តើមនុស្សដំបូងគេដែលហោះឡើងទៅលើមេឃជាជនជាតិ​ជប៉ុន​មែនទេ?

តើនរណាជាមនុស្សដំបូងគេនៅលើពិភពលោកហោះទៅលើមេឃ? នៅពេលត្រូវគេសួរបែបនេះ មនុស្សភាគច្រើនតែងឆ្លើយថាបងប្អូនគ្រួសារ Wright ជនជាតិអាមេរិក។ ទោះយ៉ាងណាចម្លើយនេះមិនប្រាកដថាត្រូវទាំងស្រុងទេ។

និយាយអោយត្រង់បងប្អូនគ្រួសារ Wright ជាមនុស្សដំបូងគេដែលហោះទៅលើមេឃដោយប្រើយន្ដហោះ។ ប្រសិន​បើ​មិន​រាប់​យាន​ជំនិះខាងលើធ្លាប់មានការហោះហើរទៅលើមេឃពីមុនមកដែរ។ 

មនុស្សដំបូងដែលហោះហើរទៅលើមេឃគឺបងប្អូនប្រុស Montgolier (បារាំង) ប្រើប៉េងប៉ោងខ្យល់ក្នុងឆ្នាំ ១៧៨៣ ។

រូបភាព https://intojapanwaraku.com/culture/123323/

នៅអឺរ៉ុបក្នុងកំឡុងពេលនោះធ្លាប់មានគំនិតធ្វើត្រាប់តាមសត្វបក្សីប្រើស្លាបហោះទៅលើមេឃ ប៉ុន្តែបច្ចេកវិទ្យានាពេល​នោះ​មិនទាន់អាចធ្វើបាន។

ក្រោយមកនៅឆ្នាំ ១៨៤៩ វិស្វករជនជាតិអង់គ្លេសម្នាក់ប្រើយន្តហោះធនស្រាល។ ខុសពីប៉េងប៉ោងខ្យល់ហោះដោយប្រើកម្លាំងខ្សល់ យន្តហោះធនស្រាលនាំមកនូវអារម្មណ៍ហោះហើរដូចបក្សី។ តើវិស្វកររូបនេះជាមនុស្សដំបូងគេដែល​ហោះ​ទៅលើមេឃមែនទេ? ជាក់ស្តែងមិនមែនទេ។

ក្នុងឆ្នាំ ១៧៥៧ មុននោះជនជាតិជប៉ុនម្នាក់បានធ្វើការហោះហើរតាមរបៀបស្រដៀងគ្នានេះ។ មនុស្សម្នាក់នេះមាន​​ឈ្មោះ​ថា Koukichi Ukita ស្រុកកំណើតនៅ Okayama មុខរបរធ្វើជាអ្នកបិទស៊ុមសិល្បៈ។

គាត់ក៏បានប្រើជំនាញបិទស៊ុមសិល្បៈបង្កើតជាស្លាបសិប្បនិម្មិត ប៉ុន្តែដើម្បីហើរឡើងបានត្រូវមានកម្លាំងជម្រុញ។ នៅអឺរ៉ុបពេលនោះជាកន្លែងដែលប្រមូលផ្តុំបច្ចេកវិទ្យាថ្មី ការបង្កើតកម្លាំងជម្រុញហោះឡើងនៅតែជាអាថ៌កំបាំងនៅឡើយ។

ដោយមានចំណង់ចំណូលចិត្តហោះហើរទៅលើមេឃ Ukita បានសង្កេតមើលបក្សីហើយបន្តការស្រាវជ្រាវ។

បន្ទាប់ពីបានធ្វើស្លាបសិប្បនិម្មិតគាត់លោតពីលើស្ពានឆ្លងកាត់ទន្លេ Asahi ហោះបានពីរបីម៉ែត្រ។

នៅពេលនោះអ្វីដែលអស្ចារ្យគាត់ធ្វើការសាកល្បងដោយផ្ទាល់។ ចំពោះការសាកល្បងប៉េងប៉ោងខ្យល់ អ្នកបង្កើតមិន​បាន​ចូលរួមក្នុងការពិសោធន៍ទេតែជាអ្នកបម្រើក្នុងផ្ទះ។

ជាការពិតណាស់ការសាកល្បងមួយណាដែលមិនធ្លាប់បរាជ័យ។

ទោះជាយ៉ាងណា Ukita តែងតែបន្តក្តីស្រមៃអាចហោះទៅលើមេឃដូចជាបក្សី ដូច្នេះគាត់មានទំនុកចិត្តខ្លាំងណាស់។

គេសន្មតថាក្រដាសជប៉ុនជាគន្លឹះនៃការពិសោធន៍ដែលទទួលបានជោគជ័យ។ ដោយសារតែក្រដាសជប៉ុនស្តើងហើយ​ស្រាលជាងក្រដាសធម្មតា។ នៅពេលនោះមានតែក្រដាសជប៉ុនទេដែលមានលក្ខណៈពិសេសទាំងនេះ។

Ukita ជាមនុស្សដែលទទួលបានជោគជ័យត្រូវបណ្តេញចេញពី Okayama ព្រោះតែរឿងអាស្រូវការពិសោធន៍ខាង​លើ។

រូបភា https://commons.wikimedia.org/wiki/File:Wing_model_of_Ukita_Kokichi.jpg

បន្ទាប់មកគាត់ផ្លាស់ទៅនៅ Shizuoka បន្តពិសោធ ប៉ុន្តែនៅតែត្រូវគេបណ្តេញចេញម្តងទៀត។

ដោយសារតែហេតុ​នេះទើបគ្មានកំណត់ត្រានិយាយអំពីពិសោធន៍របស់ Ukita ដូច្នេះមិនមែនមនុស្សគ្រប់គ្នាសុទ្ធតែដឹងអំពីរឿងនេះឡើយ។

សាកស្រមៃមើលថាបុរសម្នាក់នេះពិតជាអាចហោះតាមបំណងប្រាថ្នារបស់ខ្លួន ដូច្នេះគាត់ប្រហែលជាពេញចិត្តណាស់! មិនមែនទទួលបានការទទួលស្គាល់ទើបគេហៅថាជោគជ័យនោះទេ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: