ការតំឡើងម៉ាសុីនលក់ស្វ័យប្រវត្តិផ្តល់ទឹកជូនសិស្សានុ​សិស្សដោយឥតគិតថ្លៃក្នុងខេត្ត Ibaraki

ថ្មីៗនេះម៉ាសុីនលក់ស្វ័យប្រវត្តិត្រូវបានគេតំឡើងនៅសាលាបឋមសិក្សា និងវិទ្យាល័យក្នុងទីក្រុង Tsukubamirai ។

នារដូវក្តៅឆ្នាំនេះជប៉ុនប្រទះឃើញករណីចាញ់ថ្ងៃកើនឡើងដែលបណ្តាលអោយមនុស្សស្លាប់អាចនឹងច្រើនជាងជំងឺ​កូវីដ-១៩ ទៅទៀត។

នៅក្នុងទីក្រុង Tsukubamirai ខេត្ត Ibaraki ដើម្បីកាត់បន្ថយករណីចាញ់ថ្ងៃ និងបង្ការការឆ្លងជំងឺកូវីដ-១៩ នៅតាមសាលាបឋមសិក្សា និងវិទ្យាល័យសម្រេចតំឡើងម៉ាស៊ីនលក់ស្វ័យប្រវត្តិផ្តល់ទឹកត្រជាក់ដោយឥតគិតថ្លៃដល់សិស្ស។

រូបភាព https://mainichi.jp/english/articles/20200826/p2a/00m/0na/030000c

***ប្រសិនបើអ្នកឃើញនរណាម្នាក់មានអាការៈចាញ់ថ្ងៃ សីតុណ្ហាភាពរាងកាយកើនឡើងជាង ៤០ អង្សា សូមមេត្តាបញ្ជូនគេទៅកន្លែងត្រជាក់ ប្រើកន្សែងត្រជាក់ជូត បន្ទាប់មកហៅទូរស័ព្ទទៅកាន់សេវាសង្គ្រោះបន្ទាន់ក្នុងតំបន់។

នៅទីក្រុង Tsukubamirai ក្នុងខេត្ត Ibaraki សាលារៀននីមួយៗទទួលបានម៉ាសុីនលក់ពីមួយទៅបីគ្រឿងអាស្រ័យ​លើ​ចំនួន​សិស្ស​របស់​សាលា។ ត្រឹម​តែចុចប៊ូតុងសិស្សអាចទទួលបានទឹកត្រជាក់មួយដបដោយឥតគិតថ្លៃដើម្បីយកទៅផ្ទះ។

ការតំឡើងម៉ាសុីនលក់ស្វ័យប្រវត្តិក៏ជួយទប់ស្កាត់ការរីករាលដាលនៃជំងឺកូវីដ-១៩ ផងដែរ។ នៅជប៉ុនតាមសាលានានាសិស្សានុសិស្សយកដបទឹកតាមរួចយកទឹកពីប្រព័ន្ធទឹកក្នុងសាលា។ ទោះយ៉ាងណាក៏ប្រព័ន្ធនេះប្រឈមនឹង​ហានិភ័យ​ខ្ពស់នៃការចម្លងជំងឺ។

រូបភាព Pakutaso

ចំពោះម៉ាសុីនលក់ស្វ័យប្រវត្តិងាយស្រួលក្នុងការចែកចាយទឹកដល់សិស្ស ហើយក៏ស្រួលក្នុងការកម្ចាត់មេរោគផង​ដែរ។

ម៉ាសុីនលក់ទាំងនេះនឹងតំឡើងតាមសាលាចំនួន ១៤ កន្លែងនៅចុងខែកញ្ញា។ សង្ឃឹមថាពួកគេអាចផ្តល់ទឹកគ្រប់គ្រាន់​ដល់​សិស្សទាំងអស់គ្នាដើម្បីកាត់បន្ថយករណីចាញ់ថ្ងៃ។

Sacchan