ដោយសារជំងឺកូវីដ-១៩ ឆ្នាំនេះប្រជាជនជប៉ុនជាច្រើនមិនអាចត្រឡប់ទៅ​ស្រុក​កំណើត​ដើម្បី​សែនផ្នូរ

ប្រទេសជប៉ុនក៏ដូចជាបណ្តាប្រទេសអាសុីជាច្រើនផ្សេងទៀតមានទម្លាប់ទៅសែនផ្នូរដូនតា។

នៅពេលទៅសែនផ្នូរដូនតាកូនចៅនាំគ្នាសម្អាតផ្នូរ ដូច្នេះប្រជាជនជប៉ុនច្រើនតែយកធុង និងបោយទឹកដើម្បី​លាង​សម្អាត​ផ្នូរតាម។ ហើយពួកគេក៏យកឧបករណ៍ថែសួនដើម្បីសម្អាតស្មៅដុះជុំវិញផ្នូរផងដែរ។ ប្រសិនបើភ្លេចមិនបានយកតាមអាចខ្ចីធុង និងបោយទឹកនៅហាងផ្កាជិតនោះរួចយកទៅសងវិញ។

តាមទំនៀមទម្លាប់ប្រពៃណីជនជាតិជប៉ុននឹងទៅសែនផ្នូរដូនតាក្នុងកំឡុងពេលវិស្សមកាលពិធីបុណ្យ Obon ។ ប៉ុន្តែ​ដោយសារតែការរីករាលដាលនៃជំងឺកូវីដ-១៩ ក្រុមគ្រួសារមួយចំនួនត្រូវពិចារណាចាត់ចែងការងារសម្អាតផ្នូរទៅអោយក្រុមហ៊ុនសាងសង់ផ្នូរនៅកន្លែងបញ្ចុះសពក្នុងតំបន់។ នៅខេត្ត Tottori ភាគខាងលិចប្រទេសជប៉ុនក្រុមហ៊ុននឹងបញ្ជូនបុគ្គលិកទៅសម្អាត និងទៅមើលផ្នូរជំនួសវិញ។

កាលពីថ្ងៃច័ន្ទបុគ្គលិករបស់ក្រុមហ៊ុនសាងសង់ផ្នូរបានទៅសម្អាតផ្នូរជំនួសស្រ្តីម្នាក់រស់នៅខេត្ត Aichi ប្រទេស​ជប៉ុន។

ក្រុមហ៊ុននៅទីក្រុង Tottori ផ្តល់សេវាកម្មសែនផ្នូរជំនួសរយៈពេលប្រមាណ ១០ ឆ្នាំមកហើយ។ ក្រុមហ៊ុននិយាយថាឆ្នាំនេះមានមនុស្សជាច្រើនមិនអាចត្រឡប់ទៅស្រុកកំណើតដូចរាល់ឆ្នាំឡើយ។ ក្រុមហ៊ុនទទួលភារកិច្ចទៅសែនផ្នូរជំនួស​ជាង ៦០ គ្រួសារ ចំនួននេះ​កើន​ឡើងប្រហែល ៣០% បើប្រៀបនឹងឆ្នាំមុន ៗ ។

បុគ្គលិករបស់ក្រុមហ៊ុននិយាយថាគេនឹងខំប្រឹងអស់ពីសមត្ថភាពជួយដល់ក្រុមគ្រួសារទាំងនោះទៅសម្អាតផ្នូរក្នុងគ្រា​ជំងឺ​រាត​ត្បាត។

AD