សរទររដូវជារដូវទទួលទានអាហារ និង​ផ្លែឈើ​ផ្អែម​ឆ្ងាញ់​ជា​ច្រើន​ដែល​អ្នក​មិន​គួរ​រំលង

ប្រជាជនជប៉ុនហៅរដូវស្លឹកឈើជ្រុះម្យ៉ាងទៀតថារដូវជីវ្ហាវិញ្ញាណ។

ប្រទេសជប៉ុនជាប្រទេសមួយដែលមាន ៤ រដូវកាលខុសៗគ្នា ក្នុងនោះរដូវស្លឹកឈើជ្រុះមិនត្រឹមតែល្បីដោយសារទេស​ភាពស្រស់ស្អាតប៉ុណ្ណោះទេ ថែមទាំងជារដូវដែលអាចបរិភោគម្ហូបឆ្ងាញ់ជាច្រើនផងដែរ។

មិនត្រឹម​តែប៉ុណ្ណឹងរដូវនេះមានអាកាសធាតុល្អបំផុតចំពោះក្រពះធ្វើអោយយើងចង់ទទួលទានអាហារ។ ប៉ុន្តែប្រហែល​ជា​មិន​ល្អ​សម្រាប់អ្នកដែលកំពុងសម្រកទម្ងន់ឡើយ។ 

ប្រសិនបើអ្នកកំពុងតែថែរាងសម្រាប់កម្មវិធីណាមួយ អត្តបទនេះប្រហែលនឹងធ្វើអោយអ្នកទ្រាំមិនបាន។

ផ្លែទំពាំងបាយជូរ

រូបភាព https://www.ibaraki-shokusai.net/brand/grapes/

នៅក្នុងរដូវស្លឹកឈើជ្រុះផ្លែឈើដែលឆ្ងាញ់គឺផ្លែទំពាំងបាយជូរ។ 

ផ្លែទំពាំងបាយជូរស្រស់រសជាតិជូរអែមឆ្ងាញ់ណាស់ ហើយកាន់តែឆ្ងាញ់ប្រសិនបើញ៉ាំជាមួយនំ Tart  (ប៉ុន្តែប្រសិនបើអ្នក​ខ្លាចឡើងគីឡូសូមកុំញ៉ាំចំណីដែលមានកាឡូរីខ្ពស់) ។

រូបភាព https://www.kurashiru.com/recipes/8ac47eff-e9ab-4315-b6e7-00456125cebe

ពិតជាគួរអោយសោកស្តាយណាស់ប្រសិនបើអ្នករំលងមិនបានភ្លក់នំឆ្ងាញ់នេះ។ នំមានស្រទាប់ឈីសក្រែមលាយជាមួយរសជាតិសរទរ​ដូវឈ្ងុយឆ្ងាញ់។

ផ្លែទ្រលាប់

រូបភាព https://cancam.jp/archives/490227

ខ្ញុំគិតថាមនុស្សភាគច្រើនចូលចិត្តញ៉ាំផ្លែទ្រលាប់រឹង ប៉ុន្តែខ្ញុំបែរជាចូលចិត្តផ្លែទ្រលាប់ទុំរាងទន់បន្តិច។ នៅពេលអ្នក​ទំពារផ្លែទ្រលាប់ឮសម្លេងស្រួយម្យ៉ាងដែរ។

ទោះបីមិនមែនរដូវដំណាប់ទ្រលាប់តែប្រជាជនក៏នាំគ្នាហាលផ្លែទ្រលាប់ផងដែរ។

ផ្សិត Matsutake

នៅប្រទេសជប៉ុននេះជាប្រភេទផ្សិតឆ្ងាញ់ ផ្សិត Matsutake ដុះជិតដើមស្រល់ (Matsu no ki) ។ លើសពីនេះក្លិនឈ្ងុយ​នៃ​ផ្សិតក៏ពិសេសណាស់ ប្រជាជនជប៉ុនច្រើនតែចម្អិនផ្សិត Matsutake ក្នុងឆ្នាំងបាយ។

ត្រីប្លាធូ

រូបភាព https://tenki.jp/suppl/romisan/2018/09/02/28395.html

ត្រីប្លាធូ (Sanma តាមទម្រង់ Kanji គឺ 秋刀魚 ) ត្រីនេះមានរាងដូចដាវ ហើយជាទូទៅគេនេសាទត្រីប្លាធូនៅរដូវស្លឹក​ឈើជ្រុះ។

នៅរដូវស្លឹកឈើជ្រុះត្រីប្លាធូអាំងជាម្ហូបដែលឆ្ងាញ់ជាងគេដែលអ្នកមិនគួររំលង។ ប៉ុន្តែក្នុងឆ្នាំនេះត្រីប្លាធូហាក់ដូច​ជា​ស្គមជាងរល់ឆ្នាំ ដូច្នេះការនេសាទក៏ថយចុះព្រោះត្រីមិនគ្រប់លក្ខខណ្ឌធ្វើអោយតម្លៃឡើងថ្លៃ។

ដំឡូង​ផ្អែម

រូបភាព https://weathernews.jp/s/topics/201911/070225/

ពេលអាកាសធាតុ​ត្រជាក់គ្មានអ្វីប្រសើរជាងញ៉ាំដំឡូងផ្អែមក្តៅអាំងនោះទេ។ គ្រាន់តែទទួលទានដំឡូងអាំងក៏គ្រប់គ្រាន់​ណាស់​ទៅ​ហើយ ប៉ុន្តែខ្ញុំសូមណែនាំដំឡូងអាំងលាយបឺកាន់តែឆ្ងាញ់។

រូបភាព https://torokeru-de.com/SHOP/poteto03.html

កៅឡាក់

ជាទូទៅគេលីងកៅឡាក់រួចទើបញ៉ាំ ប៉ុន្តែនៅមានវិធីទទួលទានមួយបែបទៀតដែលអ្នកមិនប្រាកដថាដឹងនោះទេ។

រូបភាព https://cookpad.com/recipe/5735229

ប្រសិនបើអ្នកចម្អិនកៅឡាក់ជាមួយស៊ុបឬបាយ ក្លិនម្ហូបទាំងពីរលាយបញ្ចូលគ្នាពិតជាឈ្ងុយឆ្ងាញ់។

ជាការពិតណាស់រដូវស្លឹកឈើជ្រុះក៏ជារដូវទទួលទាននំផងដែរ។

តើអ្នកធ្លាប់ភ្លក់នំ Montblanc កៅឡាក់ដែរទេ?

រូបភាព https://tomiz.com/recipe/pro/detail/20190718171227

ប្រសិនបើអ្នកមានចំណង់ចំណូលចិត្តចំពោះមុខម្ហូបទូទៅឬម្ហូបជប៉ុន ដូច្នេះសូមកុំភ្លេចទៅលេងនៅជប៉ុននារដូវស្លឹកឈើជ្រុះ។

Kengo Abe