តើអ្នកជឿទេថាគំនិតវិជ្ជមានអាចនាំមកនូវសុភមង្គលក្នុងជីវិត

នៅក្នុងជីវិតមនុស្សគ្រប់គ្នាតែងជួបប្រទះរឿងដែលមិនល្អ។ ធ្វើធ្លាក់ទូរស័ព្ទ iPhone បែកអេក្រង់ បាត់កា​បូប​លុយ ឬអាក្រក់ជាងនេះគឺត្រូវគេបដិសេធស្នេហា។

ជាការពិតណាស់ អារម្មណ៍ប្រែទៅជាអាក្រក់នៅពេលជួបរឿងមិនសប្បាយចិត្ត ឬគ្មានសំណាង។ អារម្មណ៍មិនល្អនឹងបង្ហាញ​លើផ្ទៃមុខរបស់អ្នក ទាំងអស់នេះធ្វើឲ្យ​អ្វីៗគ្រប់យ៉ាងដែលនៅជុំវិញអ្នកសោះកក្រោះ។ នេះជាមូលហេតុ​ដែលបណ្តាលឲ្យ​សំណាងអាក្រក់នៅតែបន្ត។

រូបភាព https://www.pinterest.com/pin/493425702898260569/

ក្នុងករណីនេះ ហេតុអ្វីមិនព្យាយាមផ្លាស់ប្តូររបៀបដែលអ្នកគិតឲ្យ​ទៅជាវិជ្ជមានវិញ? 

ឧទាហរណ៍៖ អ្នកធ្វើឲ្យ​ធ្លាក់ទូរស័ព្ទ iPhone បែកអេក្រង់។ យើងអាចគិតថា ទេវតាចង់ឲ្យអ្នកប្តូរទូរស័ព្ទ ឬចង់​បង្រៀនអ្នកពីមេរៀនបិទអេក្រង់ទូរស័ព្ទមុនពេលប្រើ។ នៅពេលដែលអ្នកប្រើទូរស័ព្ទលើកក្រោយប្រាកដជាប្រុងប្រយ័ត្ន​ជាងមុន។

ករណីធ្វើបាត់កាបូបលុយ ពិតជាសំណាងក្នុងកាបូបមានប្រាក់តែប៉ុណ្ណឹង វានឹងកាន់តែអាក្រក់បើអ្នកទើបតែដក​លុយ​រួចបាត់កាបូប។ គិតម្យ៉ាងទៀត សំណាងបាត់កាបូបក្នុងប្រទេស ប្រសិនបើបាត់នៅបរទេសមិនដឹងជាត្រូវធ្វើយ៉ាង​ណា​នោះទេ។

ត្រូវ Crush បដិសេធស្នេហ៍ “ប្រហែលជាខ្ញុំ និងនាងគ្មានវាសនា សំណាងដែលដឹងមុនពេលរៀបការ។ ត្រូវបន្តរកមនុស្សដែលសាកសមផ្សេងទៀត” ។

រូបភាព https://zerosymmetry.wordpress.com/2011/03/12/japan-a-small-wish/

អ្នកត្រូវមានគំនិតវិជ្ជមានដើម្បីប្រឈមនឹងអារម្មណ៍អវិជ្ជមាន។ សូម្បីតែពេលអ្នកពិបាកចិត្ត ឬសោកសៅ គ្រប់យ៉ាងក៏មិន​ប្រសើរ​ឡើងដែរ។

នៅក្នុងភាសាជប៉ុនមានឃ្លាមួយថា 負の連鎖 (Make no rensa) សំដៅទៅលើភាពមិនសប្បាយចិត្តនឹងនាំមកនូវភាពមិនសប្បាយចិត្ត។ មិនត្រឹមតែភាពមិនសប្បាយចិត្តដែលតែងតែកើតឡើងចំពោះខ្លួនអ្នកប៉ុណ្ណោះទេ អាចបណ្តាល​ឲ្យ​មានអារម្មណ៍មិនល្អចំពោះមនុស្សនៅជុំវិញ។

រូបភាព https://www.kawagoekokosapo.com/negative-chain

ដូច្នេះអំឡុងពេលនោះ សូមរក្សាភាពស្ងប់ស្ងាត់។

តើខ្ញុំត្រូវរក្សាភាពស្ងប់ស្ងាត់ដោយរបៀបណា? ត្រូវបួងសួងប្រាប់រឿងគ្រប់យ៉ាងដល់ទេវតាឬ? បាទនេះមិនមែនជាបញ្ហាអបិយជំនឿឡើយ ប៉ុន្តែត្រូវបានបង្ហាញឲ្យ​ឃើញតាមបែបវិទ្យាសាស្ត្រ។

មានមនុស្សម្នាក់កើតជំងឺមហារីកមិនអាចរស់បានយូរ ប៉ុន្តែដោយសារជំនឿថាខ្លួននឹងរស់នៅ ហើយជាសះស្បើយឡើង​វិញ។ ការប្តេជ្ញាចិត្តជួយបង្កើនប្រព័ន្ធភាពស៊ាំ និងភាពជាសះស្បើយឡើងវិញនៃរាងកាយ។

ក្រៅពីនេះ ជំងឺងាយនឹងវាយប្រហារលើរាងកាយរបស់អ្នកពេលមានភាពតានតឹង។ ប្រសិនបើអ្នកកាត់បន្ថយភាពតានតឹងក្នុងជីវិតឱកាសកើតជំងឺក៏ថយចុះផងដែរ។

ប្រសិនបើអ្នកដើរជាមួយមនុស្សរអ៊ូរទាំ ត្អូញត្អែរ ស្រពោនពេញមួយថ្ងៃ អ្នកក៏មានអារម្មណ៍មិនល្អដែរមែន​ទេ? ស្រដៀង​គ្នា​នេះដែរ អ្នកដទៃក៏មានអារម្មណ៍ដូច្នោះពេលអ្នកក្រៀមក្រំ។ អ្នកបាត់បង់ទំនាក់ទំនងមិនមែនដោយ​សារ​សំណាងអាក្រក់ឡើយ តែដោយសាររបៀបដែលអ្នកប្រឈមនឹងបញ្ហា។

និយាយឲ្យ​ចំទៅគំនិតវិជ្ជមានមិនអាចរារាំងរឿងអាក្រក់កើតឡើងចំពោះអ្នកបានទេ។ ប៉ុន្តែវានឹងធ្វើឲ្យ​អារម្មណ៍​របស់​អ្នក​ប្រសើរ​ឡើង ហើយជួយអ្នកអាចរកបានដំណោះស្រាយដែលល្អបំផុត។

សូមរក្សាគំនិតវិជ្ជមានទាំងក្នុងជីវិត និងនៅកន្លែងធ្វើការ។

រាល់ពេលដែលអ្នកបរាជ័យអ្នកនឹងទទួលបានមេរៀនខុសៗគ្នា។ អ្នកអាចបន្ទោស ខកចិត្តចំពោះខ្លួនឯង ប៉ុន្តែកុំទុកឲ្យ​ខ្លួនធ្លាក់ទឹកចិត្ត។ ការបរាជ័យនឹងធ្វើឲ្យអ្នកកាន់តែមានភាពចាស់ទុំ និងរីកចម្រើន។

សូមពិចារណាប្រសិនបើអ្នកជ្រើសរើសបុគ្គលិក រវាងមនុស្សរួសរាយ និងមនុស្សក្រៀមក្រំរអ៊ូរទាំ តើអ្នករើសយកនរណា?

ចាប់ពីពេលនេះតទៅ សូមកុំភ្លេចគំនិតវិជ្ជមាន និងស្នាមញញឹមនៅពេលអ្នកទៅដល់កន្លែងធ្វើការ។

Kengo Abe