ជំនឿរបស់ជនជាតិជប៉ុនចំពោះខ្សែបាតដៃដែលនាំមកនូវសំណាងមានទ្រព្យសម្បត្ដិ និងជោគជ័យអស់មួយជីវិត

តើអ្នកចេះមើលខ្សែបាតដៃទេ? អ្នកជឿទេថាខ្សែបាតដៃបង្ហាញពីអនាគត។

ជនជាតិជប៉ុនជឿថាប្រសិនបើអ្នកមានខ្សែបាតដៃពិសេសហើយកម្រ នោះអ្នកនឹងមានសំណាងមានទ្រព្យសម្បត្ដិ និងជោគជ័យអស់មួយជីវិត។ ខ្សែបាតដៃនេះគេហៅថា Masukake ។

មនុស្សភាគច្រើនមានខ្សែបាតដៃពីរដាច់ដោយឡែកពីគ្នា (ខ្សែបាតដៃបង្ហាញរឿងស្នេហា និងការរៀនសូត្រ) មាន​មនុស្សប្រមាណ ១០% ប៉ុណ្ណោះដែលមានខ្សែបាតដៃទាំងពីរនេះ ដែល​បង្កើត​បាន​ជាខ្សែបាតដៃដេកត្រង់គេហៅថា Masukake ។ វិទ្យាសាស្រ្ត​បង្ហាញថាមនុស្សពាក់កណ្តាលដែលមានខ្សែបាតដៃនេះមានជម្ងឺ Down ប៉ុន្តែមិនមាន​ន័យ​ថាអ្នកមានខ្សែបាតដៃ Masukake សុទ្ធតែមានជំងឺ Down នោះទេ។ ដូច្នេះជនជាតិ​ជប៉ុនគិតថា អ្នកដែលមានខ្សែ​​បាត​​ដៃ Masukake ហើយ​សុខភាពល្អជាមនុស្សដែលមានសំណាងណាស់។

រូបភាព https://spicomi.net/media/articles/467

អត្តន័យនៃខ្សែបាតដៃ Masukake

អ្នកដែលមានសុខភាពល្អ ហើយមានខ្សែបាតដៃ Masukake ត្រូវបានគេចាត់ទុកជាអ្នកឈ្នះ ពួកគេមានសមត្ថភាព​​ដឹក​​នាំ និងមានទេពកោសល្យពីកំណើត។ ក្នុងពេលជាមួយគ្នានេះគេជឿថា មនុស្សទាំងនេះពិតជាមានសំណាងពីកំណើត ហើយទទួលបានជោគជ័យអស្ចារ្យដោយពឹងលើអំណោយទានរបស់ខ្លួន។ យុវវ័យជាច្រើនដែលមានទេពកោសល្យ​មានខ្សែបាតដៃនេះ។ ទោះជាយ៉ាងណា អ្នកដែលមានខ្សែបាតដៃនេះមិនមែនល្អទាំងស្រុងទេ ព្រោះអ្នកដែលមានខ្សែបាតដៃ Masukake ច្រើនតែរឹងរូសមិនស្តាប់អ្នកដទៃ មានទំនោរទៅរកភាពល្ងង់ខ្លៅក្នុងរឿងស្នេហា។

រូបភាព https://usamidaifuku.at.webry.info/201207/article_6.html

យោងទៅតាមប្រវត្តិសាស្ត្រ Tokugawa Ieyasu, Toyotomi Hideyoshi និង Oda Nobunaga មេដឹកនាំយោធារបស់ជប៉ុនសុទ្ធតែមានខ្សែបាតដៃ Masukake នេះ។ ប្រហែលជាខ្សែបាតដៃកំណត់ពីវាសនាដ៏អស្ចារ្យរបស់មេដឹកនាំទាំង​នេះ។

ព្រះពុទ្ធនៅ Nara ប្រទានសំណាងដល់អ្នកដែលមានខ្សែបាតដៃ Masukake ។ ក្រៅពីនេះអតីតនាយករដ្ឋមន្រ្តីជប៉ុន​មួយ​ចំនួនដូចជាលោក Kishi Fukuda, Eisaku Sato ឬ Mangaka ដែលល្បីនៅ Osamu Tezuka ក៏មានខ្សែបាតដៃ Masukake ផងដែរ។

View this post on Instagram

#東大寺#大仏

A post shared by @ luckywin268 on Aug 14, 2017 at 10:05pm PDT

សូម្បីតែនៅក្នុងរឿងគំនូរជីវចល Anime តួអង្គក៏ជឿលើជំនឿខ្សែបាតដៃ Masukake ឧទាហរណ៍តួអង្គ  Luffy ក្នុងរឿង One Piece មានខ្សែបាតដៃដូចនេះ។

រូបភាព https://twitter.com/fukeyuta/status/802330244875063296?lang=da

អបិយជំនឿមួយចំនួនផ្សេងទៀតរបស់ប្រជាជនជប៉ុន

ជនជាតិជប៉ុនពិតជាមានអបិយជំនឿ ជំនឿមួយចំនួនរបស់ពួកគេគួរអោយខ្លាច ខ្លះចម្លែក ហើយមិនដឹង​​ថា​មាន​​ប្រភពដើមមកពីណាទេ។ ឧទាហរណ៍ប្រជាជនជប៉ុនជឿថាប្រសិនបើត្អើក ១០០ ដងជាប់គ្នាអ្នក​នឹង​ស្លាប់ ឬបើអ្នកដេកភ្លាមក្រោយពេលបរិភោគនឹងក្លាយជាគោ។ មើលឃើញសត្វពីងពាងពេលយប់ជាប្រថ្នូរមិនល្អ ប៉ុន្តែ​បើ​មើល​ឃើញ​សត្វពីងពាងពេលថ្ងៃជាសំណាង។ ជាការពិតណាស់ បណ្តាប្រទេសមួយចំនួនក៏មានអបិយជំនឿ​ទាំង​នេះ​ដែរ។

M.E.O