ទាន់សម័យណាស់!!! ស្បែកជើងប៉ាតាយកគំរូតាមសម្លៀកបំពាក់គីម៉ូណូជប៉ុន

នៅពេលរំលឹកពីប្រទេសជប៉ុនអ្នកប្រាកដជានឹកឃើញឈុតសម្លៀកបំពាក់គីម៉ូណូដ៏ស្រស់ស្អាតរបស់នារីជប៉ុន។ ភ្ញៀវ​ទេស​ចរណ៍​ជា​ច្រើនដែលទៅលេងនៅជប៉ុនក៏មានបំណងចង់ស្លៀកសម្លៀកបំពាក់គីម៉ូណូបែបបុរាណនេះដែរ។

ក្នុងចំណោមនោះ Furisode ជាប្រភេទគីណូម៉ូដែលពេញនិយមសម្រាប់នារីៗមានអាយុប្រហែលជា ២០ ឆ្នាំ ហើយក៏ត្រូវបានគេពាក់ក្នុងពិធីធំពេញវ័យផងដែរ។

រូបភាព https://livejapan.com/ja/article-a0001028/

ទោះយ៉ាងណាគីម៉ូណូមិនមែនជាសម្លៀកបំពាក់ដែលងាយស្លៀកនោះទេ ប្រសិនបើគ្មានអ្នកជួយអ្នកមិនអាចពាក់​វា​បាន​ទេ។ ម្យ៉ាងវិញសម្លៀកបំពាក់នេះត្រឹមស្លៀកក្នុងឱកាសពិសេសប៉ុណ្ណោះ។ ប្រជាជនជប៉ុនទិញគីម៉ូណូ​តែ​មិន​សូវ​ជាពាក់ឡើយ។

ដើម្បីបង្កើនការប្រើគីម៉ូណូគេបានច្នៃគីម៉ូណូទៅជាស្បែកជើងប៉ាតាទាំងស្អាតអាចពាក់ប្រចាំបានផង។

អ្នកអាចបញ្ជាទិញស្បែកជើងតាមអនឡាញហើយត្រូវរង់ចាំរយៈពេល ២ ខែ។ ហាងជំនាញក្នុងការផលិតស្បែកជើងប៉ាតាដោយដៃ ស្បែកដែលគេប្រើសម្រាប់ផលិតស្បែកជើងនីមួយៗត្រូវបានជ្រើសរើសដោយសិប្បករជំនាញ។

ផលិតផលមុនៗនៃម៉ាកយីហោនេះសុទ្ធសឹងតែមានភាពថ្លៃថ្នូរ ប៉ុន្តែលើកនេះគួបផ្សំនឹងអត្ថន័យពិសេសនៃសម្លៀកបំពាក់ប្រពៃណីតម្លៃក៏ថ្លៃណាស់ដែរ។

ស្បែកដែលគេប្រើសម្រាប់ផលិតស្បែកជើងប៉ាតាមិនងាយរបក ធន់នឹងទឹកដូចជាស្បែកជើងកីឡាធម្មតា។ តម្លៃលក់ក្នុងមួយគូគឺ ៤៦,០០០ យ៉េនប្រហែល ៤៣៣ ដុល្លារ។

បើប្រៀបនឹងស្បែកជើងប៉ាតាផ្សេងតម្លៃនេះហាក់បីជាថ្លៃ ប្រហាក់ប្រហែលឬថ្លៃជាងសម្លៀកបំពាក់គីម៉ូណូទៅ​ទៀត។ ទោះយ៉ាងណាផលិតផលមានតែមួយគត់ជាមួយនឹងអត្តន័យពិសេសព្រោះវាអាចបង្កើនការប្រើប្រាស់សម្លៀក​បំពាក់​បែប​ជប៉ុន។

ព័ត៌មានបន្ថែមនៃម៉ាកយីហោ៖ https://andsteady.com

Kengo Abe