ជប៉ុនដាក់លក់ការ៉េមមានជាតិអាកុលតែមិនហាមឃាត់កុមារ

ថ្ងៃព្រហស្បតិ៍ 01/10/2020 | 9:38 ព្រឹក

ថ្មីៗនេះជប៉ុនដាក់លក់ការ៉េមមួយប្រភេទមានជាតិអាល់កុល ប៉ុន្តែមិនបានហាមឃាត់កុមារទិញឡើយ។

ការ៉េម Suika Bar ជាប្រភេទការ៉េមដែលពេញនិយមបំផុតនៅលើទីផ្សារជប៉ុន។ ការ៉េម Suika Bar មានន័យថា “ការ៉េមឪឡឹក” ព្រោះការ៉េមមានរាងត្រីកោណដូចចំណិតឪឡឹកមានស្នូលគ្រាប់សូកូឡា។

ជាពិសេសនៅរដូវក្តៅក្រុមហ៊ុនផលិតការ៉េម Suika Bar មានកំណត់ដើម្បីទាក់ទាញអតិថិជនភាគច្រើនជាយុវជន។

រូបភាព https://japantoday.com/

សូមក្រឡេកមើលការ៉េឪឡឹកមានកំណត់ពណ៌ស្វាយនេះ ប៉ុន្តែអ្វីដែលទាក់ទាញចំណាប់អារម្មណ៍មិនមែនពណ៌ការ៉េមនោះទេ ចំណុចលេចធ្លោស្ថិតលើការ៉េមមានជាតិអាកុល។

បច្ចុប្បន្ននេះការ៉េមមានលក់តាមហាងជាមួយឃ្លាអក្សរបញ្ជាក់ថា “ផលិតផលនេះមានផ្ទុកជាតិអាល់កុល សូមកត់សម្គាល់ចំពោះអ្នកដែលមិនអាចផឹកស្រា” ។

រូបភាព https://japantoday.com/

ជាតិអាល់កុលក្នុងការ៉េមមាន ០,២ % ។

ទោះយ៉ាងណាការ៉េម Suika Bar ក៏ជាមុខទំនិញពេញនិយមសម្រាប់កុមារដែរ។ តើផលិតផលនេះមានកំណត់ចំនួនអាយុដែរទេ? ដោយសារតែជាតិអាកុលទាបដូច្នេះកុមារអាចញ៉ាំបាន។

ក្រៅពីផលិតផលនេះ នៅលើទីផ្សារក៏មានប្រភេទសូកូឡាមានជាតិអាល់កុលដូចជា Bacchus (កម្រិតអាកុល ៣,២%) និង Rummy (កម្រិតអាកុល ៣,៧%) ។ លើសពីនេះក្រសួងកសិកម្មរុក្ខាប្រមាញ់ និងនេសាទប៉ាន់ប្រមាណកម្រិតជាតិអាកុលក្នុង Narazuke (ជ្រក់បុរាណរបស់ជប៉ុនផលិតពីស្រា Sake) កម្រិតចាប់ពី ៣,៥% ឬច្រើនជាងនេះ។ កុមារអាចទទួលទានប្រភេទអាហារនេះរួមទាំងសូកូឡាមានជាតិអាល់កុលផងដែរ។ ដោយសារបរិមាណជាតិអាកុលអាចបណ្តាលអោយស្រវឹងតិចតួចឬប៉ះពាល់ដល់សុខភាពប្រសិនបើស្ថានភាពសុខភាពកុមារមិនល្អ។ ដូច្នេះកុមារអាចទទួលទានការ៉េមមានជាតិអាកុលឬអត់នៅតែជាបញ្ហាដែលត្រូវពិចារណាទោះបីជាវាមិនខុសច្បាប់។

នៅលើការវេចខ្ចប់មានបញ្ជាក់ជាតិអាកុលក្នុងចាហ៊ួយអាកុលជាប្រភេទចាហ៊ួយដែលពេញនិយមនៅប្រទេសលោកខាងលិច។

រូបភាព https://japantoday.com/

ហេតុនេះជាតិអាកុលក្នុងការ៉េមប្រហាក់ប្រហែលជាតិអាកុលក្នុង Wine ឬ Vodka ជាងជាតិអាកុលក្នុងស្រា Sake ឬ Shochu ។ ទោះបីជាមិនបានបញ្ជាក់ប្រភេទជាតិអាកុលក្នុងផលិតផល ប៉ុន្តែផ្នែកខាងក្រោយកញ្ចប់បង្ហាញថាការ៉េមផ្ទុក Cherry និងផ្លែឪឡឹក។