ជប៉ុនបើកសេវាកម្មជួលរថយន្តប្រចាំខែ – តោះចូរប្រៀបធៀបការទិញ និងជួលមួយណាចំណេញជាង?

បច្ចុប្បន្ននេះបើកបរឡានផ្តល់ភាពងាយស្រួលដូចជាយើងអាចធ្វើដំណើរទៅកាន់ទីឆ្ងាយ មិនចាំបាច់ខ្លាចធូលី​ដី -ល- ។ ដើម្បីក្លាយជាម្ចាស់រថយន្តមួយគ្រឿងត្រូវចំណាយប្រាក់ច្រើនឬខ្ចីប្រាក់ទិញឡាន។ 

រូបភាព https://kinto-jp.com/kinto_one/lineup/

ក្រោមស្ថានភាពវិបត្តិសេដ្ឋកិច្ចអូសបន្លាយ ប្រាក់ខែរបស់យុវជនទាប និងប្រាក់លើកទឹកចិត្តផ្សេងៗនៅកន្លែងធ្វើការបាត់បង់។ និន្នាការ​នា​ពេល​នោះកាត់បន្ថយអ្វីៗតាមដែលអាចធ្វើទៅបាន ហើយក្នុងពេលដំណាលគ្នានេះនៅតាម​ទីក្រុង​ធំៗ ចំនួនយុវជនមានរថយន្តមានកម្រិតទាបដោយសារកំណើនរថភ្លើង។

ចំពោះយុវជនសម័យនេះឡានដូចជាការជំពាក់បំណុលដែរ។ បុរសជាច្រើនគិតថាបើត្រូវចំណាយប្រាក់ច្រើនទើបមានមិត្តស្រីយល់ល្អនៅលីវដេកផ្ទះលេងហ្គេមប្រសើរជាង។

ដោយមូលហេតុ​នេះចំនួនរថយន្តលក់ចេញមានការធ្លាក់ចុះ។ នៅតំបន់ជនបទប្រជាជនត្រូវការរថយន្តប៉ុន្តែពួក​គេ​គ្រាន់​តែ​ទិញរថយន្តធុនតូចប៉ុណ្ណោះ។ រថយន្តតូចមិនទទួលបានផលចំណេញទេ ដូច្នេះក្រុមហ៊ុនផលិតក៏ព្យាយាម​​រក​​វិធី​កែ​ប្រែ​ការ​ធ្លាក់ចុះនេះផងដែរ។

ក្រោមស្ថានភាពនេះ TOYOTA បានបើកដំណើរការសេវាកម្មថ្មីមួយដែលមានឈ្មោះថា KINTO សេវាកម្មជួលរថយន្ត​​រយៈ​​ពេល ៣ ឆ្នាំបង់ប្រចាំខែ។

មនុស្សភាគច្រើនយល់ថាសេវាកម្មនេះមិនខុសពីប្រាក់កម្ចីប្រចាំខែឡើយ ប៉ុន្តែយន្តការមានភាពខុសគ្នាច្រើន។

ក្នុងករណីប្រាក់កម្ចីបង់រំលោះបើនិយាយម្យ៉ាងទៀតអ្នកជំពាក់លុយទិញឡានហើយអ្នកជាម្ចាស់ឡាន។ អ្នកត្រូវបង់ពន្ធរថយន្ត ធានារ៉ាប់រង ថ្លៃជួសជុលក្នុងករណីមានគ្រោះថ្នាក់ ហើយត្រូវទៅត្រួតពិនិត្យរថយន្តជាប្រចាំ។

មិនត្រឹម​តែប៉ុណ្ណឹងប្រសិនបើអ្នកចង់ប្តូរឡានថ្មីក្រោយរយៈពេលពី ៣ ទៅ ៥ ឆ្នាំ អ្នកត្រូវរកកន្លែងលក់ឡានដែលប្រើរួចក្នុងតម្លៃខ្ពស់បំផុត។ ប្រសិនបើមានគ្រោះថ្នាក់ចរាចរណ៍កើតឡើងហើយរថយន្តខូចខាតធ្ងន់ធ្ងរ មិនត្រឹម​តែ​បាត់​រថយន្ត​អ្នកថែមទាំងត្រូវជំពាក់បំណុលជាច្រើនផងដែរ។

ម៉្យាងវិញតាមទម្រង់ថ្មីអ្នកជួលឡានពីសេវាកម្ម Kinto មិនមែនម្ចាស់ឡានទេ។ ដូច្នេះធានារ៉ាប់រង និងពន្ធត្រូវបាន Kinto ជាអ្នកទូទាត់។ ក្នុងករណីសេវាកម្ម Kinto បើទិញឡានក្នុងបរិមាណច្រើននោះធានារ៉ាប់រងនឹងទាប ដូច្នេះការ​ជួលរថយន្ត ប្រាក់ធានារ៉ាប់រង ការត្រួតពិនិត្យយានយន្តជាប្រចាំក៏ជាកាតព្វកិច្ចរបស់ Kinto ផងដែរ។ ចំពោះថ្លៃចំណាយជួសជុលក្នុងករណីមានគ្រោះថ្នាក់តាមលក្ខខណ្ឌអ្នកប្រើទទួលខុសត្រូវ ៥០,០០០ យ៉េន ចំណែកដែលនៅ​សល់ Kinto ជា​អ្នក​បង់។

ក្រោយរយៈពេលជួល ៣ ឆ្នាំអ្នកអាចសងឡានត្រឡប់វិញ ហើយមិនចាំបាច់បារម្ភលើបញ្ហាលក់ឡានទៀតទេ។

សាកល្បងគិតមើលមួយណាចំណេញច្រើនជាង? នេះជាចំនួនទឹកប្រាក់ដែលខ្ញុំត្រូវបង់ក្នុងករណីជួលឡាន Passo តូច។

តម្លៃខុសគ្នាអាស្រ័យលើគ្រឿងបន្លាស់ដែលភ្ជាប់មកជាមួយ បើគ្រាន់តែរថយន្តចំណាយប្រហែល ៣២,៧៨០ យ៉េន/ខែ។ ក្រោយរយៈពេលជួល ៣ ឆ្នាំថ្លៃឈ្នួលសរុប ១,១៨០,០៨០ យ៉េន។

ក្នុងករណីទិញឡានមានតម្លៃប្រហែល ១,១៩៩,០០០ យ៉េន ប្រាក់ធានារ៉ាប់រង ៤០,០០០ យ៉េន/ឆ្នាំ x ៣ ស្មើ ១២០,០០០ យ៉េន និងពន្ធរថយន្ត ៣៤,៥០០ យ៉េន x ៣ ស្មើ ១០៣,៥០០ យ៉េន ហើយប្រសិនបើបង់រំលស់ត្រូវបន្ថែមការ​ប្រាក់។

ប្រសិនបើអ្នកចង់ប្រើឡានយូរអង្វែងគ្មានបំណងប្តូររថយន្តគួរតែទិញឡាន។ ប៉ុន្តែជាទូទៅមនុស្សភាគច្រើនចូលចិត្ត​ផ្លាស់ប្តូររថយន្តថ្មីបន្ទាប់ពីប្រើប្រាស់មួយរយៈ។ ៣ ឆ្នាំជាពេលវេលាដែលសាកសមបំផុតក្នុងការផ្លាស់ប្តូររថយន្ត។

តើជម្រើសរបស់អ្នកយកមួយណា?

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: