បទចម្រៀង MV ថ្មីរបស់តារាស្រី Billie Eilish ទទួលការចាប់អារម្មណ៍យ៉ាងខ្លាំងពីប្រជាជនជប៉ុន

ថ្ងៃ​អង្គារ 11/08/2020 | 9:24 ព្រឹក

តារាចម្រៀងស្រីឈ្មោះ Billie Eilish ទទួលជោគជ័យតាំងពីអាយុ ១៨ ឆ្នាំនៅពេលបទចម្រៀងរបស់នាងចេញផ្សាយ​លើ SoundClound ។ បទចម្រៀងដែលទទួលបានការចាប់អារម្មណ៍យ៉ាងខ្លាំងរបស់នាងគឺបទ “Bad Guy” បង្ហាញ​ពី​លក្ខណៈ​ស្ទីល​ប្លែកៗ​ដែលមិនធ្លាប់មានពីមុនមក។

ហើយបទចំរៀងថ្មីបំផុតមានចំណងជើងថា “My Future” មានភាពខុសគ្នាខ្លាំងមិនត្រឹមបទភ្លេង សូម្បីតែការសម្តែង​ក៏​មិនដូចទៅនឹងផលិតផលមុនៗដេរ។

នៅក្នុង MV បទចម្រៀង “My future” ថតតាមលក្ខណៈគំនូរជីវចល តារាស្រី Billie Eilish ដើរក្រោមទេសភាពស្រស់​បំព្រង​នៃធម្មជាតិ។

រូបភាព https://www.haveeru.com.mv/billie-eilish-introduced-a-studio-ghibli-esque-new-music-online-video-for-her-tune-my-future/

ទិដ្ឋភាពចម្រុះពណ៌ និងស្លឹកសន្សើមធ្វើអោយអ្នកគាំទ្ររបស់តារាចម្រៀងស្រីរូបនេះគិតស្រមៃពីស្នាដៃរបស់ Ghibli Studio ។ ទេសភាពធម្មជាតិក្នុង MV នាំផ្លូវនារីម្នាក់នាពេលរាត្រីភ្លៀងធ្លាក់ ថ្ងៃបន្ទាប់មានពន្លឺព្រះអាទិត្យដ៏​កក់​ក្តៅ។ នៅតាមផ្លូវនាងមើលឃើញកង្កែប ពីងពាង និងសត្វតូចៗជាច្រើនទៀតដែលស្រដៀងនឹងរឿង My Neighbor Totoro និង Nausicaa ។

MV នេះផលិតដោយ Chop Studio ទីស្នាក់ការនៅ Melbourne ប្រទេសអូស្រ្តាលីទាក់ទាញអ្នកគាំទ្របស្ចឹមប្រទេសជាច្រើន ហើយទន្ទឹមនឹងនេះអ្នកគាំទ្រតារាស្រី Billie Eilish នៅប្រទេសជប៉ុនក៏មានអារម្មណ៍រំភើបយ៉ាងខ្លាំងចំពោះ​ភាព​ស្រដៀងគ្នានេះដែរ។

បទចម្រៀងនេះចេញផ្សាយតាំងពីខែកុម្ភៈហើយវីដេអូចម្រៀងក៏លក្ខណៈគំនូរជីវចលផងដែរ។ នាងបានផ្លាស់ប្តូរការស្រមើលស្រមៃទាំងអស់ទៅជានិយមន័យនៃសិល្បៈ។ ខ្ញុំពិតជាសរសើរចំពោះនរណាម្នាក់ដែលអាចធ្វើបានដូច្នេះ។ រឿង Anime ដូចជាកម្លាំងជម្រុញទឹកចិត្តជនជាតិជប៉ុន។

កង្កែបតូចដែលលេចមុខក្នុង MV ក៏ត្រូវបានប្រជាជនជប៉ុនជាច្រើនស្រឡាញ់ផងដែរ។

អ្វីដែលបានកើតឡើងក្នុងឆ្នាំនេះហាក់ដូចជាលើសលប់ ទោះជាយ៉ាងណាបទចម្រៀង “My Future” អាចជួយអ្នកអោយបន្ធូរអារម្មណ៍ និងមិនភ្លេចក្តីសង្ឃឹមចំពោះរឿងអនាគតឡើយ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: