ទំព័រដើម
Japo- ថ្ងៃនេះ
អតីតរដ្ឋមន្រ្តីក្រសួងការបរទេសដែលត្រៀមឈរឈ្មោះជានាយករដ្ឋមន្រ្តីជប៉ុនទទួលមតិរិះគន់ព្រោះបង្ហោះរូបថតអរគុណភរិយា

អតីតរដ្ឋមន្រ្តីក្រសួងការបរទេសដែលត្រៀមឈរឈ្មោះជានាយករដ្ឋមន្រ្តីជប៉ុនទទួលមតិរិះគន់ព្រោះបង្ហោះរូបថតអរគុណភរិយា

ថ្ងៃព្រហស្បតិ៍ 03/09/2020 | 15:56 ល្ងាច

បន្ទាប់ពីសេចក្តីប្រកាសលាលែងពីតំណែងរបស់នាយករដ្ឋមន្រ្តី Shinzo Abe (អាយុ ៦៥ ឆ្នាំ) អ្នកនយោបាយដទៃទៀតចាប់ផ្តើមឈរឈ្មោះតំណែងនាយករដ្ឋមន្ត្រីជប៉ុនសម្រាប់អាណត្តិបន្ទាប់។ ក្នុងនោះលោក Fumio Kishida អតីតរដ្ឋមន្រ្តីក្រសួងការបរទេសជប៉ុនត្រូវគេចាត់ទុកជាបេក្ខជនមានឳកាសខ្ពស់។ ប៉ុន្តែថ្មីៗនេះបន្ទាប់ពីលោក Kishida បានបង្ហោះរូបថតលើបណ្តាញសង្គមធ្វីតធឺ អ្នកប្រើបណ្តាញសង្គមជប៉ុនជជែកវែកញែកយ៉ាងខ្លាំងរវាងទំនាក់ទំនងរបស់លោក និងភរិយា។

ខ្លឹមសាររូបភាព និងការសរសេររបស់លោកដូចខាងក្រោម៖

“នៅពេលខ្ញុំបង្ហាញខ្លួនក្នុងកម្មវិធីរាត្រីទូរទស្សន៍ Fuji TV ។ ប្រពន្ធខ្ញុំនៅស្រុកមកដល់ទីក្រុងតូក្យូដើម្បីចម្អិនបាយអោយខ្ញុំ។ ខ្ញុំពិតជាដឹងគុណចំពោះទង្វើនោះណាស់!”

夜のテレビ出演の合間に、地元から上京してきてくれた妻が食事を作ってくれました。
ありがたいです。#岸田文雄 #自民党総裁選 #束の間のひととき #妻の手料理 pic.twitter.com/tWWgML58l2
— 岸田文雄 (@kishida230) September 1, 2020

ក្នុងនាមជាអ្នកនយោបាយតែមិនភ្លេចបង្ហោះរូបថតគ្រួសារ និងពាក្យអរគុណចំពោះភរិយាឡើយ។ ពេលក្រឡេកមើលដូចជារូបថតគ្រួសារមានសុភមង្គល ប៉ុន្តែចំណុចមួយចំនួននៅក្នុងរូបថតបណ្តាលអោយលោក Kishida ទទួលមតិជំទាស់ជាច្រើន។

នៅក្នុងរូបថតអ្នកអាចឃើញទេថាប្តីកំពុងហូបបាយ ចំណែកប្រពន្ធឈរអោបដៃក្បែរនោះលើខ្លួនពាក់អាវអៀមមើលប្តីពិសាបាយ។ តាំងពីបុរាណមកនារីជប៉ុនទទួលការសរសើរព្រោះតែគុណធម៌ និងចិត្តអត់ធ្មត់ទ្រាំលំបាកដើម្បីស្វាមី។ ទោះជាយ៉ាងណានៅពេលសង្គមរីកចម្រើនបុរសស្រ្តីមានសិទ្ធិស្មើគ្នា គំនិតបន្ទាបស្រ្តីពិតជាចាស់កំរិល និងមិនសាកសមឡើយ។ ជាពិសេសអ្នកនយោបាយត្រៀមឈរឈ្មោះបោះឆ្នោតជានាយករដ្ឋមន្រ្តីបែរជាប្រកាន់ផ្នត់គំនិតអភិរក្សនិយម បញ្ហានេះធ្វើអោយមនុស្សមួយចំនួនមិនពេញចិត្តបន្ទាប់ពីឃើញរូបភាពនេះ។