តើពិតទេដែលនិយាយថាឆ្មាខ្មៅគឺជានិមិត្ត​រូប​នៃ​សំណាង​នៅក្នុង​ប្រទេសជ​ប៉ុន?

តាមបណ្តាប្រទេសអាសុីមនុស្សមួយចំនួនមិនចូលចិត្តឆ្មាខ្មៅដោយសារអបិយជំនឿពេល​​មនុស្ស​ស្លាប់ហើយ​ត្រូវ​ឆ្មា​ខ្មៅ​កន្លង​សាកសព​នឹង​ដឹង​ខ្លួន​ឬ​ក្រោក​ពី​មឈូស។ ចំណែក​នៅ​កម្ពុជា​វិញរឿង​នេះ​ក៏​ត្រូវ​បាន​គេ​និយាយ​ត​គ្នា​ដែរ។ តើ​ពិត​ជា​បែប​នេះ​មែន​ឬ​ក៏​យ៉ាងណា? ទោះជាយ៉ាងណាអបិយជំនឿនេះមិនមាននៅក្នុងប្រទេសជប៉ុនឡើយ។

នៅសម័យទំនើបជនជាតិជប៉ុនមានជំនឿថាសត្វឆ្មានាំមកនូវអ្វីដែលល្អ និងទ្រព្យសម្បត្តិក្នុងអាជីវកម្ម។ ពាក្យ Fuku neko (福猫) សំដៅលើសត្វឆ្មាដែលមានសំណាង ពីព្រោះពួកវាអាចមើលឃើញយ៉ាងល្អទាំងពេលយប់។ ផ្ទុយនឹងទស្សនៈបស្ចិមប្រទេសឆ្មាខ្មៅត្រូវគេចាត់ទុកដូចជាយ័ន្តការពារភាពចង្រៃ និងគ្រោះថ្នាក់។ ប្រសិនបើដើរនៅតាមផ្លូវមើលឃើញឆ្មាខ្មៅជាប្រផ្នូលល្អ។

ក្នុងយុគសម័យអេដូមានអបិយជំនឿថាបើចិញ្ចឹមឆ្មាខ្មៅអាចព្យាបាលជំងឺរបេង ថែមទាំងអាចព្យាបាល​វិបត្តិ​សេ្នហា។ ប្រសិនបើស្រ្តីម្នាក់ចិញ្ចឹម​ឆ្មាខ្មៅមនុស្សជាច្រើនប្រាកដជាសុំស្រលាញ់។

ឧទាហរណ៏ឆ្មា Maneki Neko សប្បុរខ្មៅ (Maneki Neko គឺជាឆ្មាសំណាងរបស់ជប៉ុន ភាគច្រើនវាមានពណ៌សតែខ្លះក៏មានពណ៌ខ្មៅដែរ) ។

នៅក្នុងប្រលោមលោកល្បីក្នុង ១៩០៥ ក្រោមចំណងជើងថា “Wagahai wa Neko de Aru” (吾輩は猫である) ខ្ញុំគឺជាឆ្មាមួយក្បាល រូបតំណាងជាឆ្មាខ្មៅអនាថាមួយក្បាលចៃដន្យដើរវង្វេងចូលផ្ទះរបស់អ្នកនិពន្ធ។

ក្រៅពីនេះក្រុមហ៊ុនសេវាកម្មដឹកជញ្ជូនជប៉ុនឈ្មោះ Yamato Transport ប្រើឡូហ្គោមេឆ្មាខ្មៅពាំកូន។ ពាក្យ Kuniyoshi Utagawa (歌川国芳) សិល្បៈ Ukiyo-e បង្ហាញពីរូបភាពឆ្មាខ្មៅរស់នៅជាមួយមនុស្សក្នុងស្នាដៃជាច្រើនរបស់​ខ្លួន។

ដូច្នេះហើយវប្បធម៌ និងទស្សនៈរបស់ជប៉ុនផ្ទុយទាំងស្រុងនឹងប្រទេសលោកខាងលិចពេលនិយាយអំពីជំនឿទៅលើឆ្មាខ្មៅ។ ប្រធានបទឆ្មាខ្មៅបានក្លាយជាអបិយជំនឿតាំងពីយូរយារណាស់មកហើយក្នុងសម័យបុរាណ។ ភាពភ័យខ្លាច​សត្វឆ្មាខ្មៅឈានដល់កម្រិតកំពូលក្នុងរឿងមេធ្មប់សាឡឹមនាចុងទស្សវត្សឆ្នាំ ១៦០០ ។ រឿងនេះបណ្តាលអោយមាន​ការ​កាប់​សម្លាប់ឆ្មាខ្មៅបង្កជាជំងឺប៉េស្តស្លាប់មនុស្សជាច្រើន។

នៅតែមានមនុស្សជាច្រើនលើពិភពលោកមានជំនឿថាឆ្មាខ្មៅនាំមកនូវសំណាងអាក្រក់ ផ្ទុយទៅវិញនៅជប៉ុនឆ្មាខ្មៅជានិមិត្តរូបនៃសំណាង។ និយាយអោយខ្លីវាអាស្រ័យលើការយល់ឃើញរបស់មនុស្សម្នាក់ៗ ប៉ុន្តែបើគ្រាន់តែស្មាន​មិន​ត្រូវបង្កគ្រោះថ្នាក់ទៅលើឆ្មាខ្មៅឡើយ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: