ការបើកសម្ពោធសារមន្ទីរឧប្បត្តិហេតុនុយក្លេអ៊ែរនៅហ្វូគូស៊ីម៉ា​កាល​ពី​ឆ្នាំ ២០១១

ការបើកសម្ពោធសារមន្ទីរសាធារណៈដំបូងបង្ហាញដល់មនុស្សជំនាន់ក្រោយអំពីឧប្បត្តិហេតុនុយក្លេអ៊ែរកាលពីឆ្នាំ ២០១១ ។ សារមន្ទីរ​នេះបើកកាលពីថ្ងៃអាទិត្យនៅខេត្តហ្វូគូស៊ីម៉ាភាគឦសានប្រទេសជប៉ុន។

រូបភាព https://www3.nhk.or.jp/nhkworld/vi/news/257155/

សារមន្ទីរបង្ហាញអំពីរញ្ជួយដី និងគ្រោះមហន្តរាយនុយក្លេអ៊ែរស្ថិតនៅទីក្រុង Futaba ជាកន្លែងដែលបទបញ្ជាជម្លៀស​ត្រូវដកចេញកាលពីខែមីនាកន្លងទៅនេះ។

ទីក្រុង Futaba ជាកន្លែងមានរោងចក្រថាមពលនុយក្លេអ៊ែរហ្វូគូស៊ីម៉ាលេខ ១ ។ ឧប្បត្តិហេតុនុយក្លេអ៊ែរដ៏អាក្រក់បំផុត​លើ​ពិភពលោកធ្លាប់កើតឡើងនៅទីនេះ។

រ៉េអាក់ទ័រចំនួន ៣ នៅក្នុងរោងចក្រនេះក្តៅរលាយបន្ទាប់ពីគ្រោះថ្នាក់រញ្ជួយដី និងរលកយក្សស៊ូណាមិកាលពីខែមីនា​ឆ្នាំ ២០១១ ។

សារមន្ទីរនេះត្រូវបានកសាងឡើងដោយខេត្តហ្វូគូស៊ីម៉ាក្នុងនោះមានអេក្រង់ធំៗដាក់បង្ហាញទិដ្ឋភាពក្រោយឧប្បត្តិហេតុ និងរបៀបដែលប្រជាជនជម្លៀសចេញ។

សារមន្ទីរនេះដាក់តាំងវត្ថុតាងប្រមាណ ១៥០ វត្ថុ និងវីដេអូស្តីអំពីភាពច្របូកច្របល់ ការខិតខំបំបាត់សារធាតុ​វិទ្យុសកម្ម និងផលប៉ះពាល់ដែលបណ្តាលមកពីឧប្បត្តិហេតុនេះ។

ក្នុងចំណោមវត្ថុតាំងមានក្តារខៀនបង្ហាញអំពីព័ត៌មាន និងតួលេខដែលសរសេរដោយមន្រ្តីរដ្ឋាភិបាលដឹកនាំទប់​ទល់​នឹង​គ្រោះ​មហន្តរាយ​មានទីតាំងនៅក្បែរកន្លែងកើតហេតុ។

អ្នកស្រុកដែលរស់នៅទីនោះក៏មានវត្តមាននៅសារមន្ទីរដើម្បីចែករំលែកបទពិសោធន៍ផ្ទាល់របស់ពួកគេផងដែរ។

Japo Cambodia