ការវិភាគអំពីផលប៉ះពាល់នៃជំងឺកូវីដ-១៩ មកលើជីវភាពរបស់ក្រុម Yakuza

ជំងឺកូវីដ-១៩ រាតត្បាតសកលបណ្តាលអោយសង្គមមានការផ្លាស់ប្តូរ។ ការងារធ្វើពីចម្ងាយមានការកើនឡើង អគារការិយាល័យគ្មានអ្នកជួល ចំនួនភ្ញៀវទៅទទួលទាននៅភោជនីយដ្ឋាន និងហាងលក់ម្ហូបធ្លាក់ចុះបន្តិចម្តងៗ រីឯ​សេវាកម្ម​ដឹកជញ្ជូនកាន់តែច្រើនឡើង។ 

បច្ចុប្បន្នសេដ្ឋកិច្ចពិភពលោកកំពុងស្ថិតក្នុងស្ថានភាពពិបាក ដូច្នេះក្រោមផលប៉ះពាល់អវិជ្ជមានជាច្រើននៅតែមានការផ្លាស់ប្តូរនាំមកនូវប្រាក់ចំណេញ។ ចំពោះការផ្លាស់ប្តូរនៃសម័យកាលយើងមិនអាចធ្វើតាមទម្រង់ចាស់ប៉ុណ្ណោះ​ទេ យើងត្រូវស្វែងទម្រង់អាជីវកម្មថ្មីដើម្បីរកស៊ី។

រូបភាព https://gunosy.com/articles/e7Sz8?s=s

ក្នុងពិភព Yakuza (ម៉ាហ្វីយ៉ាជប៉ុន) ក៏រងផលប៉ះពាល់ដោយសារជំងឺរាតត្បាតដែរ។ ក្រៅពីនេះក្រុម Yakuza ជាមនុស្សដែលយល់ច្បាស់ដំណើរការសង្គម។ ពួកគេធ្លា​ប់ឆ្លងកាត់ការងារជាច្រើនដូចជាពេស្យាចារ ចងការប្រាក់ បោក​ប្រាស់។ ប៉ុន្តែការងារទាំងនេះប្រឈមនឹងមនុស្សច្រើន ដូច្នេះពួកគេត្រូវរកវិធីកាត់បន្ថយការចម្លងជំងឺ។

នៅពេលជួញដូរផ្លូវ ភ្ញៀវ និងស្រីពេស្យាមិនអាចរក្សាគម្លាត ដូច្នេះឥឡូវក្រុម Yakuza មិនអាចរកប្រាក់ពីរបរនេះបាន​ឡើយ។

ទម្រង់បោកប្រាស់របស់ក្រុម Yakuza គេហៅថា “Ore, ore” សំដៅលើមនុស្សចាស់។ ក្រុម Yakuza ទូរស័ព្ទទៅជនរងគ្រោះធ្វើពុតជាកូនរបស់ពួកគេនិយាយថា “ម៉ាកកូន…” (ភាសាជប៉ុន “Okaasan, ore…ore…”) ។ បន្ទាប់មកនិយាយ​កុហកថាខ្លួនកំពុងខ្វះប្រាក់។

មនុស្សមួយក្រុមប្រមូលផ្តុំគ្នាក្នុងបន្ទប់រួចហៅទូរស័ព្ទជាបន្តបន្ទាប់ ដូច្នេះវិធីនេះក៏រងហានិភ័យនៃការឆ្លងជំងឺ​កូវីដ​-១៩ ផងដែរ។ ទោះបីជាអាចធ្វើពីចម្ងាយតែងាយនឹងត្រូវគេរកឃើញ។

ផ្ទុយទៅវិញទម្រង់ឆបោកតាមរយៈកាស៊ីណូហ្គេមហាក់ដូចជាងាយជាង។ ម្យ៉ាងវិញមានទម្រង់បោកបញ្ឆោតថ្មីដូចជាបោកប្រាក់ឧបត្ថម្ភ។ ដោយសារបញ្ហាជំងឺកូវីដ-១៩ ដូច្នេះប្រព័ន្ធឧបត្ថម្ភធនរហូតដល់ ២ លានយ៉េនសម្រាប់អាជីវកម្ម​ដែលមានប្រាក់ចំណូលតិចជាង ៥០% នៃប្រាក់ចំណូលឆ្នាំមុន និងប្រាក់ ១ លានយ៉េនសម្រាប់ម្ចាស់បន្តអាជីវកម្ម។ ក្រុម Yakuza អាចរកប្រាក់ដោយរៀបចំឯកសារក្លែងក្លាយឬប្រើអាជីវកម្មជំពាក់បំណុលស្នើសុំប្រាក់ឧបត្ថម្ភ។

ចំពោះយុវជនដែលគ្មានការងារ ពួកគេដើរលួចនៅតាមហាងដែលបិទមិនបើកលក់តាមបទបញ្ជា។ ទោះបីជាបទបញ្ជាដាច់ដោយឡែកត្រូវបានដកចេញក៏ផ្លូវនៅតែស្ងាត់ព្រោះរដ្ឋាភិបាលលើកទឹកចិត្តប្រជាជនអោយនៅផ្ទះ។ ស្ថាន​ភាព​ស្ងាត់បណ្តាលអោយករណីលួចកើនឡើង។

នៅលើអុីនធឺណេតគេហទំព័រលក់របស់លួចក៏កើនឡើងផងដែរ។

ក្រោមស្ថានភាពជំងឺកូវីដ-១៩ រាតត្បាតស្មុគស្មាញវាបង្ខំអោយយើងត្រូវរកវិធីសម្របខ្លួនជាមួយជំងឺ មិនអាចរង់ចាំ​ដល់​ពេល​ជំងឺបញ្ចប់ទៅវិញឡើយ។

នៅក្នុងការសម្របខ្លួនក្រៅពីឥទ្ធិពលវិជ្ជមាន យើងមិនអាចមិនអើពើផលប៉ះពាល់អវិជ្ជមានខាងលើទេ។

Kengo Abe