នៅសម័យអេដូគេចាត់ទុកអ្នកពន្លត់អគ្គីភ័យ Hikeshi ដូចជាវីរបុរសជាតិ

រូបភាព https://toshidama.files.wordpress.com/

ហេតុ​អ្វីបានជាអ្នកពន្លត់អគ្គីភ័យនៅសម័យអេដូត្រូវគេចាត់ទុកដូចជាវីរបុរស?

នៅប្រទេសជប៉ុនរហូតមកដល់ពេលនេះស្ថាបត្យកម្មផ្ទះឈើនៅតែមានច្រើន។ នៅក្នុងសម័យអេដូផ្ទះទាំងអស់ត្រូវបានគេសាងសង់ឡើងពីឈើ។ ទីក្រុងអេដូជាតំបន់មានប្រជាជនរស់នៅច្រើន ជាមួយនឹងផ្ទះសម្បែងស្ថិតនៅជិតៗ​គ្នា។

រូបភាព https://toshidama.files.wordpress.com/

ក្រៅពីនេះអាកាសធាតុនៅអេដូស្ងួតខ្លាំងនារដូវរងាដែលជាមូលហេតុបង្កអោយមានអគ្គិភ័យ ហើយស្ថាបត្យកម្មផ្ទះ​ឈើ​ពិបាក​ពន្លត់​ពេលមានអគ្គិភ័យម្តងៗ។

រូបភាព https://toshidama.files.wordpress.com/

នៅសម័យនោះគេចាត់ទុក “អ្នកពន្លត់អគ្គីភ័យ” ដូចជាវីរបុរសជាតិ។ “អ្នកពន្លត់អគ្គីភ័យ” ក្នុងសម័យនោះគេហៅ​ថា 火消し (Hikeshi) – អ្នកពន្លត់អគ្គីភ័យដែលមនុស្សពីបុរាណនិយាយតៗគ្នាថា “ភ្លើង និងការឈ្លោះប្រកែកគ្នា​គឺ​ជាការសម្រិតសម្រាំងនៃទីក្រុងអេដូ” ។

ប្រជាជនអេដូជំនាន់មុនជាមនុស្សឆាប់ឆេវឆាវ ម្យ៉ាងវិញនៅអេដូក៏កើតមានអគ្គីភ័យញឹកញាប់ផងដែរ ដូច្នេះឃ្លានេះត្រូវទាំងន័យចំ និងន័យធៀប។ ក្រៅពីនេះអ្នកពន្លត់អគ្គិភ័យ (Hikeshi) សម័យមុនមានភាពក្លាហានជាការ​ងារ​ដែល​គួរ​អោយសរសើរ។

សូម្បីតែសម្លៀកបំពាក់របស់អ្នកពន្លត់អគ្គីភ័យក៏ត្រូវបានរចនាឡើងយ៉ាងឡូយផងដែរ មានក្បាច់រចនាលំនាំទាំងសងខាង។ មានន័យថាមិនបែងចែកផ្នែកខាងក្នុង និងខាងក្រៅឡើយ។

នៅពេលដែលអគ្គីភ័យកើតឡើង Hikeshi ត្រូវប្រញាប់ប្រញាល់ទៅកាន់កន្លែងកើតហេតុដើម្បីពន្លត់អគ្គីភ័យ។ ដូច្នេះហើយសម្លៀកបំពាក់របស់ពួកគេត្រូវរចនាអោយលេចធ្លោ និងទាក់ទាញភ្នែកតាមដែលអាចធ្វើទៅបាន។

នេះជាគំរូសម្លៀកបំពាក់ដែលពេញនិយមមួយចំនួន។

បង្ហាញអំពីរឿងចោរប្លន់ និងកង្កែប។

រូបភាព http://karapaia.com/archives/52288439.html

នេះជារឿងពិតរបស់បុរសម្នាក់ឈ្មោះ Minamoto no Yorimitsu ដែលជាវីរបុរសកម្ចាត់សត្វពីងពាងយក្ស។

រូបភាព http://karapaia.com/archives/52288439.html

រូបភាព http://karapaia.com/archives/52288439.html

ក្រៅពីនេះនៅមានរឿងគួរដែលឱ្យចាប់អារម្មណ៍ជាច្រើនទៀត។

តើអ្នកយល់យ៉ាងណាចំពោះសម្លៀកបំពាក់ទាំងនេះ? អ្នកពន្លត់អគ្គីភ័យប្រថុយជីវិតរបស់ពួកគេសម្រុកចូលភ្លើងដើម្បីការពារអាយុជីវិតរបស់ប្រជាជន។

និយាយអញ្ចឹងខ្ញុំសូមអនុញ្ញាតនិយាយអំពីវិធីសាស្ត្រពន្លត់អគ្គីភ័យដែលគេប្រើនៅពេលនោះ។

នៅសម័យនោះគេពន្លត់អគ្គីភ័យមិនប្រើទឹកទេ។

ដោយសារក្នុងសម័យអេដូគ្មានទឹកប្រើគ្រប់គ្រាន់ ហើយក៏គ្មានឡានពន្លត់អគ្គិភ័យដូចសព្វថ្ងៃនេះដែរ ដូច្នេះការប្រើប្រាស់ទឹកគ្មានប្រសិទ្ធភាពឡើយ។ វិធីសាស្រ្តពន្លត់អគ្គីភ័យនាសម័យនោះគេវាយបំផ្លាញផ្ទះ ក្រុមអ្នកពន្លត់អគ្គីភ័យត្រូវវាយកម្ទេចផ្ទះមុនពេលឆាបឆេះរាលដាល។

ពេលអគ្គីភ័យធំៗកើតឡើងវិធីសាស្រ្តនេះក៏មិនអាចធ្វើទៅបានដែរ ដូច្នេះទីក្រុងអេដូរៀបចំផ្ទះប្រជាជនជាតំបន់ដោយដាក់នៅចន្លោះប្រឡាយធារាសាស្ត្រ។

ចំពោះជនល្មើសបង្កអគ្គិភ័យទណ្ឌកម្មដែលធ្ងន់បំផុតត្រូវទទួលទោសប្រហារជីវិត។ សូមក្រឡេកមើលរូបភាពអគ្គីភ័យ​នាសម័យអេដូខាងលើ។

សរុបសេចក្ដី Hikeshi – មិនត្រឹម​តែមានភាពក្លាហានប៉ុណ្ណោះទេ ពួកគេត្រូវប្រថុយនឹងជីវិត ប្តេជ្ញាចិត្ត និងលះ​បង់​ខ្លួន​ឯងដើម្បីការពារអេដូ។

សព្វថ្ងៃនេះទោះបីជាប្រព័ន្ធពន្លត់អគ្គីភ័យនៅប្រទេសជប៉ុនមានការអភិវឌ្ឍយ៉ាងទំនើប ប៉ុន្តែទិដ្ឋភាពរបស់ Hikeshi ប្រថុយនឹងជីវិតការពារប្រជាជននៅតែគួរអោយអោយសរសើរបំផុត។

ជារៀងរាល់ឆ្នាំពិធីបុណ្យដែលប្រារព្ធធ្វើឡើងនៅទូទាំងប្រទេសជប៉ុន Hikeshi ត្រូវបានគេសម្តែងឡើងវិញក្រោមកាយ​វិការលោតឡើងជណ្តើរ ”hashigonori” និងបទចម្រៀង Kiyari ប្រពៃណី។

យើងសូមថ្លែងអំណរគុណចំពោះក្រុមអ្នកពន្លត់អគ្គីភ័យសព្វថ្ងៃនេះផងដែរ។

Kengo Abe