ករណីលាក់សពលោកតាអាយុ ១១១ ឆ្នាំដែល​ទទួល​មរណ​ភាព​កាល​ពី ៣០ ឆ្នាំមុនដើម្បីបន្តទទួលប្រាក់ឧបត្ថម្ភ

ប្រទេសជប៉ុនជាប្រទេសដែលមានមនុស្សចាស់ច្រើន ប្រជាជនជប៉ុនមិនត្រឹម​តែមានអាយុវែងប៉ុណ្ណោះទេ ហើយ​ភាគ​ច្រើន​អ្នកកាន់កំណត់ត្រាអាយុវែងនៅលើពិភពលោកក៏ជាជនជាតិ​ជប៉ុនផងដែរ។ ប្រជាជនជប៉ុនមួយចំនួនអាច​រស់នៅរហូតដល់អាយុលើសពី ១០០ ឆ្នាំ។

ជាការពិតណាស់អាយុរបស់ជនជាតិជប៉ុនមានអាយុវែងជាងប្រទេសដទៃទៀត ដូច្នេះប្រសិនបើអ្នកអានព័ត៌មាននិយាយពីមនុស្សចំណាស់ជាងគេលើពិភពលោកជាជនជាតិ​ជប៉ុនគ្មានអ្វីចម្លែកឡើយ។

ទោះជាយ៉ាងណារឿងហេតុក្នុងឆ្នាំ ២០១០ បានបង្កឱ្យមានភាពចម្រូងចម្រាសទាក់ទងនឹងអាយុរបស់ពលរដ្ឋនៃប្រទេស​ជប៉ុន។

យោងទៅតាមទិន្នន័យរបស់ប្រទេសជប៉ុនចំនួនប្រជាជនដែលមានអាយុលើសពី ១០០ ឆ្នាំត្រូវចោទជាចម្ងល់តាំង​ពី​ឆ្នាំ ២០១០ មកម្ល៉េះ។ ទន្ទឹមនឹងនេះរបាយការណ៍ជាច្រើនបង្ហាញថាមនុស្សចាស់ជប៉ុនរាប់រយរាប់ពាន់នាក់កំពុងបាត់ខ្លួន។ ទំនងជាមរណភាពរបស់មនុស្សចាស់លើសពី ១០០ ឆ្នាំមិនត្រូវបានគេរាយការណ៍ដែលបណ្តាលឱ្យមានទិន្នន័យ​មិនត្រឹមត្រូវ។

កាលពីខែកក្កដាឆ្នាំ ២០១០ លោក Sogen Kato ដែលមានអាយុជាងមួយឆ្នាំត្រូវបានចុះបញ្ជីបុរសចំណាស់ជាងគេនៅទីក្រុងតូក្យូ ពេលនោះគាត់មានអាយុ ១១១ ឆ្នាំត្រូវគេរកឃើញថាទទួលមរណភាពកាលពី ៣០ ឆ្នាំមុន។ គេប្រទះឃើញសាកសពត្រូវគេរក្សាទុកមិនអោយរលួយលើគ្រែ។

រូបភាព https://aventurasnahistoria.uol.com.br

ជាច្រើនលើកភ្នាក់ងារសុខុមាលភាពចង់ជួបលោកតា ប៉ុន្តែម្តងណាក៏ត្រូវចៅស្រីបដិសេធដោយហេតុផលថា “លោក​​តាមិនចង់ជួបគេទេ” ។

អ្នកដែលរស់នៅជុំវិញលោកតា​ Kato និយាយថា “គាត់ឃុំខ្លួននៅក្នុងបន្ទប់រយៈពេល ៣០ ឆ្នាំមកហើយ” ។ តាមពិតនេះជាអំពើបោកប្រាស់ទាំងគ្រួសារគោលបំណងចង់បានប្រាក់ឧបត្ថម្ភ ៩ លានយ៉េនរបស់លោកតាព្រោះប្រពន្ធរបស់​លោកតាក៏បានទទួលមរណភាពកាលពី ៦ ឆ្នាំមុន។

រូបភាព http://www.todayifoundout.com/

ចាប់តាំងពីពេលនោះមកប៉ូលីសបានធ្វើការស៊ើបអង្កេតបញ្ជីឈ្មោះមនុស្សដែលមានអាយុលើសពី ១០៥ ឆ្នាំ ក្រសួងយុត្តិធម៌ជប៉ុនបានរកឃើញថាមនុស្សចាស់អាយុជាង ១០០ ឆ្នាំយ៉ាងហោចណាស់ ២៣៤,៣៥៤ នាក់កំពុងបាត់ខ្លួន។

ជាការពិតដែលថាប្រទេសជប៉ុនជាប្រទេសដែលមានអាយុកាលខ្ពស់ជាងគេនៅលើពិភពលោក ប៉ុន្តែតួលេខស្ថិតិអាយុមិនត្រឹមត្រូវដោយសារតែករណីគ្រួសារខ្លះបិទបាំងការស្លាប់ដើម្បីបន្តទទួលប្រាក់សន្តិសុខសង្គម។

មិនត្រឹម​តែប៉ុណ្ណឹងរឿងនេះស្របជាមួយបញ្ហា Kodokushi – មនុស្សដែលស្លាប់ម្នាក់ឯង និងមិនត្រូវបានគេប្រទះឃើញ​ក្នុងរយៈពេលយូរ ដែលភាគច្រើនជាមនុស្សចាស់់។

Sacchan