ប្រទេសជប៉ុនគ្រោងនឹងបើកច្រកព្រំដែនសម្រាប់យភ្ញៀវទេស​ចរណ៍​អន្តរជាតិនៅខែមេសាឆ្នាំ ២០២១

ការធ្វើដំណើរទៅបណ្តាប្រទេសដទៃជួបការលំបាកដោយសារការរីករាលដាលនៃជំងឺកូវីដ-១៩ ។ ជាការពិតវាមិន​មែន​ជាឧបសគ្គធំពេកសម្រាប់អ្នកដែលចង់ធ្វើដំណើរឬប្រថុយប្រថាននោះទេ ប៉ុន្តែក៏ជាបញ្ហាដែលមនុស្សជាច្រើនត្រូវពិចារណា​ផង​ដែរ។

រយៈពេលជាង ៦ ខែមកហើយចាប់តាំងពីជប៉ុនបិទច្រកចេញចូលចំពោះភ្ញៀវទេសចរណ៍ព្រោះតែជំងឺកូវីដ-១៩ ។ វិស័យ​ទេសចរណ៍​នៅប្រទេសជប៉ុនក៏ជួបបញ្ហាដូចបណ្តាប្រទេសដទៃទៀត ជាពិសេសបញ្ហាពន្យារពេលនៃព្រឹត្តិការណ៍កីឡា​អូឡាំពិក​ទីក្រុងតូក្យូ។

ប៉ុន្តែមិនយូរប៉ុន្មានព្រឹត្តិការណ៍កីឡាអូឡាំពិកនឹងប្រារព្ធធ្វើឡើងតាមកាលបរិច្ឆេទថ្ងៃទី ២៣ ខែកក្កដាឆ្នាំ ២០២១ ។ លោក John Coates អនុប្រធានកីឡាអូឡាំពិកបញ្ជាក់ថាការប្រកួតកីឡាអូឡាំពិកនឹងប្រារព្ធធ្វើឡើងទោះបីជាជំងឺ​កូវីដ-១៩ ក៏ដោយ។

រូបភាព https://www.boredpanda.com/japan-reopen-tourists-entry-requirements/

ទោះបីសេចក្តីប្រកាសនេះមិនមែនជាបទបញ្ជាផ្លូវការរបស់រដ្ឋាភិបាលក៏ដោយ ប៉ុន្តែជប៉ុនបានចាប់ផ្តើមបើកព្រំ​ដែន​សម្រាប់ភ្ញៀវទេសចរណ៍អន្តរជាតិ មិនត្រឹម​តែដើម្បីព្រឹត្តិការណ៍កីឡាអូឡាំពិកប៉ុណ្ណោះទេ ថែមទាំងធ្វើអោយស្ថាន​ភាព​សេដ្ឋកិច្ចយប្រសើរឡើងផងដែរ។

បច្ចុប្បន្នប្រទេសជប៉ុនកំពុងរៀបចំវិធានការបើកច្រកព្រំដែនសម្រាប់ភ្ញៀវទេសចរណ៍អន្តរជាតិនៅខែមេសាឆ្នាំ ២០២១ ។

រដ្ឋាភិបាលជប៉ុនបានប្រកាសថាកំពុងបើកចំហច្រកព្រំដែនប្រទេស។ ពួកគេនឹងធ្វើការស្ទង់មតិទូលំទូលាយអំពី​របៀប និងពេលវេលាអនុវត្ត។ ផែនការនេះគ្រោងនឹងធ្វើឡើងនៅខែមេសាឆ្នាំ ២០២១ ដោយដកបម្រាមសម្រាប់​ភ្ញៀវទេស​ចរណ៍បរទេស។ ផែនការនេះកំពុងត្រូវបានអនុវត្តយ៉ាងប្រុងប្រយ័ត្នលើមូលដ្ឋានសាកល្បង។

បើប្រៀបទៅនឹងបណ្តាប្រទេសមួយចំនួនដូចជាសហរដ្ឋអាមេរិក ប្រទេសជប៉ុនកំពុងធ្វើយ៉ាងល្អក្នុងការគ្រប់គ្រងជំងឺរាតត្បាត។

វិធានការសុវត្ថិភាពនៃគម្រោងថ្មីនេះអាចតាមដានប្រសិទ្ធភាពផ្អែកលើដំណាក់កាលចំនួន ៣ កំឡុងពេលធ្វើដំណើរ​របស់ភ្ញៀវទេសចរណ៍ដូចជាពេលវេលាចាកចេញ ពេលមកដល់ និងការស្នាក់នៅ។ រដ្ឋាភិបាលក៏ធានាថាមានផែនទី​គ្រប់គ្រងសុខភាព និងមជ្ឈមណ្ឌលជំនាញដើម្បីកុំអោយដាក់បន្ទុកលើមូលដ្ឋានសុខាភិបាល។

នៅពេលភ្ញៀវទេសចរណ៍ចូលមកប្រទេសជប៉ុន ពួកគេត្រូវទាញយកកម្មវិធីគ្រប់គ្រងសុខភាពឯកទេស ហើយត្រូវមាន​ក្រដាសបញ្ជាក់ធ្វើតេស្តិ៍អវិជ្ជមាននឹងជំងឺកូវីដ-១៩ ពីប្រទេសកំណើតរបស់ពួកគេ។

រូបភាព https://www.boredpanda.com/japan-reopen-tourists-entry-requirements/

ប្រសិនបើអ្នកដំណើរធ្វើតេស្តវិជ្ជមានក្នុងអំឡុងពេលស្នាក់នៅប្រទេសជប៉ុន ត្រូវមានធានារ៉ាប់រងសុខភាពផ្ទាល់ខ្លួន។ ទោះបីជាគ្មានសំណូមពរចំពោះអ្នកដែលធ្វើតេស្តិ៍អវិជ្ជមានត្រូវនៅដាច់ដោយឡែករយៈពេល ១៤ ថ្ងៃពេលមក​ដល់​ប្រទេស​ជប៉ុន ម្យ៉ាងវិញទៀតពួកគេត្រូវរាយការណ៍ពីស្ថានភាពសុខភាពរបស់ខ្លួនក្នុងកម្មវិធីត្រួតពិនិត្យ​រយៈ​ពេល​ពី​រសប្តាហ៍​ដំបូង។

វិធានការទាំងនេះនឹងត្រូវបន្តរហូតដល់ព្រឹត្តិការណ៍កីឡាអូឡាំពិកព្រោះជប៉ុនកំពុងឆ្ពោះទៅរកគោលដៅស្តារវិស័យទេសចរណ៍​ឡើងវិញ។

ថ្មីៗនេះប្រទេសជប៉ុនបានបើកច្រកព្រំដែនរបស់ខ្លួនសម្រាប់ជនបរទេសដែលមានការអនុញ្ញាតឱ្យស្នាក់នៅក្នុងប្រទេសជប៉ុនរយៈពេលយូរ។ ភាគច្រើនជានិយោជិកក្រុមហ៊ុន និងអង្គការក៏ដូចជានិស្សិតអន្តរជាតិ។ ដូច្នេះការដក​​បម្រាម​លើ​ការ​ធ្វើដំណើរអន្តរជាតិជាជំហាន​សមហេតុ​ផល។

​Sacchan