដល់កម្រិត Dayuu មិនថាបុរសនោះមានអំណាចប៉ុណ្ណា គេមិនគេងជាមួយនាងនៅយប់ដំបូងឡើយ។ ដំបូងរៀបចំពិធី​ជប់លៀងជួបមុខដែលមានមនុស្សចូលរួមជាង ១០ នាក់រួមទាំង Dayuu និងស្រ្តីពេស្យាផ្សេងទៀត។ ហើយចំពោះការចំណាយភ្ញៀវជាអ្នកចេញ រាប់ទាំងអំណោយតម្លៃរហូតដល់ ១,៥ លានយ៉េន ចំពោះចំនួនទឹកប្រាក់នេះអ្នកអាចទិញតូយ៉ូតាតូចមួយ។

ពេលជួបលើកទី ៣ បុរសអាចគេងជាមួយ Dayuu ប៉ុន្តែតម្លៃឡើងដល់ ៩ លានយ៉េន។ ជា​មួយនឹង​ប្រាក់​នេះ​អ្នកអាចទិញបន្ទប់តូចមួយនៅជាយក្រុងតូក្យូ។

តើអ្នកមានការភ្ញាក់ផ្អើលចំពោះចំនួនទឹកប្រាក់គេងជាមួយ Dayuu មួយយប់ទេ? ដូច្នេះប្រាក់​លោះ​ខ្លួនរបស់នាងកាន់តែច្រើនជាងនេះទៅទៀត។ បុរសជាច្រើនមានក្តីស្រមៃចង់លោះខ្លួនឲ្យ​ Dayuu ដើម្បីរៀបការជាមួយនារីដែលមានទេពកោសល្យ ស្រស់ស្អាត និងមានការអប់រំ ប៉ុន្តែ​វាពិតជាពិបាកណាស់។

នៅសម័យអេដូមានមនុស្សម្នាក់ឈ្មោះ Masamine Sakakibara នាំមុខខេត្ត Hyogo បានចំណាយ ៥០០ លានយ៉េនសម្រាប់លោះខ្លួន Takao Dayuu ពេលនាងមានអាយុ ១៩ ឆ្នាំ។

តាំងពីពេលដេញថ្លៃរហូតដល់រំលោះនាងជាផ្លូវការ (រួមទាំងថ្លៃកិច្ចសន្យា…) តម្លៃឡើងដល់ ៧០០ ទៅ ៨០០ លានយ៉េន។ មិនយូរប៉ុន្មានលោក Sakakibara ត្រូវរដ្ឋាភិបាលបណ្តេញចេញដោយ​សារ​ខ្ជះ​​ខ្ជាយ​ពេក។ គាត់ត្រូវគេនិរទេសទៅ Niigata រីឯនារី Takao Dayuu ដើរតាមគាត់ ប៉ុន្តែដោយ​សារ​តែគាត់ធុញទ្រាន់នឹងជីវិត លោក Sakakibara បានទទួលមរណភាពក្រោយរយៈពេល ១០ ខែ។

ចំណែក Takao Dayuu ទោះបីមិនចាំបាច់ព្រួយបារម្ភអំពីអាហារ ប៉ុន្តែនាងត្រូវរស់នៅដោយភាពអាម៉ាស់រយៈពេល ៥០ ឆ្នាំ ក្រោយមកទទួលមរណភាពនៅអាយុ ៦៨ ឆ្នាំ។ ថ្វីត្បិតតែ បានចាកចេញ​ពី Yoshiwara ក៏មិនចាត់ទុកថាជីវិតរីករាយដែរ។

ក្នុងនាមជា Dayuu មានន័យថាត្រូវគេចាត់ទុកជា “ស្ត្រីពេស្យាលេខ ១ នៅអេដូ” ដូច្នេះនេះជាក្តីស្រមៃរបស់នារីជាច្រើន។ Dayuu ក៏ដូចជាតារាល្បីសព្វថ្ងៃដែរ នៅពេលដែលនាងដើរតាមផ្លូវនឹងមានក្បួនដង្ហែ​ពីក្រោយ។

រូបភាព https://www.pinterest.jp/pin/816066394958972957/

អាចជជែកជាមួយនារីដូចនេះមិនងាយទេ ប៉ុន្តែបើចំណាយប្រាក់ច្រើនបែបនេះ… មនុស្សសម័យ​អេដូមានប្រាក់ច្រើនជាងសម័យតូក្យូទៅទៀត។

Kengo Abe