តើអ្នកស្គាល់តួអង្គ Ono no Komachi ដែរ​ទេ? ​ស្រីស្អាត​ជីវិត​អភ័ព្វ​ក្នុង​ប្រវត្តិ​សាស្ត្រ​ជប៉ុន

តើអ្នកធ្លាប់ស្តាប់រឿងស្រីស្អាតទាំងបីក្នុងប្រវត្តិសាស្ត្រដែរទេ? មានដូចជា Cleopatra (អេហ្ស៊ីប) Yang Guifei (ចិន) និង Ono no Komachi (ជប៉ុន) ។

ស្រ្តីទាំងបីសុទ្ធតែមានរូបសម្រស់ស្រស់ស្អាត នាងអាចផ្លាស់ប្តូរប្រវត្តិសាស្រ្តបានដោយសារផ្អែកលើរូបរាងរបស់ខ្លួន។

មកអានជាមួយនឹង JAPO ដើម្បីស្វែងយល់រឿងរ៉ាវរបស់ស្រ្តីដែលតំណាងប្រទេសជប៉ុនឈ្មោះ Ono no Komachi ខាងក្រោម។

ឯកសារជាច្រើននៅតែមានភាពស្រពិចស្រពិលចំពោះថ្ងៃខែឆ្នាំកំណើត និងថ្ងៃទទួលមរណភាពរបស់ស្រ្តីម្នាក់នេះ។ និយាយអោយខ្លី Ono រស់នៅសម័យបុរាណ។ នាងប្រហែលជាកើតនៅឆ្នាំ ៨២៥ ហើយបានស្លាប់ប្រហែលឆ្នាំ ៩០០ ។

បច្ចុប្បន្នយើងត្រឹមតែអាចមើលឃើញសម្រស់ដ៏ស្រស់ស្អាតតាមរយៈរូបគំនូរដែលនៅសល់ប៉ុណ្ណោះ។

រូបភាព https://intojapanwaraku.com/culture/120563/

ហាក់បីដូចជាវិចិត្រករគ្មានជំនាញគ្រប់គ្រាន់ ឬនិយមន័យនៃភាពស្រស់ស្អាតកាលពីសម័យ​មុន​ខុស​ពី​សម័យ​នេះ ដូច្នេះ​មនុស្ស​ជា​ច្រើន​គិត​ថា សម្រស់នេះក៏មិនស្អាតណាស់ណាដែរ។

ទោះជាយ៉ាងណា មានបទចម្រៀងជាច្រើនសរសើរសម្រស់នារីម្នាក់នេះ។ Ono no Komachi ធ្វើការអោយអធិរាជ Ninmyō យើងមិនប្រាកដអំពីប្រវត្តិ ឬស្ថានភាពជាក់លាក់របស់នាងនោះទេ។

ប៉ុន្តែអ្វីដែលប្រាកដសម្រស់របស់នាងធ្វើអោយមនុស្សគ្រប់គ្នាមើលទៅលង់ស្នេហ៍។ មនុស្សជាច្រើនដែលធ្វើការក្នុងវិមាន​សារភាពស្នេហ៍ចំពោះនាងសុទ្ធតែត្រូវបដិសេធ។

ក្នុងចំណោមនោះមានបុរសម្នាក់ឈ្មោះ Fukakusa Shoushou ។

ថ្វីត្បិតតែ Fukakusa Shoushou តែងជជែកគ្នាជាមួយ Ono ប៉ុន្តែនៅតែត្រូវបដិសេធ។ នៅពេលនោះ Ono និយាយ​ថា “ប្រសិនបើអ្នកមកជួបខ្ញុំរាល់ថ្ងៃរហូតដល់ថ្ងៃទី ១០០ ខ្ញុំនឹងយល់ព្រម”។

ជារៀងរាល់យប់ Fukakusa ដើរទៅជួបនាង នៅយប់ថ្ងៃទី ៩៩ ស្រាប់តែមានព្យុះព្រិល ប៉ុន្តែ Fukakusa នៅតែមិនចុះចាញ់។ ជាអកុសលដើរដល់ពាក់កណ្តាលផ្លូវគាត់ស្លាប់ដោយសារតែត្រជាក់ពេក។ ព្រោះតែ Ono no Komachi មនុស្សម្នាក់នេះមិនស្តាយជីវិតរបស់ខ្លួន។

ដើម្បីទទួលបានស្នេហាពីបុរសជាច្រើន Ono មិនត្រឹមតែមានសម្រស់ប៉ុណ្ណោះទេ ថែមទាំងមានទេពកោសល្យខាងសិល្បៈទៀតផង។ នាងជាអ្នកនិពន្ធកំណាព្យ Haiku ដែលមានទេពកោសល្យ។

(Haiku ជាសិល្បៈនៃការបញ្ចោញគំនិតរបស់កវីក្នុងលក្ខណៈដែលមានកំណត់) ។

កំណាព្យ Haiku ដែលល្បីក្នុងប្រវត្ដិសាស្ដ្រដែលគេហៅថា Hyakunin Isshu ហើយកំណាព្យរបស់ Ono ក៏មានក្នុងកម្រង​សៀវភៅនេះផងដែរ។

花の色は 移りにけりないたづらに

我が身世にふる　ながめせし間に

ប្រសិនបើបកប្រែជាភាសាសម័យទំនើបយើងអាចយល់កំណាព្យនេះដូចតទៅ៖

ខណៈពេលឈរប្លឹកមើលភ្លៀងធ្លាក់មិនឈប់

ផ្កាស្រពោនតាំងពីពេលណា

យ៉ាងណាមិញ Ono មិនអាចជៀសផុតពីវាសនារបស់ខ្លួននោះទេ។ មានប្រាសាទមួយនៅក្យូតូគេហៅថា Komachidera ឈ្មោះ​ចាស់ប្រាសាទនេះគេហៅថា Fudarakuji ជាកន្លែងដែលនាងលាក់ខ្លួន។

នាងរស់នៅក្នុងទ្រព្យសម្បតិ្តស្តុកស្តុមជាមួយអធិរាជ ប៉ុន្តែនៅពេលអធិរាជសោយទិវង្គត Ono បាត់បង់ការងារក្នុងវិមាន ហើយត្រូវធ្វើដំណើរគ្រប់ទីកន្លែង។

នៅទីបំផុតនាងត្រូវត្រលប់ទៅលាក់ខ្លួននៅក្នុងប្រាសាទដែលនិយាយខាងលើ។ ទោះ​ជា​យ៉ាងណាក្នុងរយៈពេលប៉ុន្មាន​ឆ្នាំ​ចុងក្រោយនៃជីវិតរបស់ Ono នាងទ្រុតទ្រោម បាត់បង់គ្រប់យ៉ាងដែលពីមុនធ្លាប់មាន។

Ono ទទួលមរណភាពតាមផ្លូវក្បែរប្រាសាទដោយសារគ្មាននរណាម្នាក់មើលឃើញ សាកសពរបស់នាងនៅតែស្ថិតនៅ​ទី​នោះ។

សាកសពរបស់នាងស្អុយរលួយ នៅក្នុងរន្ធភ្នែកដើមឈើមួយដុះពន្លក រាល់ពេលដើមឈើរង្គើដោយសារខ្សល់ព្រលឹងនាង​ស្រែក​ថា “ឈឺ ឈឺណាស់” ។

មនុស្សជាច្រើនជឿថាមុនពេលព្រះពុទ្ធចូលនិព្វានដោយឆ្លងកាត់កន្លែងនេះប្រទះឃើញសាកសពហើយក៏កប់អោយ​​​បាន​​ត្រឹមត្រូវ។

ទោះយ៉ាងណាជីវិតរបស់ Ono នៅតែឯកោ និងឈឺចាប់ខ្លាំងណាស់។

ខ្ញុំគិតថាបើនាងមិនប្រើលក្ខខណ្ឌ ១០០ ថ្ងៃសម្រាប់ Fukakusa ទេ ប្រហែលជាជីវិតរបស់នាងនឹងខុសពីនេះ។

Kengo Abe