សកម្មភាព​ដែល​ជម្រុញ​ឲ្យ​សមត្ថភាព​ការ​ងារ​របស់​អ្នក​កាន់​តែ​ប្រសើរ​​ឡើង

ការវាយតម្លៃចំពោះអ្នកដែលធ្វើការងារបានល្អ ហើយដឹងពីរបៀបបន្ធូរអារម្មណ៍ពិតជាល្អណាស់។

ស្រដៀងគ្នាដែរ អ្នកដែលដឹងតែពីធ្វើការ មិនប្រាកដថាធ្វើបានល្អនោះទេ។

ពិតជាមិនងាយក្នុងការបែងចែករវាងការងារ និងការលេងនោះទេ ប៉ុន្តែអ្នកដែលអាចធ្វើបានដូចនេះជាមនុស្សចេះ​បត់​បែន។

ជាមនុស្សដែលដឹងថា ពេលណាត្រូវលេង ពេលណាត្រូវធ្វើការ ហើយសម្រួលរវាងការងារ និងការលេង។ អាស្រ័យលើមនុស្សម្នាក់ៗវិធីផ្លាស់ប្តូររបៀបធ្វើការក៏ខុសគ្នាដែរ។

សម្រាប់មនុស្សមួយចំនួនពាក់អាវធំស្អាតបាត សមរម្យអាចប្តូររបៀបធ្វើការរបស់ពួកគេដោយស្វ័យប្រវត្តិ។ ចំណែក​​អ្នកខ្លះត្រូវការកាហ្វេមួយកែវទើបអាចផ្តោតអារម្មណ៍ធ្វើការ។ សកម្មភាពផ្សេងទៀតអាស្រ័យលើបុគ្គលម្នាក់ៗ​ដូច​ជា​ហូបសូកូឡា តុបតែងខ្លួន ឬស្តាប់តន្ត្រីដែលអ្នកចូលចិត្ត -ល- ។

រូបភាព https://twitter.com/pri_silver/status/781386524432605184

មិនថាវិធីមួយណាក៏ល្អអាចជួយឲ្យអ្នកផ្តោតអារម្មណ៍លើការងារ។ ដូចជាហូបចេកក៏អាចជារបៀបធ្វើការរបស់​អ្នក​ផង​ដែរ។

ប្រហែលអ្នកដទៃមើលមកមិនយល់សកម្មភាពរបស់អ្នក ប៉ុន្តែនោះជាទម្លាប់ផ្ទាល់របស់អ្នក។ ជ្រើសរើសសកម្មភាពមួយ​ជួយឲ្យអ្នកផ្តោតលើការងារ ផ្សង់អារម្មណ៍តាមដែលអាចធ្វើទៅបាន។

មនុស្សមួយចំនួនមើលស្រាលទម្លាប់ផ្ទាល់ខ្លួន ប៉ុន្តែប្រសិនបើអ្នកអាចតឹងរ៉ឹងចំពោះខ្លួនឯង នោះលទ្ធផលដែលទទួល​បានប្រាកដជាធំធេងណាស់!

តាមពិតមនុស្សគ្រប់គ្នាមានសមត្ថភាពផ្ទាល់ខ្លួន គ្រាន់តែយើងមិនទាន់បណ្តុះចំណុចខ្លាំង។ មូលហេតុ​ធ្វើឲ្យសមត្ថភាព​របស់អ្នកមិនអាចរីកចម្រើនដោយសារខ្វះការផ្តោតអារម្មណ៍។ អ្នកដែលតែងតែគិតថា ខ្លួនគ្មានសមត្ថភាព​​មានទំនោរកម្រិតអ្វីដែលពួកគេអាចធ្វើបាន។

ការព្រមព្រៀងចំពោះខ្លួន​ឯងក៏ជាវិធីអាចបណ្តុះបណ្តាលកម្លាំងចិត្តរបស់អ្នកផងដែរ។ និយាយប្រាប់ខ្លួន​ឯង​ថា “ខ្ញុំអាចធ្វើបាន ខ្ញុំនឹងទទួលបានជោគជ័យ” ។ គេនិយាយថា “ដើរដោយជំនឿ” ប្រសិនបើអ្នកមានជំនឿចេញ​ពីចិត្ត មនុស្សងាយនឹងយកឈ្នះស្ថានភាពលំបាក។ បើអ្នកជឿជាក់លើខ្លួនឯង អ្នកនឹងមានភាពក្លាហានទទួល​យក​បញ្ហា​ប្រឈម។

រូបភាព https://www.pinterest.com/pin/310115124335859048/

រឿងទាំងនេះកើតឡើងច្រើនក្នុង Manga មែនទេ? ទាំង Sun Wukong ក្នុងរឿង Dragon Ball ឬ Luffy ក្នុងរឿង One Piece សុទ្ធតែជាតួអង្គទទួលបានជោគជ័យដោយសារកម្លាំងចិត្តរបស់ពួកគេជំនះការលំបាកជាមួយថាម​ពល។

ឧទាហរណ៍នៅក្នុងជីវិតជាក់ស្តែង

តើអ្នកស្គាល់វិធីសាស្រ្ត “ភ្ញាក់ដឹងខ្លួនពីការក្លាសេ” – បច្ចេកវិទ្យាដែលមានប័ណ្ណប៉ាតង់អាចចាត់ទុកជា “បដិវត្ត” វិស័យកសិកម្ម​ជប៉ុន? វិធីសាស្រ្តនេះនិយាយពីយុគសម័យទឹកកក បង្កកគ្រាប់ពូជហើយរលាយទៅវិញ។ អ្វីដែលសំខាន់គ្រាប់​ពូជត្រូវស៊ូទ្រាំ “រយៈពេលកក” អាចដុះពន្លក ហើយលូតលាស់ល្អជាងមុន។ ដោយសារវិធីសាស្រ្តនេះ អ្នកអាចដាំ​ចេក កាហ្វេ ល្ហុង -ល- ។ ផ្លែឈើ និងគ្រាប់ពូជដែលមិនអាចដាំដុះនៅជប៉ុនពី​មុន​មក​បើ​គ្មានផ្ទះកញ្ចក់។

ដូច្នេះពេលខ្លះយើងត្រូវបង្កកខួរក្បាលដើម្បីឲ្យវាគិតលឿនជាងមុន។ ទោះជាយ៉ាងណា រកវិធីណាមួយដែល​ជួយ​ជម្រុញ​ការ​ងារ​របស់អ្នក ហើយព្យាយាមឲ្យ​អស់ពីសមត្ថភាព។

បន្ទាប់ពីបញ្ចប់ការងារ អ្នកក៏អាចលេងបានយ៉ាងរីករាយតាមរបៀបដែលអ្នកធ្វើការ។

Kengo Abe