ព្យុះ Chan-hom កំពុងខិតចូលមកជិតប្រទេសជប៉ុន

មន្ត្រីឧតុនិយមជប៉ុនបានអោយដឹងថាព្យុះលេខ ១៤ (Chan-hom) កំពុងស្ថិតនៅតំបន់ប៉ាស៊ីហ្វិកភាគខាងត្បូងនៃ​ប្រទេសជប៉ុន ទំនងនឹងខិតមកជិតតំបន់ខាងលិច និងខាងកើតនៃប្រទេសជប៉ុន។

រូបភាព NHK

យោងតាមការិយាល័យឧតុនិយមអោយដឹងថាគិតត្រឹមម៉ោង ៧ ព្រឹកថ្ងៃសុក្រនេះព្យុះ Chan-hom ស្ថិតនៅចម្ងាយប្រមាណ ២៦០ គីឡូម៉ែត្រខាងត្បូងនៃតំបន់ Kochi ។

នាយកដ្ឋានឧតុនិយមព្យាករណ៍ថាព្យុះនឹងធ្វើដំណើរទៅភាគខាងជើងក្នុងល្បឿនប្រហែល ១០ គីឡូម៉ែត្រក្នុងមួយម៉ោង។ កម្លាំង​ខ្សល់​បក់ខ្លាំងក្នុងល្បឿនរហូតដល់ ១២៦ គីឡូម៉ែត្រក្នុងមួយម៉ោង។

តាមការព្យាករណ៍ព្យុះ Chan-hom នឹងខិតមកជិតតំបន់ភាគខាងលិចប្រទេសជប៉ុន ហើយបន្ទាប់មកនៅថ្ងៃដដែល​រហូតដល់ថ្ងៃអាទិត្យព្យុះនឹងបក់ចូលតំបន់ភាគខាងកើតនៃប្រទេសជប៉ុនបន្តិចម្តងៗ។

នាយកដ្ឋានឧតុនិយមអំពាវនាវអោយប្រជាជនប្រុងប្រយ័ត្នចំពោះខ្យល់បក់ខ្លាំង រលក ការបាក់ស្រុតដី ជន់លិចតំបន់​ទំនាប និងទឹកទន្លេឡើងខ្ពស់។

Japo Cambodia