ប្រាក់ចំណូលរោងភាពយន្តជប៉ុនបានធ្លាក់ចុះយ៉ាងខ្លាំង

ក្រុមហ៊ុនផលិតខ្សែភាពយន្តធំៗរបស់ជប៉ុនបានរាយការណ៍ថាចំណូលធ្លាក់ចុះយ៉ាងខ្លាំងក្នុងឆ្នាំនេះ។ ដោយសារតែជំងឺកូវីដ-១៩ រីករាលដាលគ្រប់ទីកន្លែងបណ្តាលអោយរោងភាពយន្ត និងរោងកុនត្រូវបិទទ្វារ ហើយចំណែកអ្នកចូល​ចិត្ត​មើលគុនត្រូវនៅផ្ទះ។

រូបភាព NHK

ក្រុមហ៊ុន Shochiku បានរាយការណ៍ពីការខាតបង់សុទ្ធចំនួន ៨៩ លានដុល្លាររយៈពេល ៦ ខែគិតរហូតដល់ចុងខែសីហា។ ប្រាក់ចំណូលសុទ្ធយ៉េនធ្លាក់ចុះ ៦០,៨% ប្រៀបទៅនឹងឆ្នាំមុន។

យោងតាមអត្រានៃខាតបង់គេរំពឹងថានឹងកើនឡើង ១៦៦ លានដុល្លារគិតរហូតដល់ខែកុម្ភៈឆ្នាំក្រោយ។

គូប្រជែងធំ Toho ក៏ប្រឈមនឹងការធ្លាក់ចុះប្រាក់ចំណេញសុទ្ធចំនួន ៨៣,៤% ទឹកប្រាក់សរុប ៣៥ លានដុល្លារ ចំណូល​ធ្លាក់ចុះ ៤៨,៦% ។

ទោះយ៉ាងណាភ្នាក់ងារ Toho បានអោយដឹងថាស្ថានភាពប្រសើរឡើងបន្តិច ហើយការធ្លាក់ចុះមិនមានសភាពធ្ងន់​ធ្ងរដូចរយៈពេលពីខែមីនាដល់ខែឧសភា ដោយសារចំណូលថ្មីពីគំនិតផ្តួចផ្តើមចាក់ផ្សាយការសម្តែងផ្ទាល់នៅ​លើ​អុីនធឺណេត។

Japo Cambodia