សេចក្តីសន្និដ្ឋានអំពីអាយុកាលរបស់ខ្មោចជប៉ុន … តើខ្មោចក៏មានអាយុកាលដែរឬ?

តើអ្នកធ្លាប់មើលឃើញខ្មោចទេ?

ខ្ញុំមិនដែលឃើញខ្មោចផ្ទាល់ភ្នែកទេ ប៉ុន្តែដោយសារខ្ញុំជឿថាមានខ្មោចដូច្នេះខ្ញុំខ្លាចខ្មោចណាស់។ ខ្ញុំមិនចង់ឃើញខ្មោចទេ ហើយខ្ញុំក៏មិនចូលចិត្តមើលខ្សែភាពយន្តខ្មោចឬទៅផ្ទះខ្មោចផងដែរ។

សព្វថ្ងៃវិទ្យាសាស្ត្រមិនទាន់អាចបញ្ជាក់ពីវត្តមានរបស់ខ្មោចឡើយ មានន័យថាខ្មោចនៅតែអាចមានឬអត់។ គ្រាន់​តែ​សរសេរ​ប៉ុណ្ណឹង​ក៏ខ្ញុំយល់ថាព្រឺខ្លួនទៅហើយ។

តើអ្នកដឹងទេថាខ្មោចក៏មានអាយុកាល?

អ្នកខ្លះនិយាយថាអាយុកាលរបស់ខ្មោចពី ៤០០-៥០០ ឆ្នាំ។

និយាយអញ្ចឹងខ្ញុំមិនធ្លាប់ឮរឿងខ្មោចក្នុងយុគសម័យថ្មសោះ។ តើមនុស្សសម័យនោះទាំងអស់បាត់ខ្លួនគ្មាននរណាម្នាក់ប្រែក្លាយខ្មោច​ឬ? ឬប្រហែលដោយសារតែសម័យនោះមានរយៈពេលវែងពេកលើសពីអាយុកាលមធ្យមរបស់ខ្មោច ដូច្នេះបានជាមនុស្សសម័យនោះមិនកត់ត្រារឿងខ្មោច។

រូបភាព https://note.com/sales_entre/n/n9e13adb9d74f

ហេតុអ្វីបានជាអាយុកាលរបស់ខ្មោចចន្លោះពី ៤០០-៥០០ ឆ្នាំ?

នៅកន្លែងមួយដែលគេហៅថា Sekigahara កាលពីបុរាណធ្លាប់មានការប្រយុទ្ធយ៉ាងព្រៃផ្សៃ។ ហើយជាកន្លែងសាមូរ៉ៃជាច្រើនត្រូវស្លាប់ដែលគេនិយាយតៗគ្នាថានេះជាដែនដីខ្មោចលង។

ការប្រយុទ្ធកើតឡើងនៅឆ្នាំ ១៦០០ ប៉ុន្តែរឿងខ្មោចចាប់ផ្តើមសាបរលាយនៅឆ្នាំ ២០០០ ។

តើដោយសារហួសរយៈពេល ៤០០ ឆ្នាំខ្មោចរលាយបាត់ឬ?

ចាំមួយភ្លែត … តើព្រលឹងអ្នកស្លាប់ដែលមិនមែនជាខ្មោចត្រូវគេគោរពក្នុងប្រាសាទមានអាយុកាលទេ?

ឧទាហរណ៍ទីសក្ការៈបូជា Yushima Tenjin នេះ។

រូបភាព https://www.wakon-style.jp/tokyo/list/yusimatenmangu.html

នេះជាកន្លែងគោរពបូជាទេវតាវិជ្ជា Sugawarano Michizane ។ ជាទូទៅសិស្សនិស្សិតជាច្រើនត្រៀមប្រលង​មហា​វិទ្យា​ល័យ​ឬវិទ្យា​ល័យ​តែងមកទីនេះដើម្បីបួងសួង។ មានពាក្យចចាមអារាមថាបើអ្នកយកខ្មៅដៃដែលទិញនៅប្រាសាទ​នេះ​ចូលក្នុងបន្ទប់ប្រឡងអ្នកប្រាកដជាប្រឡងជាប់។

ទេវតារូបនេះធ្លាប់ជាមនុស្សពិតទទួលមរណភាពក្នុងឆ្នាំ ៩០៣ មានន័យថាកាលពី ១១០០ ឆ្នាំមុន។ បើយោងតាមការសន្មតខាងលើនេះព្រលឹងរបស់ទេវតារលាយបាត់ឬ? ដូច្នេះការបួងសួងលែងសម្រេចទៀតហើយ។

តើអាចទៅរួចទេពេលព្រលឹងក្លាយជាទេវតាមានអាយុកាលវែងជាងព្រលឹងខ្មោច?

យ៉ាងណាមិញអ្វីៗទាំងអស់គ្រាន់តែជាសន្មត់ក៏ដូចជាវត្តមានរបស់ខ្មោច ទេវតាគ្រាន់តែជាការសន្និដ្ឋានប៉ុណ្ណោះ។

ចំពោះទេវតាវិជ្ជានៅប្រាសាទ Yushima Tenjin ប្រសិនបើអ្នកគ្រាន់តែទៅទីនោះបួសសួងឬទិញខ្មៅដៃមិនព្រមរៀនសូត្រ ខ្ញុំគិតថាប្រឡងមិនជាប់ទេ។

Kengo Abe