លោកនាយករដ្ឋមន្រ្តីជប៉ុនស៊ីនហ្សូអាបេចូលនិវត្តន៍ភ្លាមៗដោយសារបញ្ហាសុខភាព

តាមប្រភពព័ត៌មានថ្មីៗនេះលោកនាយករដ្ឋមន្រ្តីជប៉ុនស៊ីនហ្សូអាបេបានអោយដឹងថាលោកនឹងលាលែងពីតំណែង​ដោយ​សារ​បញ្ហាសុខភាព។

លោកនាយករដ្ឋមន្រ្តីអាបេគ្រោងនឹងរៀបចំសន្និសីទសារព័ត៌មាននៅថ្ងៃសុក្រដើម្បីពន្យល់ពីការសម្រេចចិត្តនេះ។ ប្រជាជនជប៉ុនជាច្រើនមានការភ្ញាក់ផ្អើល និងខកចិត្តចំពោះរឿងនេះណាស់។

ក្នុងរយៈពេលពីរសប្តាហ៍កន្លងមកនេះលោកអាបេបានទៅមន្ទីរពេទ្យចំនួនពីរដងបណ្តាលអោយមានពាក្យចចាមអារាម​ថាលោកមានបញ្ហាសុខភាព។

នេះជាលើកទី ២ ហើយដែលលោកអាបេបានលាឈប់ដោយសារបញ្ហាសុខភាព។ គាត់ធ្លាប់លាលែងពីតំណែងក្នុងឆ្នាំ ២០០៧ ក្រោយរយៈពេលមួយឆ្នាំឡើងកាន់តំណែងដោយសារជំងឺរលាកពោះវៀនធំ។

រូបភាព https://www3.nhk.or.jp/nhkworld/vi/news/

លោកបានវិលត្រឡប់មកកាន់តំណែងជានាយករដ្ឋមន្រ្តីក្នុងឆ្នាំ ២០១២ បន្ទាប់ពីទទួលបានជ័យជំនះក្នុងការបោះ​ឆ្នោត​ជ្រើស​តាំងតំណាងរាស្ត្រ។

បច្ចុប្បន្នក្នុងអាណត្តិ ៧ ឆ្នាំលោកជានាយករដ្ឋមន្រ្តីដែលកាន់តំណែងយូរជាងគេនៅប្រទេសជប៉ុន។

យោងទៅតាមទ្រឹស្តីលោកអាបេអាចនឹងកាន់អំណាចមួយឆ្នាំទៀត។ ក្នុងនាមជាប្រធានគណបក្សប្រជាធិបតេយ្យសេរីជាគណបក្សធំ​ជាង​គេ អាណត្តិរបស់លោកនឹងបញ្ចប់នៅខែកញ្ញាឆ្នាំក្រោយ។

Japo Cambodia