សាកលវិទ្យាល័យណាហ្គូយ៉ាទទួល​ជោគ​ជ័យ​ក្នុង​ការ​បង្កាត់​ពូជ​ស្រូវ​ផលិត​ជាតិស្ករ

យើងដឹងហើយថាភាគច្រើនស្រូវផលិតចេញជាអង្ករ ប៉ុន្តែអ្នកវិទ្យាសាស្ត្រជប៉ុនបែរជាស្រាវជ្រាវគ្រាប់ស្រូវផលិតស្ករបរិសុទ្ធទៅវិញ។

កាលពីខែតុលាក្រុមអ្នកស្រាវជ្រាវនៅសាកលវិទ្យាល័យ Nagoya បានប្រកាសការរកឃើញថ្មីក្នុងវិស័យផលិតកម្មស្ករ។ ជាក់​ស្តែងពួកគេបានបង្កើតពូជស្រូវមិនផលិតគ្រាប់ស្រូវតែផ្ទុកជាតិស្ករ។

រូបភាព https://soranews24.com/

តាមធម្មជាតិគ្រាប់ស្រូវគេយកទៅចម្រាញ់ជាអង្ករ ហើយចម្អិនទៅជាបាយ ផ្គត់ផ្គង់សារធាតុចិញ្ចឹមសម្រាប់មនុស្ស។

ក្រុមអ្នកស្រាវជ្រាវមកពីសាកលវិទ្យាល័យ Nagoya ធ្វើអោយដំណើរការផលិតគ្រាប់អង្ករទៅជាផ្ទុកជាតិស្ករ ៩៨% ។ តាមរយៈការបង្កាត់ពូជយ៉ាងស្មុគស្មាញ ក្រុមអ្នកស្រាវជ្រាវបានបង្កើតគ្រាប់ស្រូវដែលមានរន្ធតូចៗផ្ទុកទឹកស្ករ។

ទាំងនេះមានន័យថាស្ករអាចផលិតបានយ៉ាងងាយស្រួល និងពេញនិយមនៅជុំវិញពិភពលោកដូចជាស្រូវសព្វថ្ងៃដែរ។

រូបភាព https://soranews24.com/

ទោះបីគ្រាប់ស្រូវមានជាតិ​ផ្អែមក៏ជនជាតិ​ជប៉ុនហាក់ដូចជាមិនចាប់អារម្មណ៍ឡើយ។ ក្រៅពីនេះស្ថានភាពជំងឺទឹក​នោមផ្អែម និងធាត់កំពុងកើនឡើងនៅលើពិភពលោក ដូច្នេះតើយើងពិតជាត្រូវការជាតិស្ករបន្ថែមឬទេ?

ក្រៅពីច្នៃជាអាហារ ផ្តល់ថាមពល ស្ករក៏ជាជីវឧស្ម័នផងដែរ។ បើប្រៀបជាមួយប្រភេទផ្សេងៗដូចជាអំពៅឬថៃថាវ ស្រូវស្ករត្រូវបានគេអះអាងថាងាយដាំជាង។

ការស្រាវជ្រាវទើបទទួលបានជោគជ័យតែអ្នកប្រើបណ្តាញសង្គមជប៉ុនជាច្រើនមានចំណាប់អារម្មណ៍ចង់ដឹងពីប្រភេទ​ស្រូវស្ករថ្មីនេះ។ មនុស្សមួយចំនួនថែមទាំងឆ្ងល់តើស្រា Sake ចម្រាញ់ចេញពីប្រភេទស្រូវនេះឆ្ងាញ់ដែរទេ?

“ខ្ញុំពិតជាចង់ដឹងតើស្រា Sake ប្រភេទណាចម្រាញ់ចេញពីស្រូវស្ករ?”

“អំពៅពិបាកក្នុងការប្រមូលផល និងដឹកជញ្ជូន ប៉ុន្តែការរកឃើញនេះផ្តល់ភាពងាយស្រួលជាងមុន”

“ខ្ញុំរីករាយដែលអ្នកវិទ្យាសាស្ត្ររបស់យើងកំពុងធ្វើការស្រាវជ្រាវលើរឿងបែបនេះជាជាងអាវុធ”។

Nagoya University develops rice plant that grows pure sugar

AD