រដ្ឋាភិបាលជប៉ុនប្រឆាំងនឹងកប៉ាល់ចិនរំលោភយកដែនសមុទ្រ

រដ្ឋាភិបាលជប៉ុនបានធ្វើការតវ៉ាកប៉ាល់ត្បាតរបស់ចិនចំនួន ២ ចូលក្នុងដែនទឹករបស់ជប៉ុនកោះ Senkaku អស់​រយៈ​ពេល​ជាង​ពីរ​ថ្ងៃ។

រូបភាព NHK

យោងតាមមន្រ្តីការពារដែនសមុទ្រកប៉ាល់ចិនចូលមកក្នុងដែនទឹកកោះ Senkaku នៅសមុទ្រចិនខាងកើតនាព្រឹកថ្ងៃអាទិត្យ។ កប៉ាល់ទាំងនោះចាកចេញកាលពីព្រឹកថ្ងៃអង្គារមានន័យថាពួកគេបានស្ថិតនៅក្នុងដែនទឹកជប៉ុន​អស់​រយៈ​ពេល​ជាង ៥៧ ម៉ោង។

នេះជាការរំលោភលើដែនទឹកដែលមានរយៈពេលយូរបំផុតចាប់តាំងពីពេលរដ្ឋាភិបាលជប៉ុនទិញកោះ Senkaku ពីម្ចាស់កម្មសិទ្ធិជន​ជាតិ​ជប៉ុនម្នាក់កាលពីឆ្នាំ ២០១២ ។

ប្រទេសជប៉ុនត្រួតត្រាប្រជុំកោះខាងលើ ខណៈចិន និងកោះតៃវ៉ាន់ប្រកាសអធិបតេយ្យភាព។ រដ្ឋាភិបាលជប៉ុនអះ​អាង​ថា​កោះ​ទាំង​នេះជាផ្នែកមួយនៃទឹកដីជប៉ុន។

កាលពីថ្ងៃអង្គារអ្នកនាំពាក្យក្រសួងការបរទេសចិនបាននិយាយថាកោះទាំងនោះជាផ្នែកមួយនៃទឹកដីរបស់ចិន។ លោកម្នាក់នោះនិយាយបន្តទៀតថាប្រទេសជប៉ុនគួរតែគោរពសិទ្ធិរបស់ចិនក្នុងការល្បាតតំបន់នោះ។

ប្រធានខុទ្ទកាល័យជប៉ុនលោក Kato Katsunobu និយាយថាប្រទេសជប៉ុនបានធ្វើការតវ៉ាជាច្រើនដងជាមួយទីក្រុង​ប៉េកាំង។

លោកមានប្រសាសន៍ថា “យើងនឹងបន្តធ្វើឱ្យអស់ពីសមត្ថភាពដើម្បីការពារដែនសមុទ្រ និងដែនអាកាស​របស់ប្រទេសជប៉ុន។ ក្រសួងពាក់ព័ន្ធសហការគ្នាប្រមូលព័ត៌មាន និងល្បាតតំបន់ជុំវិញកោះ Senkaku ។ យើង​នឹង​បន្តរក្សាភាពស្ងប់ស្ងាត់ និងម៉ឺងម៉ាត់ចំពោះភាគីចិន” ។

Japo Cambodia