ស្រ្តីក្លាហានទាំងបីបង្កើតក្រុមកំចាត់ស្វាបំផ្លាញដំណាំប្រជាជនក្នុងស្រុក

នៅតំបន់ Chubu ខេត្ត Fukui ប្រទេសជប៉ុនមានព្រំប្រទល់ជាប់ខេត្ត Ishikawa, Gifu, Shiga និង Kyoto ស្ថិតនៅតាមបណ្តោយឆ្នេរសមុទ្រខេត្ត Fukui ដែលជាស្រុកកំណើតនៃត្រកូល Samurai Matsudaira ដ៏អស្ចារ្យ ប៉ុន្តែសព្វថ្ងៃកេរ្តិ៍ឈ្មោះខេត្តល្បីល្បាញដោយ​សារ​ផូស៊ីលដាយណូស័រ ជំនាញធ្វើក្រដាស អាហារសមុទ្រ Soba និងអង្ករ Koshihikari ។

ពេលថ្មីៗនេះខេត្ត Fukui ទទួលការចាប់អារម្មណ៍យ៉ាងខ្លាំងព្រោះតែស្រ្តីបីនាក់កំចាត់ស្វា។

ស្រ្តីទាំងបីរូបនេះត្រូវបានចុះផ្សាយលើកាសែតក្នុងស្រុក Fukui Shimbun បន្ទាប់ពីព័ត៌មានប្រយុទ្ធជាមួយហ្វូងស្វាដើម្បី​ការ​ពារ​ដំណាំ។

https://twitter.com/Zdz47X57Djfha0s/status/1296933138640166913?ref_src=twsrc%5Etfw%7Ctwcamp%5Etweetembed%7Ctwterm%5E1296933138640166913%7Ctwgr%5E&ref_url=https%3A%2F%2Fjapo.vn%2Fcontents%2Fdoi-song%2Fbon-mua%2F116204.html

វីរស្រ្តីទាំងបីរួមមានលោកស្រី Masako Ishimura (អាយុ ៧៤ ឆ្នាំ) លោកស្រី Tatsuko Kinoshita (អាយុ ៦៨ ឆ្នាំ) និងលោកស្រី Miyuki Ii (អាយុ ៦៧ ឆ្នាំ) រស់នៅទីក្រុង Hikariishi ។ ស្រ្តីទាំងបីនាក់សម្រេចបង្កើតក្រុម “ប្រយុទ្ធនឹងស្វា” កាលពីខែឧសភាបន្ទាប់ពីបានចូលរួមក្នុងថ្នាក់បណ្តុះបណ្តាលដែលរៀបចំឡើងដោយសហករណ៍កាលពីខែមីនា​ណែ​​នាំ​​អ្នក​​ស្រុក​ពីវិធីបណ្តេញស្វា។

សត្វស្វាទាំងនោះច្រើនតែបង្ហាញខ្លួននៅតំបន់ក្បែរមាត់ទន្លេ Asuwa បណ្តាលអោយខូចខាតដំណាំដូចជាខ្ទឹម ត្រប់ សណ្តែកសៀង និងដំឡូងបារាំងតាំងពីឆ្នាំ ២០១៥ មកម្ល៉េះ។ ការប្រើរូបចំបើងដើម្បីបណ្តេញស្វាហាក់ដូចជាគ្មាន​ប្រសិទ្ធិភាព​ឡើយ ដូច្នេះស្ត្រីទាំង ៣ នាក់នេះសម្រេចដើរកំចាត់ស្វាដោយប្រើកាំភ្លើងខ្យល់។

モンキーバスターズ#クイズ脳ベルSHOW pic.twitter.com/oKFAmu8JCA

— あや (@rdluoGY4aD0EVak) August 18, 2020

ប្រសិនបើប្រជាជនក្នុងតំបន់មើលឃើញស្វានឹងបញ្ជូនដំណឹងបន្ទាន់ដល់ក្រុមអ្នកកំចាត់ស្វា បន្ទាប់មកពួកគេនឹង​បង្ហាញ​ខ្លួន​ភ្លាមៗ​ដោយបំពាក់អាវុធក្នុងដៃ។

ទោះបីពួកគាត់កាន់កាំភ្លើងប៉ុន្តែច្បាប់ក្នុងក្រុមគ្រាន់តែបំភ័យស្វាមិនធ្វើអោយវារបួសទេ។ ដោយមានការសហការ​ពី​អ្នក​ស្រុក និងអាវុធធ្វើដោយដៃផ្សេងទៀតដូចជាផាវឬស្នប់ (ដើម្បីបង្កើតជាសម្លេងលាន់ខ្លាំង) ពួកគាត់បំភ័យស្វា​រហូត​ដល់​ពួកវាមិនហ៊ានវិលមកវិញ។

ដូចដែលយើងបានមើលឃើញ “វីរស្រ្តីទាំងបី” ពាក់អាវអៀម ប៉ុន្តែនោះមិនមែនជាឯកសណ្ឋានទេ។ នេះគ្រាន់តែជាសម្លៀកបំពាក់ប្រចាំថ្ងៃស្លៀកពេលធ្វើកិច្ចការផ្ទះឬថែសួនប៉ុណ្ណោះ ប៉ុន្តែពេលទទួលបានដំណឹងមានស្វាពួកគាត់នឹង​រត់​ទៅ​ប្រយុទ្ធភ្លាមៗ។

សហករណ៍មូលដ្ឋាននិយាយថាសត្វស្វាប្រមូលផ្តុំជាក្រុមប្រហែល ២០ ក្បាល ប៉ុន្តែក្រោយមកពួកវាខ្ចាត់ខ្ចាយទៅជា ៤ ឬ ៥ ក្រុមធ្វើអោយការបណ្តេញកាន់តែពិបាក។ ទោះយ៉ាងណាការខិតខំរបស់ប្រជាជនក្នុងតំបន់ដែលមានប្រសិទ្ធិភាព​ជាង​គេ​គឺវិធីរបស់ “វីរស្រ្តីទាំងបី” ព្រោះសត្វស្វាពិតជាបាត់មួយរយៈពេលមែន។ ប៉ុន្តែសត្វស្វាទាំងនោះចាប់ផ្តើម​បង្ហាញ​ខ្លួនម្តងទៀតនៅពាក់កណ្តាលខែកក្កដា ដូច្នេះក្រុមកំចាត់ស្វានឹងបន្តធ្វើបេសកម្ម។

លោកស្រី Ishimura និយាយថា៖ “មានមនុស្សចាស់ជរាជាច្រើនរស់នៅក្នុងតំបន់ Miyama ការងារស្រែចំការមិនត្រឹម​តែដើម្បីចិញ្ចឹមជីវិតប៉ុណ្ណោះទេ ប៉ុន្តែវាក៏សំខាន់ចំពោះសុខភាពផ្លូវចិត្តរបស់យើងផងដែរ។ ដូច្នេះយើងត្រូវសហការ​គ្នា” ។

ជីវិតប្រជាជនជប៉ុននៅតាមតំបន់ជនបទពិតជាលំបាកខ្លាំងណាស់ មិនត្រឹមតែស្វាប៉ុណ្ណោះទេពួកគេក៏ត្រូវប្រឈម​​នឹង​​ខ្លា​ឃ្មុំ​ផង​​ដែរ។ ខ្លាឃ្មុំមានគ្រោះថ្នាក់ជាងព្រោះវាអាចសម្លាប់មនុស្សបាន។

រូបភាព https://toyokeizai.net/articles/-/193844

សង្ឃឹមថាវីរស្រ្តីក្លាហានទាំងបីរូបអាចកំចាត់ស្វា និងទទួលបានជោគជ័យក្នុងការការពារដំណាំរបស់ប្រជាជនក្នុងស្រុក។

Sacchan