ពិធីបុណ្យរំលឹកវិញ្ញាក្ខន្ធជនរងគ្រោះនៃឧប្បត្តិហេតុបន្ទុះភ្នំភ្លើង Ontake កាលពី ៦ ឆ្នាំមុន

រូបភាព https://www3.nhk.or.jp/

កាលពីថ្ងៃអាទិត្យម្សិលមិញគេប្រារព្ធពិធីបុណ្យរំលឹកដល់ជនរងគ្រោះដែលបានស្លាប់ក្នុងករណីបន្ទុះភ្នំភ្លើង Ontake ភាគ​កណ្តាល​ប្រទេសជប៉ុនកាលពី ៦ ឆ្នាំមុន។

ករណីផ្ទុះនេះបានបណ្តាលឱ្យមនុស្ស ៥៨ នាក់ស្លាប់ និងបាត់ខ្លួន ៥ នាក់នៅតំបន់ឡើងភ្នំដ៏ល្បីមួយកន្លែង។ នេះជាគ្រោះមហន្តរាយភ្នំភ្លើងដែលមានមនុស្សស្លាប់ច្រើនបំផុតរបស់ជប៉ុនចាប់តាំងពីសង្គ្រាមលោកលើកទី ២ រហូត​មក។

រូបភាព https://www.dailymail.co.uk/

ពិធីបុណ្យរំលឹកដល់វិញ្ញាណក្ខន្ធអ្នកស្លាប់ត្រូវបានធ្វើឡើងនៅក្នុងភូមិ Otaki ខេត្ត Nagano ក្រោមជើងភ្នំ។ អ្នកដែល​ចូលរួមក្រឡេកមើលកំពូលភ្នំ ហើយចំណាយពេលស្ងប់ស្ងាត់មួយនាទីដើម្បីរំលឹកដល់ជនរងគ្រោះ​នៅ​ម៉ោង ១១ៈ៥២ ព្រឹកពេលបន្ទុះភ្នំភ្លើងកើតឡើង។

នៅឆ្នាំនេះដោយសារការរាតត្បាតនៃជំងឺកូវីដ-១៩ អ្នកចូលរួមមានតែក្រុមគ្រួសារអ្នកស្លាប់ និងមន្រ្តីមូលដ្ឋានប៉ុណ្ណោះ។ ហើយក៏មិនមានជាសុន្ទរកថាតំណាងរបស់ក្រុមគ្រួសារដូចរាល់ឆ្នាំដែរ។

រូបភាព https://www.dailymail.co.uk/

នៅឆ្នាំនេះភូមិដែលស្ថិតក្នុងខេត្ត Nagano បានដកបម្រាមមិនអោយចូលទៅជិតកំពូលភ្នំដែលត្រូវបិទអស់​រយៈ​ពេល​ជាច្រើនឆ្នាំបន្ទាប់ពីឧប្បត្តិហេតុនេះ។ ឥឡូវនេះអ្នកអាចឡើងភ្នំទាំងពីរគឺ Ontake នៅ Nagano និងកំពូលភ្នំ​ដែលបើកឡើងវិញកាលពីពីរឆ្នាំមុន។

ជម្រកក្នុងករណីគ្រោះថ្នាក់ក៏ត្រូវបានបង្កើតឡើងនៅជិតកំពូលភ្នំទាំងពីរ ប៉ុន្តែរដ្ឋាភិបាលមូលដ្ឋាននៅតែត្រូវដោះស្រាយបញ្ហាការលើកកម្ពស់ការយល់ដឹងរបស់អ្នកឡើងភ្នំ។ នៅពេលដំណាលគ្នាស្វែងរកផែនការជម្លៀសរហ័ស​បំផុត​ពេលមានបន្ទុះផ្ទុះភ្នំភ្លើងផ្សេងទៀតកើងឡើង។

AD