តើជនជាតិជប៉ុនដោះស្រាយបញ្ហាដែលពួកគេជួបនៅលើយន្ត​ហោះ​ដូចម្តេច?

បច្ចុប្បន្នយន្តហោះគឺជាមធ្យោបាយធ្វើដំណើរលឿន និងងាយស្រួលបំផុត។ អ្នកប្រាកដជាធ្លាប់ប្រទះបញ្ហាជាច្រើន​លើ​យន្តហោះ។

រូបភាព https://beauty-men.jp/110434

នៅពេលមនុស្សច្រើនឡើងយន្តហោះក្នុងពេលតែមួយការរំខានជៀសមិនរួចឡើយ ចន្លោះកាប៊ីនតូចចង្អៀតអាចនឹង​ធ្វើអោយអ្នកថប់អារម្មណ៍។ តើអ្នកនឹងធ្វើអ្វីពេលនោះ?

ជាដំបូងយើងតែងជួបបញ្ហាជាមួយមនុស្សអង្គុយក្បែរ។ មនុស្សមួយចំនួន​អង្គុយប្រជ្រៀតអ្នកដទៃជាពិសេសកន្លែង​ដាក់​ដៃ​លើយន្ត​ហោះ។ បញ្ហានេះប្រាកដជាធ្វើអោយអ្នកមានអារម្មណ៍មិនល្អ។

នៅលើពិភពលោកជាមធ្យមមនុស្សចំនួន ៤៥% ធ្លាប់ជួបបញ្ហានេះហើយនិយាយផ្ទាល់ជាមួយអ្នកអង្គុយក្បែរ។ ប៉ុន្តែ​​ភាគច្រើនជនជាតិជប៉ុនពួកគេនៅស្ងៀមហើយទ្រាំ។

អ្នកអង្គុយក្រោយទាត់កៅអីខាងមុខ។

ស្រដៀងគ្នានេះដែលតាមស្ថិតិមាន ៤០% អ្នកងាកមកត្អូញត្អែរពេលជួបបញ្ហានេះ។ ចំណែកជនជាតិពួកគេមិនធ្វើអ្វីព្រោះគិតថាភាគីគ្មានចេតនា (ឬមិនចង់និយាយ) ។

និយាយអញ្ចឹងខ្ញុំនឹងចែករំលែកការណែនាំរបស់ជនជាតិជប៉ុនក្នុងការជ្រើរើសកៅអីអង្គុយល្អបំផុត។

តើអ្នករើសយកកន្លែងអង្គុយជិតបង្អួចឬក្បែរផ្លូវចេញចូល? តាមស្តង់ដារពិភពលោកមនុស្សភាគច្រើនជ្រើសរើសអង្គុយក្បែរបង្អួច។ ព្រោះបើអង្គុយក្បែរផ្លូវចេញចូលអាចនឹងត្រូវរំខានដោយបុគ្គលិកឬត្រូវក្រោកឈរអោយអ្នកអង្គុយក្នុងចេញទៅបន្ទប់ទឹក។

ចំពោះជនជាតិជប៉ុនមានទំនោររើសយកកន្លែងអង្គុយត្រង់ច្រកផ្លូវចេញចូល ហេតុ​អ្វី? ដោយសារពេលពួកគេត្រូវទៅបង្គន់ពួកគេមិនចាំបាច់រំខាននរណាម្នាក់ឡើយ។

សរុបសេចក្ដីជនជាតិជប៉ុនមិនសូវនិយាយជាមួយអ្នកដទៃទេ នេះជាមូលហេតុ​ពួកគេមានទំនោរអត់ទ្រាំ។ ទោះយ៉ាង​ណាមិនមានន័យថាជនជាតិ​ជប៉ុនគ្រប់គ្នាសុទ្ធតែដូចគ្នានោះទេ។ ក្នុងនាមខ្ញុំជាជនជាតិជប៉ុនក៏ត្អូញត្អែរបើមាន​នរណាម្នាក់រំខាននៅលើយន្តហោះ ហើយខ្ញុំតែងរើសយកកៅអីអង្គុយក្បែរបង្អួចកុំអោយគេរំខាន។

នេះប្រហែលមកពីខ្ញុំនៅបរទេសមួយរយៈយូរ។

Kengo Abe