បុរសជនជាតិជប៉ុនម្នាក់ធ្វើ​អត្តឃាតបន្ទាប់ពីចាក់សម្លាប់អតីតមិត្ត​ស្រីរហូត​ដល់ស្លាប់

បុរសអាយុ ៣៤ ឆ្នាំម្នាក់បានធ្វើអត្តឃាតលោតពីលើអាផាតមិនបន្ទាប់ពីសម្លាប់អតីតមិត្ត​ស្រីអាយុ ៣៨ ឆ្នាំ។ ហេតុ​ការណ៍​នេះ​កើតឡើងកាលពីថ្ងៃអាទិត្យនៅទីក្រុងតូក្យូ។

យោងតាមព័ត៌មានពីប៉ូលីសបានអោយដឹងថាកាលពីថ្ងៃទី ៣០ ខែសីហាសាកសពរបស់ស្រ្តីរងគ្រោះឈ្មោះ Asami Noguchi អាយុ ៣៨ ឆ្នាំត្រូវបានប្អូនប្រុសប្រទះឃើញក្នុងផ្ទះរបស់នាងនៅសង្កាត់ Nakano ទីក្រុងតូក្យូប្រទេស​ជប៉ុន​វេលាម៉ោងប្រហែល ១០ ព្រឹក។ ទូរទស្សន៍ Fuji TV រាយការណ៍ថារាងកាយរបស់ Asami Noguchi ហូរឈាមយ៉ាងខ្លាំង​ដោយសាររបួស។

រូបភាព https://www.saokul.com

ប្អូនប្រុសរបស់នាងហៅទូរស័ព្ទទៅប៉ូលីស ភ្លាមៗនោះនាងត្រូវបានបញ្ជូនទៅមន្ទីរពេទ្យប៉ុន្តែមិនអាចសង្គ្រោះបាន។ លទ្ធផលធ្វើកោសល្យ​វិច័យ​បង្ហាញថា Noguchi មានរបួសជាច្រើនលើក្បាល មុខ និងកន្លែងផ្សេងទៀត។ ស្នាមរបួសដែលធ្ងន់បណ្តាលអោយស្លាប់ស្ថិតនៅក្រោយខ្នងត្រង់សួត។

មុននោះវេលាម៉ោងប្រហែល ៦ ព្រឹកសាកសពអតីតសង្សាររបស់ Noguchi ត្រូវបានគេរកឃើញក្នុងបរិវេណ​អាផាតមិន​ចម្ងាយ​ប្រហែល ២ គីឡូម៉ែត្រ។ ប៉ូលីសបានអោយដឹងថាគាត់លោតពីជាន់ទី ៧ ស្លាប់នៅកន្លែងកើតហេតុ។

ជនសង្ស័យត្រូវគេស្គាល់ថាជាអតីតមិត្តប្រុសរបស់ជនរងគ្រោះអាយុ ៣៤ ឆ្នាំ នៅក្បែរកន្លែងកើតហេតុកាមេរ៉ាសុវត្ថិភាព​បង្ហាញថាបុរសនោះមកជួលឡានវេលាម៉ោងប្រហែល ៣ៈ៣០ នាទីព្រឹក។ គាត់បានចាកចេញពីកន្លែងនោះ​វេលាម៉ោង ៤ ព្រឹក។ ឡានជួលចតខាងក្រៅអាផាតមិនពីកន្លែងដែលគាត់លោតចុះ ហើយកាំបិតប្រឡាក់​ឈាម​ត្រូវ​បាន​គេ​រក​ឃើញក្នុងរថយន្ត។

រូបភាព https://www.saokul.com

ប៉ូលីសនិយាយថា Noguchi និងបុរសនោះស្គាល់គ្នាពេលពួកគេទាំងពីរនាក់ធ្វើការក្នុងហាងលក់នំ ហើយមានទំនាក់​​ទំនង​ស្នេហាតាំងពីឆ្នាំ ២០១៦ មកម្ល៉េះ។ ទោះយ៉ាងណាគាត់ត្រូវគេចោទប្រកាន់កាលពីខែសីហាឆ្នាំមុនពីបទប្រើអំពើហិង្សាច្រើនដងកាលពីខែឧសភា និងខែកក្កដា ប៉ុន្តែពួកគេទាំងពីរបានដោះស្រាយដោយខ្លួនឯង។

កាលពីខែវិច្ឆិកាគាត់តែងបង្ហាញខ្លួនក្បែរហាងលក់នំជាកន្លែងដែល Noguchi ធ្វើការរហូតដល់នាងរាយការណ៍ប្រាប់ប៉ូលីស។ បន្ទាប់ពីរឿងនោះប៉ូលីសតែងតែមកពិនិត្យមើលស្ថានភាពរបស់ Noguchi រាល់ខែរហូតដល់ចុងខែមេសាកន្លងទៅនាងបាននិយាយថាអតីតមិត្តប្រុសរបស់នាងលែងរំខាននាងទៀតហើយ។

ប៉ុន្តែមិននឹកស្មានដល់អតីតសង្សារឆ្កួតរូបនេះបានសម្លាប់សង្សាររបស់ខ្លួន។ មុនពេលប្រព្រឹត្តទង្វើដ៏ព្រៃផ្សៃរបស់ខ្លួន គាត់បានបង្ហោះលើបណ្តាញសង្គម Instagram និយាយថាគាត់កំពុងគិតចង់សម្លាប់ខ្លួន ហើយទម្លាក់កំហុស​លើ​អតីត​មិត្តស្រីរបស់គាត់ឈ្មោះ Noguchi បានធ្វើអោយគាត់ក្លាយជាបែបនេះ។

AD