ហាងលក់ម៉ាសប៉ាក់ និងគ្រាប់អង្កាំធ្វើដោយផ្ទាល់ដៃបើកនៅស្ថានីយ៍តូក្យូ

នៅទីក្រុងតូក្យូកាលពីថ្ងៃទី ៨ ខែកញ្ញាមានហាងលក់ម៉ាសបានបើកសម្ភោធនៅស្ថានីយ៍តូក្យូ។ តាំងពីមុនមកម៉ាសពិតជាសំខាន់សម្រាប់ប្រជាជនជប៉ុន ហើយសព្វថ្ងៃតម្រូវការកាន់កើនឡើងជាពិសេសក្នុងកំឡុងពេលជំងឺ​កូវីដ-១៩ រាតត្បាត។

សាខាក្រុមហ៊ុនលក់រាយបានបើកសម្ភោធក្នុងតំបន់ផ្សារ Subway Yaesu ។

ហាងមានទំហំ ៦០ ម៉ែត្រការ៉េមានលក់ជាង ២០០ ប្រភេទម៉ាសផ្សេងៗគ្នា ក្នុងនោះមានម៉ាសលក់ក្នុងតម្លៃ ៥០០ យ៉េនមានមុខងារផ្តល់សំណើម និងការពារកាំរស្មីយូវី។ ក្រៅពីនេះក៏មានលក់ម៉ាសក្នុងតម្លៃ ១០០,០០០ យ៉េនដែល​គេ​ប៉ាក់​ដោយ​ផ្ទាល់ដៃ និងតុបតែងយ៉ាងល្អឥតខ្ចោះ។

រូបភាព https://www3.nhk.or.jp/nhkworld/en/news/20200908_34/

អតិថិជននឹងទទួលបានការណែនាំពីបុគ្គលិកក្នុងការជ្រើសរើសម៉ាសដែលសមនឹងសម្លៀកបំពាក់ឬពណ៌ស្បែករបស់​អ្នក។ លើសពីនេះហាងក៏មានលក់ប្រអប់ម៉ាស់សម្រាប់អតិថិជនរក្សាទុកពេលមិនប្រើ និងសារធាតុសម្អាតម៉ាស​ផង​ដែរ។ សារធាតុសម្អាតម៉ាសផលិតចេញពីគ្រឿងផ្សំដែលមិនប៉ះពាល់ដល់ស្បែក។

នៅពេលកើតជំងឺរាតត្បាតជម្រុញអោយក្រុមហ៊ុនជាច្រើនចូលរួមទីផ្សារផលិតម៉ាសរួមទាំងក្រុមហ៊ុនផលិត​ឧបករណ៍​​អគ្គិសនី និងសម្លៀកបំពាក់បុរសផង​ដែរ។

Mask．com

អាស័យដ្ឋាន៖ 2-1 Yaesu, Chuo-ku, Tokyo

ម៉ោងបើកលក់: ១០ៈ០០  ដល់ម៉ោង ២២ៈ០០

ផលិតផលមានដូចជា៖  ម៉ាស និងផលិតផល​ដែលពាក់ព័ន្ធ (ប្រអប់ម៉ាស  និងសារធាតុសម្អាតម៉ាស -ល-)

Online shop: https://store.cox-online.jp/shop/e/eMask-dot-com/

AD