នំរូបព្រះពុទ្ធដ៏អស្ចារ្យដែលល្បីនៅតំបន់ទេសចរណ៍ Kamakura

ថ្ងៃពុធ 16/09/2020 | 14:38 ល្ងាច

នៅពេលធ្វើដំណើរកំសាន្ត ក្រៅពីទស្សនាកន្លែងនានា គយគន់ទេសភាព យើងក៏អាចភ្លក់រសជាតិចំណីអាហារក្នុងតំបន់ផងដែរ។ ក្នុងតំបន់ Kanto កន្លែងទេសចរណ៍ដែលពេញនិយមបំផុតគឺ Kamakura ។

បើនិយាយពី Kamakura តើអ្នកគិតទៅដល់អ្វី? កន្លែងនេះល្បីជាមួយរូបសំណាក់ព្រះពុទ្ធដ៏អស្ចារ្យ។

នៅទីនេះចាប់ពីរដូវក្តៅដល់រដូវស្លឹកឈើជ្រុះផ្ទៃមេឃស្រឡះ ហើយនេះក៏ជាពេលវេលាដ៏ល្អសម្រាប់ភ្ញៀវទេសចរណ៍ទៅទស្សនារូបសំណាក់ព្រះពុទ្ធដ៏ធំផងដែរ។

ពេលទៅដល់ទីក្រុងបុរាណ Kamakura អ្នកប្រាកដជាមើលឃើញមានប្រាសាទព័ទ្ធជុំវិញរូបសំណាក់ព្រះពុទ្ធ។ មិនត្រឹមតែមានភាពទាក់ទាញដោយសារទេសភាពប៉ុណ្ណោះទេ ទីកន្លែងនេះមានតម្លៃវប្បធម៌ និងសាសនា ដូច្នេះតែងតែមានភ្ញៀវទេសចរណ៍ជាច្រើនរាប់ទាំងជនជាតិជប៉ុន និងជនបរទេសផងដែរ។ លើសពីនេះពីទីក្រុងតូក្យូអ្នកអាចធ្វើដំណើរទៅកាន់ Kamakura យ៉ាងស្រួលដោយជិះរថភ្លើង។

មានហាងមួយនៅ Kamakura ជាកន្លែងទាក់ទាញភ្ញៀវទេសចរណ៍។

រូបភាព https://rurubu.jp/andmore/article/11772

ក្នុងហាងមានលក់នំ Tomoya ដើរចម្ងាយ ៥ នាទីពីខ្លោងទ្វារខាងកើតនៃស្ថានីយ៍ Kamakura ។ ហាងបើកលក់រយៈពេល ៣៥ ឆ្នាំមកហើយ មាន ២ ទីតាំង។

មុខម្ហូបល្បីក្នុងហាងគឺការ៉េម និងនំ Mochi ប៉ុន្តែថ្មីៗនេះមានលក់ Daibutsu-sama-yaki – នំព្រះពុទ្ធថ្មីពិសេស។

នំ Taiyaki មានរូបរាងដូចត្រី នំ Ningyo-yaki មានរូបដូចតុក្កតា (ningyo) ។ ស្រដៀងគ្នានេះដែរនំនេះមានរូបព្រះពុទ្ធបានជាគេហៅថា Daibutsu-sama-yaki ជាប្រភេទនំដែលលក់ដាច់បំផុតក្នុងហាង។

នំនេះមាន ៦ រសជាតិខុសៗគ្នាដែលរសជាតិនីមួយៗមានអត្ថន័យដោយឡែក។ នំរសជាតិសណ្តែកក្រហមមានន័យថាជូនពរសុខភាពល្អ នំរសជាតិប័រមានកេរ្តិ៍ឈ្មោះ នំរសជាតិត្រាវរកសុីមានបាន និងនំរសជាតិឈីសជាមួយសាច់ការលក់ដូរប្រសើរឡើង -ល- ។