ខ្សែភាពយន្ត Anime ទាំង ១០ ចេញផ្សាយនារដូវស្លឹកឈើជ្រុះនេះ (ភាគ ២)

ភាគបន្តខ្សែភាពយន្ត Anime ទាំង ១០ ចេញផ្សាយនារដូវស្លឹកឈើជ្រុះឆ្នាំ ២០២០ ដែលអ្នកគួរតែទស្សនា។

៥. Assault Lily Bouquet — ★★

រូបភាព Assault Lily

អ្នកផលិត៖ Acus Obanazawa

អ្នកនិពន្ធ៖ Shoji Saeki

Animation studi: Shaft

នៅពេលអនាគតមនុស្សត្រូវប្រឈមមុខនឹងការបំផ្លាញពីសត្វចម្លែកធំអាថ៌កំបាំងដែលគេហៅថា “Huge” ។ ពិភព​លោកទាំងមូលរួមដៃគ្នាកម្ចាត់ Huge ហើយបង្កើតអាវុធថ្មីមួយដែលមានឈ្មោះថា “CHARM” (Counter Huge Arms) ជាអាវុធដែលរួមបញ្ចូលវិទ្យា​សាស្ត្រ និង​មន្ត​អាគម។ អាវុធ CHARM អាចបញ្ចេញកម្លាំងរបស់ខ្លួននៅពេលបញ្ចូលជាមួយក្មេងស្រីវ័យជំទង់។ ក្មេងស្រីដែលកាន់អាវុធនេះត្រូវគេចាត់ទុកជាវីរនារីមានឈ្មោះថា “Lilies” ។ នៅជុំវិញពិភពលោកសាលាបណ្ឌិត្យសភាយោធា “Garden” បង្កើតឡើងសម្រាប់បណ្តុះបណ្តា Lilies ប្រយុទ្ធ​ជាមួយ Huge និងដើម្បីបង្កើតមូលដ្ឋានការពារ។

៤. Akudama Drive — ★★

រូបភាព Akudama Drive

អ្នកផលិត៖ Pierrot TooKyoGames និង Kazutaka Kodaka

អ្នកនិពន្ធ៖ Tomohisa Taguchi

Animation studio: studio Pierrot

ខ្សែភាពយន្ត Anime Akudama Drive និយាយពីរឿងរ៉ាវដែលកើតឡើងតាំងពីយូរណាស់មកហើយ នៅពេលនោះពិភពលោកត្រូវបែងចែកដោយសារសង្គ្រាមរវាង KANTO និង KANSAI ។ KANSAI ស្ថិតនៅក្រោមការគ្រប់គ្រងរបស់ KANTO ហើយវិវត្តន៍ខ្លួនដោយឯករាជ្យ។ ទោះយ៉ាងណាកម្លាំងនយោបាយ និងកម្លាំងប៉ូលីសកំពុងតែទន់ខ្សោយបណ្តាលអោយតំបន់បទឧក្រិដ្ឋកាន់តែស្មុគស្មាញឡើង។ ឧក្រិដ្ឋជនទាំងនេះគេហៅថា “AKUDA” កាន់តែខ្លាំងឡើង​ពី​មួយថ្ងៃទៅមួយថ្ងៃ។

៣. Munō No Nana — ★★★

រូបភាព Talentless Nana

អ្នកផលិត៖ Looseboy, Iori Furuya

អ្នកនិពន្ធ៖ Shinji Ishihara

Animation studio: Bridge

នៅលើកោះដាច់ស្រយាលកណ្តាលសមុទ្រមានសាលាបណ្ឌិត្យសភាមួយ។ នៅថ្ងៃមួយសិស្សម្នាក់ផ្លាស់មកមានឈ្មោះថា Hiiragi Nana បង្ហាញខ្លួននៅចំពោះមុខ Nakajima ។ សាលានេះជាកន្លែងដែលប្រមូលផ្តុំបុរសសង្ហា ស្រីស្អាតមានកម្លាំងពិសេស។ អ្នកខ្លះអាចបង្កើតភ្លើង អ្នកខ្លះអាចបញ្ជាទឹកកក អ្នកខ្លះអាចហោះហើរ ហើយអ្នកខ្លះទៀតប្រើ​ខ្សល់ធ្វើជាកម្លាំងវាយប្រហារ។

សិស្សទាំងអស់នៅទីនេះត្រូវបានបណ្តុះបណ្តាលដើម្បីប្រយុទ្ធនឹងសត្រូវរបស់មនុស្សជាតិ។ ទោះយ៉ាងណាកោះមានអាថ៌កំបាំងដែលរាប់មិនអស់ និងអន្ទាក់ជាច្រើន។ ឧក្រិដ្ឋកម្មជាច្រើនកើតឡើងជាបន្តបន្ទាប់ ឃាតករអាថ៌​កំបាំង​ម្នាក់​បន្លំខ្លួនក្នុងចំណោមសិស្សទាំងអស់ ដូច្នេះមនុស្សបាត់ខ្លួនម្តងម្នាក់ៗ។

រឿងរ៉ាវដែលបានកើតឡើងហួសពីការរំពឹងទុកជាកន្លែងល្បងប្រាជ្ញា ប្រយុទ្ធ និងសាកល្បងមិត្តភាព។

២. Maoujou de Oyasumi — ★★★

រូបភាព Maoujo

អ្នកផលិត៖ Kagiji Kumanomata

អ្នកនិពន្ធ៖ Mitsue Yamasaki

Animation studio: Doga Kobo

តាំងពីយូរយារមកហើយមនុស្សពីបុរាណ និងបិសាចរស់នៅជាមួយគ្នា។ បិសាចចាប់ពង្រត់ព្រះនាងរួចឃុំខ្លួនក្នុងវិមានរបស់ខ្លួន។ Bereft អ្នកក្រោមបង្គាប់របស់ព្រះនាងត្រូវចុះចាញ់បិសាចរហូតដល់ពេលវីរបុរសម្នាក់បង្ហាញខ្លួន​ដឹក​​នាំ​​ការ​​ជួយសង្គ្រោះ​ព្រះនាង។

ហេតុអ្វីបានជាគេហៅថា Maoujou de Oyasumi? ដោយសារតែត្រូវបិសាចចាប់ឃុំឃាំងពិបាកចិត្តពេកព្រះនាង​សំរាន​ដើម្បីបំភ្លេច​ភាពសោកសៅ។

១. Adachi to Shimamura — ★★★

រូបភាព Adashima

អ្នកផលិត៖ Hitoma Iruma

អ្នកនិពន្ធ៖ Satoshi Kuwabara

Animation studio: Tezuka Productions

នៅជាន់ទី ២ កន្លែងហាត់ប្រាណ ហើយក៏ជាកន្លែងដែលយើងតែងតែជួបគ្នា។ នេះជាកន្លែងដែលខ្ញុំ និង Shimamura ក្លាយ​ជា​មិត្តភក្តិ។

នៅទីនោះយើងបានធ្វើអ្វីៗជាច្រើនជាមួយគ្នាដូចជានិយាយអំពីកម្មវិធីទូរទស្សន៍ ចម្អិនម្ហូប និងលេងបាល់លើតុ -ល- ជាកន្លែងដែលយើងបណ្តុះចំណងមិត្តភាព។

តើនេះជាអារម្មណ៍អ្វី? ម្សិលមិញខ្ញុំសុបិន្តឃើញខ្ញុំ និង Shimamura ថើបគ្នា។

ខ្ញុំគ្រាន់តែចង់អោយនាងគិតដល់ខ្ញុំមុនគេតែប៉ុណ្ណោះ!

Sacchan