រឿងរ៉ាវទាំង ៤ ដែលពាក់ព័ន្ធរវាងម្ហូបជប៉ុន និង​សម័យ​​សាមូរ៉ៃ

អាហារជប៉ុនល្បីទូទាំងពិភពលោក ហើយក៏ទទួលបានការនិយមចូលចិត្តពីមនុស្សជាច្រើនផងដែរ។ អាចនិយាយបានថាម្ហូបជប៉ុនល្បីៗមានដូចជាស៊ូស៊ី Tempura, Sashimi -ល- នោះក៏ព្រោះតែការចម្អិនយ៉ាងបុិនប្រសប់របស់ប្រជាជនជប៉ុន។

ទន្ទឹមនឹងវប្បធម៌ម្ហូបរបស់ជប៉ុននៅមានរឿងរ៉ាវចម្លែកជាច្រើនដែលមិននឹកស្មានដល់។

សូមក្រឡេកមើលរឿងពាក់ព័ន្ធនឹងម្ហូបដែលអ្នកប្រហែលជាមិនធ្លាប់ឮពីមុនមក។

១. ទោះជាហៀបនឹងស្លាប់ក៏ត្រូវគិតអំពីសុខភាព

រូបភាព https://beewing.jp/_item/島根県産西条柿%E3%80%80干し柿【4個入】/8018/

សមរភូមិប្រយុទ្ធចុងក្រោយកើតឡើងនាចុងសម័យសាមូរ៉ៃគឺ Sekigahara ។ Mitsunari Ishida ចាញ់ចំពោះមុខសត្រូវ​ហើយត្រូវបញ្ជូនទៅកន្លែងប្រហារជីវិត។ មុនពេលប្រហារជីវិតគាត់សុំផឹកទឹកព្រោះតែស្រេកទឹកខ្លាំងពេក ប៉ុន្តែ​គ្មាននរណាម្នាក់យកទឹកតាមមានតែដំណាប់ផ្លែទំលាបដូច្នេះសាមូរ៉ៃរូបនោះក៏បដិសេធ។

“ការបរិភោគដំណាប់ផ្លែទំលាបមិនល្អចំពោះបំពង់កទេ” ។

ជូនដំណាប់ផ្លែទំលាបអោយមនុស្សម្នាក់ដែលកំពុងស្រេកទឹកមិនល្អទេ ទោះជាយ៉ាងណាក៏ Ishida ជិតត្រូវគេប្រហារជីវិត ហេតុ​អ្វីត្រូវបារម្ភបញ្ហាបំពង់កទៀត?

២. សួយសារអាករត្រីបាឡែន

រូបភាព https://toyokeizai.net/articles/-/152355

Hideyoshi Toyotomi គឺជាសាម៉ូរ៉ៃដ៏អស្ចារ្យមួយរូបនាំមុខប្រទេសជប៉ុន មានដើមកំណើតមកពីគ្រួសារកសិករក្រី​ក្រ។ ព្រោះតែវ័យកុមារភាពខ្វះខាតបានជាគាត់មានចំណូលចិត្តចំពោះវត្ថុកម្រ និងថ្លៃ។ មានរឿងរ៉ាវមួយនិយាយ​ពី​សាមូរ៉ៃ​រស់នៅតំបន់ Shikoku ធ្លាប់យកត្រីបាឡែនជូន Hideyoshi Toyotomi ។

៣. ស្លាប់ដោយសារម្ហូបផ្អូម

រូបភាព https://takuhai.daichi-m.co.jp/Goodsdetail/13102223

Funazushi – ជាប្រភេទស៊ូស៊ីផ្អូមដែលនាំចូលពីប្រទេសចិន ត្រូវបានគេចាត់ទុកជាទម្រង់ដើមរបស់ស៊ូស៊ីដែលធ្លាប់បង្ក​សង្គ្រាមបង្ហូរឈាម។

ដើម្បីចម្អិនម្ហូបនេះគេប្រឡាក់ត្រីស្រស់ជាមួយអំបិល បន្ទាប់មកផ្អាប់ក្នុងធុងអោយឡើងជូរ ដូច្នេះ Funazushi មាន​ក្លិន​មិនល្អទេ។

នៅក្នុងពិធីជប់លៀងអបអរសាទរម្ហូបនេះត្រូវគេរៀបចេញមកហើយធ្វើអោយលោកមេទ័ព Nobunaga Oda ខឹងខ្លាំង។ លោកមេទ័ពដាក់ទោសអ្នកដែលមើលការខុសត្រូវម្ហូបនាថ្ងៃនោះគឺ Akechi Mitsuhide ។

“ហេតុ​អ្វីបានជាលើកម្ហូបមានក្លិនស្អុយមកអោយយើងហូប?”

ដោយអាក់អន់ចិត្ត Akechi Mitsuhide ងើបឡើងបះបោរហើយសម្លាប់ Nobunaga Oda ។

៤. រឿងទាក់ទងនឹង Tempura

ខ្ញុំដឹងថាជនបរទេសជាច្រើនចូលចិត្តញ៉ាំ Tempura ។ នេះគឺជាម្ហូបដែលចម្អិនតាមវិធីព័រទុយហ្កាល់ប៉ុន្តែផ្សំជាមួយម្ហូបជប៉ុនបង្កើតបាន​ជា​រសជាតិប្លែកពិសេស។

ម្ហូបនេះពាក់ព័ន្ធនឹង Ieyashu Tokugawa បុគ្គលដែលមានគុណសម្បត្តិបង្រួបបង្រួមប្រទេសជប៉ុន ហើយត្រូវបានគេចាត់ទុកជាសាមូរ៉ៃនាំមុខប្រទេស។

ទោះបីជាមានអាយុ ៧៥ ឆ្នាំក៏សាមូរ៉ៃរូបនេះចូលចិត្ត Tempura ត្រីណាស់។

ប៉ុន្តែរាល់ពេលដែលគាត់ញ៉ាំម្ហូបនេះតែងឈឺពោះ។ មូលហេតុដោយសារគាត់មានវ័យចំណាស់ប្រព័ន្ធរំលាយអាហារមិន​ល្អ​ធ្វើឱ្យពិបាកស្រូបយកអាហារដែលមានជាតិខាញ់ដូចជា Tempura ។ ក៏ព្រោះតែចំណូលចិត្តគាត់បន្តទទួល​ទាន Tempura ត្រី មួយរយៈក្រោយមកសុខភាពរបស់លោកកាន់តែយ៉ាប់យ៉ឺនហើយក៏ទទួលមរណភាព។

តើវាអាចទៅរួចដែរទេថា Tempura ត្រីជាមូលហេតុ​ស្លាប់របស់សាមូរ៉ៃដ៏អស្ចារ្យរូបនេះ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: