ពិធីបុណ្យរំលឹកវិញ្ញាណក្ខន្ធបុព្វបុរសជនជាតិ Ainu ប្រារព្ធធ្វើឡើងនៅ Upopoy កោះ Hokkaido

នៅឯសារមន្ទីរជនជាតិ Ainu និងឧទ្យានទីក្រុង Shiraoi នៅកោះ Hokkaido មានប្រារព្ធពិធីបូជាដូនតារបស់អ្នកស្រុក Ainu ។

រូបភាព NHK

គេហៅសារមន្ទីរនេះថា Upopoy ជាកន្លែងកសាងឡើងដើម្បីផ្សព្វផ្សាយវប្បធម៌ Ainu មានន័យថា “ច្រៀងជាក្រុម” ។

កាលពីថ្ងៃពុធមនុស្សចូលរួមក្នុងពិធីប្រហែល ៥០ នាក់នៅកន្លែងថែរក្សាចេតិយបុព្វបុរសជនជាតិ​ Ainu ដែលបាន​ចែកឋាន។

លោក Okawa Masaru ប្រធានសមាគមជនជាតិ Ainu កោះ Hokkaido មានប្រសាសន៍ថាគាត់ចង់បួងសួងដល់​ដួង​ព្រលឹងដូនតាដែលស្ថិតនៅទីនេះ។ លោកក៏និយាយបន្តថាលោកចង់អភិរក្ស និងផ្ទេរទីកន្លែងនេះទៅមនុស្សជំនាន់​ក្រោយ។

នៅទីនោះគេរៀបចំពិធីបុណ្យមួយហៅថា Ichalpa ប្រជាជន Ainu ស្លៀកសំលៀកបំពាក់ប្រពៃណីគោរពបូជាដូន​តា។

តាំងពីសតវត្សរ៍ទី ១៩ ដល់សតវត្សរ៍ទី ២០ អដ្ឋិធាតុបុព្វបុរសជនជាតិ Ainu ជាង ១៥០០ នាក់ត្រូវបានគេជីកចេញ​ពីផ្នូរនៅ​កោះ Hokkaido ក្នុងគោលបំណងស្រាវជ្រាវ។ អដ្ឋិធាតុទាំងនេះត្រូវបានរក្សាទុកនៅតាមសាកលវិទ្យាល័យនានាទូទាំងប្រទេសជប៉ុន។ កាលពីឆ្នាំមុនអដ្ឋិធាតុភាគច្រើនបញ្ជូនទៅ Upopoy ដើម្បីទទួលបានការថែទាំ និងប្រារព្ធពិធី​ចង​ចាំ។

សាកលវិទ្យាធិការរងនៃសាកលវិទ្យាល័យហុកកៃដូលោក Yamamoto Fumihiko និយាយថាគាត់នឹងគិតអំពីអ្វីដែល​អាចធ្វើបានដើម្បីជួយកសាងសង្គមមួយដែលប្រជាជន Ainu អាចរស់នៅដោយមោទនភាពចំពោះអត្តសញ្ញាណ​របស់ខ្លួន និងទទួលបានការគោរព។

Japo Cambodia