រឿងគំនូរជីវចល Anime និង Manga ដែលផ្អែកលើរឿងកើតឡើងក្នុងជីវិតពិត

រឿង Anime និង Manga ភាគច្រើនកើតឡើងក្នុងពិភពប្រឌិត រឿងមានភាពខុសគ្នាទាំងស្រុងឬប្រហាក់ប្រហែល​នឹងភិភពដែលយើងកំពុងរស់នៅ។ ប៉ុន្តែក៏មានឈុតឆាកខ្លះក្នុងរឿងដូចព្រឹត្តិការណ៍ពិតដែរ។

Barefoot Gen

រូបភាព MyAnimeList.net

ខ្សែភាពយន្តគំនូរជីវចល Anime Barefoot Gen ផ្អែកលើបទពិសោធជីវិតរបស់ Keiji Nakazawa ដែលជាអ្នកនៅ​រស់រានមានជីវិតពីគ្រោះថ្នាក់គ្រាប់បែកបរមាណូនៅហ៊ីរ៉ូស៊ីម៉ា។ នៅពេលនោះគាត់មានអាយុត្រឹមតែ ៦ ឆ្នាំប៉ុណ្ណោះ ហើយបានបាត់បង់សមាជិកគ្រួសារ​ភាគ​ច្រើនព្រោះតែគ្រាប់បែកបរមាណូ។ បន្ទាប់ពីម្តាយរបស់គាត់បាន​ចែក​ឋាន​ទៅ​គាត់​ចាប់ផ្តើមនឹកឃើញរឿងអតីតកាលតាមរយៈស្នាដៃរបស់ខ្លួន។

រឿង Barefoot Gen គឺជាស្នាដៃដែលត្រូវបានគេស្គាល់ច្រើនជាងគេបំផុតរបស់ Keiji រឿងនេះត្រូវបានគេចាក់បញ្ចាំង​ជាខ្សែភាពយន្តគំនូរជីវចល។

17-sai

រូបភាព Manga Rock

Manga 17- sai ដែលត្រូវបានគេសរសេរចេញពីរឿងពិតនៅក្នុងប្រទេសជប៉ុន។

នៅប្រទេសជប៉ុនសិស្សស្រីម្នាក់ឈ្មោះ Junko Furuta អាយុ ១៧ ឆ្នាំត្រូវបុរស ៤ នាក់ចាប់ឃុំខ្លួនក្នុងផ្ទះមួយ។ នៅទី​នោះ​នាងត្រូវគេរំលោភជាច្រើនដង ហើយធ្វើទារុណកម្មរហូតដល់ស្លាប់អស់រយៈពេល ៤៤ ថ្ងៃ។

Welcome to the NHK

រូបភាព J and J Productions

លោក Tatsuhiko Takimoto អ្នកនិពន្ធ Welcome to the NHK បានចែករំលែកថារឿងរ៉ាវទាំងនេះផ្អែកលើជីវិតពិតរបស់គាត់ នៅពេលគាត់ស៊ូទ្រាំនឹងជំងឺធ្លាក់ទឹកចិត្ត ហើយក្លាយជាមនុស្ស hikikomori ផ្តាច់ខ្លួនចេញពីសង្គម។

គួរអោយស្តាយចាប់តាំងពីនិពន្ធ Welcome to the NHK គាត់មិនបាននិពន្ធរឿងផ្សេងទៀតទេ ហើយទ្រាំរស់នៅជា​មួយ​នឹង​ប្រាក់ដែលខ្លួនរកបានមុននោះ។

Bakuman

រូបភាព Zerochan

រឿង Manga ដែលនិយាយអំពីការងារ Mangaka ទោះបីជាត្រូវគេនិពន្ធក្រោមទស្សនៈកំប្លែង ប៉ុន្តែនោះជាជីវិតពិតរបស់អ្នកនិពន្ធ Tsugumi Ohba និង Takeshi Obata ដែលបានឆ្លងកាត់រយៈពេលនិពន្ធ Death Note សម្រាប់ទស្សនាវដ្តី Weekly Shonen Jump ។

អ្នកដែលមានចំណូលចិត្តចង់ក្លាយជា Mangaka មិនត្រូវរំលងរឿងនេះទេ។

ផ្កាកុលាប Versailles

រូបភាព Heli*berry – WordPress.com

រឿងនេះនិពន្ធចេញពីបដិវត្តបារាំងក្រោមទស្សនៈរបស់ “shoujo” ។

ដំបូងឡើយ Riyoko Ikeda មានបំណងបញ្ចេញស៊េរីអំពីជីវប្រវត្តិរបស់ Marie Antoinette ប៉ុន្តែដោយសារតែអ្នក​អាន​ចូល​ចិត្ត​តួអង្គ Oscar François de Jarjayes ដូច្នេះទើបគាត់សម្រេចប្តូរទៅជាតួអង្គឯក។

Grave of the Fireflies

រូបភាព ELLE Man

អ្នកនិពន្ធ Anime Grave of the Fireflies លោក Akiyuki Nosaka មានអាយុ ១៥ ឆ្នាំនៅពេលកូបេត្រូវទម្លាក់គ្រាប់បែកក្នុងសង្គ្រាមលោកលើកទី ២ ។ ក្រោយមក Ghibli សម្រេចយករឿងពិតនេះផលិតជារឿងគំនូរជីវចល។

ប្អូនស្រីចិញ្ចឹមរបស់លោក Akiyuki Nosaka ដែលជាអ្នកស្លាប់ដោយសារកង្វះអាហារូបត្ថម្ភបន្ទាប់ពីការបំផ្ទុះគ្រាប់​បែក។

Almond