លោកយាយអាយុ ៨០ ឆ្នាំធ្វើជាបុគ្គលិកធានារ៉ាប់រងបោកប្រាស់​ប្រាក់​ចំនួន ៩០ ពាន់លានយ៉េន

តើអ្នករាល់គ្នាទិញធានារ៉ាប់រងហើយឬនៅ? ជាការពិតណាស់គ្មាននរណាម្នាក់ចង់អោយស្ថានភាពគ្រោះថ្នាក់កើតឡើងចំពោះខ្លួននោះទេ ប្រសិនបើអ្នកមានធានារ៉ាប់រងអ្នកនឹងទទួលបានការបញ្ចុះតំលៃលើថ្លៃមន្ទីរពេទ្យពេល​ឈឺ​ឬជួបគ្រោះថ្នាក់។ ហើយបើស្លាប់គ្រួសាររបស់អ្នកនឹងទទួលបានប្រាក់ធានារ៉ាប់រង។

ប្រជាជនជប៉ុនច្រើនគិតវែងឆ្ងាយដូច្នេះអត្រាអ្នកទិញធានារ៉ាប់រងអាយុជីវិតខ្ពស់។ ពេលខ្លះសូម្បីតែបុគ្គលិកក៏ត្រូវបានអនុញ្ញាតអោយលក់ធានារ៉ាប់រងក្នុងក្រុមហ៊ុនក្រោមការគ្រប់គ្រងផងដែរ។

ការងារលក់ធានារ៉ាប់រងអាយុជីវិតពិតជាពិបាកណាស់ ភាគច្រើនអ្នកដែលធ្វើការងារនេះជាស្ត្រីដែលលាឈប់ពីការ​ងារមួយរយៈដើម្បីរៀបការ ហើយមិនចង់ធ្វើស្រ្តីមេផ្ទះ។ ព្រោះការងារនេះមិនទាមទារអោយទៅការិយាល័យ ហើយ​អាចធ្វើទៅបានតាមល្បឿនការងាររបស់មនុស្សម្នាក់ៗ។ ទោះយ៉ាងណាវាមានការលំបាកក្នុងការធ្វើអោយអត្រាលក់ប្រសើរ​ឡើង ដូច្នេះក្រោយរយៈពេលពីរបីឆ្នាំមនុស្សភាគច្រើនតែងឈប់ធ្វើការ។

ករណីបោកប្រាស់របស់បុគ្គលិកផ្នែកលក់ធានារ៉ាប់រង គាត់ធ្លាប់ជាបុគ្គលិកក្រុមហ៊ុនធានារ៉ាប់រង Dai-ichi Life ក្នុង​រយៈពេលជាច្រើនឆ្នាំ ដែលជាក្រុមហ៊ុនធានារ៉ាប់រងល្អបំផុតនៅក្នុងប្រទេសជប៉ុន។

ទោះបីជាស្ត្រីម្នាក់នេះអាយុជាង ៨០ ឆ្នាំមកហើយនៅតែបន្តធ្វើការ។

រូបភាព https://times.abema.tv/

ស្ត្រីចំណាស់ម្នាក់នេះពឹងទៅលើបទពិសោធន៍ការងារ និងកេរ្តិ៍ឈ្មោះរបស់ខ្លួនប្រព្រឹត្តបទល្មើស។ ប្រសិនបើមនុស្សបែបនេះនិយាយថា “ខ្ញុំជាអ្នកនាំមុខវិស័យធានារ៉ាប់រង អ្នកគួរតែកក់ប្រាក់ធានារ៉ាប់រងដើម្បីទទួលបានអត្រាការប្រាក់ខ្ពស់ជាងនេះ” តើអ្នកជឿទេ?

ជាការពិតអ្នកដែលគ្មានប្រាក់ច្រើននឹងមិនត្រូវគេបោកបញ្ឆោតនោះទេ ប៉ុន្តែមនុស្សជាច្រើនត្រូវគេបោកប្រាស់ដោយសេចក្តីជូនដំណឹងអំពីចំនួនទឹកប្រាក់ធានារ៉ាប់រងដែលទទួលបាន។

ចំពោះការខូចខាតសរុបមានចំនួន ១,៩ ពាន់លានយ៉េន តួលេខនេះពិតជាច្រើនណាស់។

តើអ្នកគិតថាគាត់យកលុយនេះទៅធ្វើអ្វី?

មនុស្សទូទៅយកប្រាក់ទៅទិញផ្ទះ ទិញឡានរស់នៅសុខស្រួល ប៉ុន្តែគាត់បែរជាយកប្រាក់ទៅប្រកបសកម្មភាពសាសនា។ តើទេវតាពេញចិត្តនឹងទទួលប្រាក់បោកប្រាស់ពីអ្នកដទៃទេ?

មនុស្សដែលមានវ័យចំណាស់បែបនេះ ប្រាក់ខែក៏ខ្ពស់ជាងអ្នកដទៃផងដែរ ប៉ុន្តែគាត់ងប់ងល់នឹងប្រាក់ឬអាចនិយាយ​ថាគាត់ងប់នឹងជំនឿហួស។

Kengo Abe