ការនិយមតុបតែងតុក្កតា Anime នៅលើរថយន្តទំនើបៗ

ក្នុងអំឡុងសេដ្ឋកិច្ចប្រទេសជប៉ុនអភិវឌ្ឍនៅទសវត្សឆ្នាំ ១៩៨០ និង ១៩៩០ ភោជនីយដ្ឋានលំដាប់កំពូលនៅបរទេស​វាយលុកទីផ្សារជប៉ុនហើយទទួលបានការពេញនិយមយ៉ាងខ្លាំង។

ក្នុងចំណោមនោះភោជនីយដ្ឋានអុីតាលីដែលមានប្រជាប្រិយភាពបំផុតគេហៅថា Itameshi (Itaria no meshi – បាយអុីតាលី) ។

នៅក្នុងអត្ថបទនេះខ្ញុំនឹងណែនាំពាក្យមួយដែលបញ្ចេញសម្លេងស្រដៀងគ្នាគឺ Itasha ។ ទោះជាយ៉ាងណានេះមិន​មែន​សំដៅទៅ​លើ​ឡានប្រណីតមកពីប្រទេសអុីតាលី Ferrari នោះទេ។

តែសំដៅទៅលើរថយន្តចម្លែកដូចនេះ។

រូបភាព https://kuruma-news.jp/post/172102

អ្នករាល់គ្នាប្រហែលជាដឹងហើយថានេះគឺជា Hatsune Miku ។ Itasha ជាប្រភេទឡានតុបតែងរូបតុក្កតា Anime ខាង​ក្រៅ។ 

មូលហេតុ​ដែលគេហៅថារថយន្ត Itasha ព្រោះគ្រាន់តែឃើញអ្នកប្រហែលជាគិតថា “តើស្មារតីម្ចាស់រថយន្តប្រក្រតីដែរ​ទេ?”

គេបិទរូបតុក្កតា Anime បង្ហាញពីចំណូលចិត្តរបស់ម្ចាស់រថយន្តដែលជាមោទនភាពរបស់ពួកគេ ដូច្នេះម្ចាស់រថយន្ត​មិនប្រើរបស់ចាស់ឬរបស់មួយទឹកសម្រាប់តុបតែងលម្អរថយន្តម៉ាកថ្មីឡើយ។ សូម្បីតែឡានទំនើបៗដូចជា​ឡាន Ferrari ក៏មាន Itasha ផងដែរ។

រូបភាព https://insurance.rakuten.co.jp/inlife/fun/itasha-20171027/

https://www.barks.jp/news/?id=1000044683

រថយន្តបិទរូបតុក្កតា Anime 

រូបភាព https://www.joetsutj.com/articles/52077581

ប្រសិនបើនារីម្នាក់មានឳកាសជិះឡានបែបនេះ តើនាងព្រមជិះដែរទេ? ដើម្បីបើកបររថយន្ត Ferrari ត្រូវតែជា​មនុស្សមានលុយ។

ក្រៅពីគុណសម្បត្តិងាយរកឃើញឡានក្នុងចំណតរថយន្ត ខ្ញុំដូចជាមិនដឹងថាវាមានគុណប្រយោជន៍អ្វីទៀតទេ។ ក្នុងនាម​ជា Otaku នេះជាភាពរីករាយបើកបរជាមួយតុក្កតា Anime ដែលខ្លួនចូលចិត្ត។​

Itasha ប្រភេទម៉ូតូ

រូបភាព https://www.goobike.com/learn/bike_issue/toku251/03.html

រូបភាព https://www.goobike.com/learn/bike_issue/toku251/03.html

មើលទៅស្អាតជាងឡានមែនទេ? ប្រហែលដោយសារការតុបតែងតិចជាង។

ប្រាកដណាស់នេះជាប្រភេទម៉ូតូលំដាប់កំពូល។

ការនិយមបែបនេះមិនត្រឹមតែមានប្រជាប្រិយភាពនៅក្នុងប្រទេសជប៉ុនប៉ុណ្ណោះទេ ថែមទាំងល្បីនៅបរទេសផង​ដែរ។ ប្រសិន​បើអ្នកចាត់ទុកខ្លួនជា Otaku តើអ្នកហ៊ានចំណាយប្រាក់ទិញឡានថ្លៃហើយតុបតែងដូចនេះដែរទេ?

Kengo Abe