ល្អទាំងសងខាងសត្វអណ្តើកមិនជាប់គាំងក្នុងចន្លោះផ្លូវដែករីឯរថភ្លើងមិនចាំបាច់ពន្យារពេល

នៅប្រទេសជប៉ុនដូចដែលអ្នកដឹងស្រាប់ហើយថារថភ្លើងផ្តោតសំខាន់លើពេលវេលាធ្វើដំណើរ។ ដោយសារនេះជាមធ្យោបាយ​ធ្វើដំណើរចម្បងក្នុងក្រុង យឺតតែប៉ុន្មាននាទីអាចបណ្តាលអោយមានផលប៉ះពាល់ធ្ងន់ធ្ងរ។

ជាក់ស្តែងទោះបីជាគោរពពេលវេលា នៅតែមានស្ថានភាពខ្លះរថភ្លើងត្រូវពន្យារពេល មូលហេតុ​បណ្តាលមកពីសត្វព្រៃ (ភាគច្រើននៅតំបន់ជនបទ) ។ អណ្តើកធ្វើអោយខ្សែរថភ្លើងក្នុងខេត្ត Okayama ភាគខាងលិចប្រទេសជប៉ុន​យឺត​ពេល។

ជួនកាលសត្វអណ្តើកវាលឆ្លងកាត់ផ្លូវដែក ប៉ុន្តែពេលខ្លះវាធ្លាក់ក្នុងចន្លោះផ្លូវដែក នៅពេលនោះអណ្តើកគ្មានជម្រើស​អ្វី​ក្រៅ​ពី​វាល​ទៅមុខរហូតដល់រកឃើញផ្លូវចេញនោះទេ។

រូបភាព https://soranews24.com/2020/11/18/jr-west-comes-up-with-brilliant-plan-to-save-turtles-and-prevent-train-delays-touches-netizens/

ទោះយ៉ាងណាពេលអណ្តើកធ្វើដំណើរតាមបណ្តោយផ្លូវដែកច្រើនតែជាប់គាំងចន្លោះផ្លូវប្រសព្វតូចចង្អៀត។ ពេលនោះមិនត្រឹមតែសត្វអណ្តើកត្រូវកិនសំប៉ែតប៉ុណ្ណោះទេ សូម្បីតែរថភ្លើងធ្វើដំណើរឆ្លងកាត់ផ្លូវក៏ត្រូវពន្យារពេលដែរ។

នៅលើខ្សែរថភ្លើង JR Hakubi ជិតស្ថានីយ៍ Nunohara នៅ Okayama មានករណីអណ្តើកជាប់គាំងកើតឡើងច្រើន។ ដូច្នេះក្រុមហ៊ុន JR West បានសម្រេចតំឡើងទរាងអក្សរយូក្រោមផ្លូវដែកមុនពេលប្តូរផ្លូវ។ ដោយវិធីនេះសត្វ​អណ្តើកអាចធ្លាក់ចូលទៅក្នុងទឹកហូរមុនពេលជាប់គាំងនៅលើកុងតាក់ ហើយអាចរត់គេចខ្លួនដោយសុវត្ថិភាព។

伯備線布原駅では、踏切等から侵入したカメが線路の分岐器に挟まることで列車が遅延し、お客様にご迷惑をおかけすることがあることから、分岐器の手前にU字溝を設置してカメが線路から脱出できるようにし、遅延の発生の低減をはかりました。

これからも安全・快適の取り組みを進めてまいります。 pic.twitter.com/qZPMy9QjE0

— くまなく・たびにゃん(JR岡山支社)【公式】 (@Okayama_JR) November 10, 2020

បំពង់រាងអក្សរយូនេះត្រូវបានតំឡើងនៅជិតស្ថានីយ៍ Goido លើខ្សែរថភ្លើង JR Wakayama ដែលជាតំបន់មាន​អណ្តើកច្រើន។ យោង​តាម​មន្រ្តីបានអោយដឹងថាការតំឡើងបំពង់បង្ហូរនេះអាចជួយសង្គ្រោះសត្វអណ្តើកបានយ៉ាងតិច ១០ ក្បាលក្នុងតំបន់ចន្លោះពីខែមេសាដល់ខែសីហាជាពេលដែលអណ្តើកសកម្មបំផុត។ ការជួយសង្គ្រោះសត្វអណ្តើកចំនួន ១០ ក្បាលរួចផុតពីរថភ្លើង ក្រុមហ៊ុន JR West ក៏អាចកាត់បន្ថយករណីពន្យារពេល ហើយបង្កើន​ប្រសិទ្ធភាពនៃប្រព័ន្ធផ្លូវដែកផងដែរ។

រូបភាព https://soranews24.com/2020/11/18/jr-west-comes-up-with-brilliant-plan-to-save-turtles-and-prevent-train-delays-touches-netizens/

សត្វអណ្តើកមានសុវត្ថិភាពរីឯរថភ្លើងមកដល់ទាន់ពេលវេលា ដូច្នេះអ្នករាល់គ្នាសុទ្ធតែសប្បាយចិត្ត។ ប៉ុន្តែអ្វីដែលធ្វើអោយអ្នកប្រើបណ្តាញសង្គមជប៉ុនរំភើបមិនមែនទៅដល់ទាន់ពេលនោះទេ ប៉ុន្តែជាការបារម្ភរបស់ JR West ចំពោះ​អណ្តើក។

Sacchan