មន្ត្រីសុខាភិបាលជប៉ុនរកឃើញឆ្កែចំនួន ១៦៤ ក្បាលនៅក្នុងផ្ទះតូចខ្វះការថែទាំ

មន្ត្រីសុខាភិបាលជប៉ុនបានរកឃើញសត្វឆ្កែស្គមស្គាំងចំនួន ១៦៤ ក្បាលដាក់នៅក្នុងផ្ទះតូចមួយ។ នេះជាករណីទុកសត្វ​ដ៏អាក្រក់​បំផុត​នៅជប៉ុន។

រូបភាព https://www.japantimes.co.jp/

ភាគច្រើនសត្វឆ្កែទាំងនេះស្គមហើយឆ្លងវីរុសព្រោះត្រូវគេដាក់ក្នុងផ្ទះទំហំ ៣០ ម៉ែត្រការ៉េក្នុងទីក្រុង Izumo ខេត្ត Shimane ភាគខាងលិច​ប្រទេសជប៉ុន។ នៅពាក់កណ្តាលខែតុលា បន្ទាប់ពីត្រូវអ្នកជិតខាងត្អូញត្អែល និងរាយការណ៍​ទៅអាជ្ញាធរ ក្រុមការពារសត្វបានទៅដល់ហើយរកឃើញសត្វឆ្កែទាំងនោះ។

រូបភាព https://www.japantimes.co.jp/

កាលពី ៧ ឆ្នាំមុនបុគ្គលិកពេទ្យបានទៅមើលផ្ទះនេះបន្ទាប់ពីទទួលបានពាក្យបណ្តឹងរបស់អ្នកជិតខាងចំពោះសម្លេងរំខាន និងក្លិនមិនល្អ។ ទោះយ៉ាងណាម្ចាស់ផ្ទះបានបដិសេធមិនអនុញ្ញាតអោយស៊ើបអង្កេតនៅគ្រានោះ។

សត្វឆ្កែរស់នៅប្រជ្រៀតនៅលើធ្នើ ក្រោមតុ និងកៅអី។

រូបភាព https://www.japantimes.co.jp/

នៅលើដីសុទ្ធតែលាមក និងទឹកនោម។

ម្ចាស់ផ្ទះដែលជាប្តីប្រពន្ធចំណាស់ និងកូនស្រីបានទទួលស្គាល់ថាពួកគេគ្មានលទ្ធភាពក្រៀវឆ្កែទាំងនេះ។ យោងទៅ​តាម​កា​សែត​ក្នុងស្រុកក្រុមគ្រួសារចាប់ផ្តើមចិញ្ចឹមឆ្កែប្រហែលជា ៣០ ឆ្នាំមកហើយ។

ក្រុមគ្រួសារបានយល់ព្រមប្រគល់សត្វឆ្កែទៅឱ្យអង្គការការពារសត្វ។ ក្រុមការពារសត្វសន្យាថានឹងរកជម្រកថ្មីសម្រាប់​​សត្វឆ្កែទាំង ១៦៤ ក្បាលនេះបន្ទាប់ពីពួកវាទទួលការព្យាបាល។

AD