ធុញទ្រាន់នឹងការរៀនសូត្រមែនទេ? មកក្រឡេកមើលវិធីរៀន​ផង លេងផងររបស់ជនជាតិជប៉ុនមាន ៣ ចំណុច

តើអ្នកធុញទ្រាន់ពេលដែលនរណាម្នាក់ប្រាប់ថាគួររៀនអ្វីម្យ៉ាងហើយមានអារម្មណ៍ថាខ្ជិលទេ? យើងច្រើនតែមានទំនោរចង់គេចវេះនឹងការរៀនសូត្រ នៅពេលនោះយើងតែងតែគិតពីមូលហេតុ​ធ្វើជាលេស។

តើនរណាម្នាក់មិនចូលចិត្តលេង ចុះហេតុអ្វីយើងមិនបញ្ចូលគ្នារវាងការលេង និងរៀនដើម្បីកាត់បន្ថយសម្ពាធ។ ឥឡូវនេះខ្ញុំនឹងណែនាំអ្នកអំពីវិធីបញ្ចូលរវាងការលេង និងរៀនដែលគួរអោយចាប់អារម្មណ៍មួយចំនួនខាងក្រោម៖

១. មើលភាពយន្ត

ខ្សែភាពយន្តមានច្រើនប្រភេទដូចជារឿងមនោសញ្ចេតនា រឿងខ្មោច និងនយោបាយសង្គម -ល- យើងភាគច្រើននិយាយថាមើលរឿងគ្រាន់តែដើម្បីភាពសប្បាយរីករាយប៉ុណ្ណោះ ប៉ុន្តែប្រសិនបើអ្នកដឹងមិនថាខ្សែភាពយន្តបែប​ណា​ក៏​អាច​វិភាគ​បាន​ដែរ។

ឧទាហរណ៍នៅពេលមើលខ្សែភាពយន្តអ្នកនឹងផ្តោតអារម្មណ៍ទៅលើរឿង តែរឿងខ្លះបែរជាគួរអោយធុញទ្រាន់។ ប៉ុន្តែ​កុំ​ផ្តោត​លើអារម្មណ៍ពេកយើងគួរតែវិភាគមូលហេតុនៅពីក្រោយនោះ។

សាកល្បងស្រមៃមើលថាបើអ្នកជាអ្នកដឹកនាំរឿងអ្នកនឹងកែប្រែចរិកលក្ខណៈតួអង្គយ៉ាងណាធ្វើអោយខ្សែភាព​យន្ត​កាន់តែមានភាពទាក់ទាញឬគួរតែផ្លាស់ប្តូរការសម្តែងផ្សេង។ ប្រសិនបើអ្នកចាប់អារម្មណ៍នឹងបច្ចេក​ទេស​ថតភាពយន្តអ្នកអាចវិភាគទៅលើវិធីថត កន្លែង​ថត និងពណ៌ដែលគេប្រើក្នុងខ្សែភាពយន្ត។ ជាការពិតអ្នកមិនមែនជាអ្នកជំនាញក្នុងវិស័យនេះ ប៉ុន្តែប្រសិនបើអ្នកអនុវត្តការវិភាគ និងគិតពេលមើលរឿងអ្នកប្រាកដជាយល់អំពីចំណុចដែលគួរអោយចាប់អារម្មណ៍។

២. ពេលទៅ “ផឹក”
និយាយគ្នាពេលទៅសុីផឹកគ្មានន័យអ្វីទេ ប៉ុន្តែវាមិនប្រាកដថាដូច្នេះឡើយ។ មានគំនិតប្លែកៗ និងគួរអោយចាប់អារម្មណ៍​ជាច្រើនកើតមានពេលយើងទៅផឹកជាមួយមិត្តភក្តិ។

ឧទាហរណ៍អ្នកនិយាយដើមហាងស្រានេះលក់ថ្លៃជាងកន្លែងផ្សេង ហេតុអ្វីបានជាម្ហូបនេះត្រូវញ៉ាំជាមួយគ្រឿងទេសនោះជាដើម គ្រាន់តែកុំនិយាយហួសហេតុ ប្រធានបទគ្រប់យ៉ាងសុទ្ធតែអាចក្លាយជាលំហាត់ខួរក្បាល។ ក្រៅពីនេះការ​ជជែក​វែកញែកជាមួយមិត្តភក្តិក៏ជាវិធីមួយក្នុងការរៀនវិភាគ និងទទួលយកគំនិតប្លែកៗផងដែរ ដូច្នេះយើងគួរតែចូលរួមការជួបជុំកុំនៅម្នាក់ឯង។

៣. ប្រើពេលវេលាធ្វើដំណើរដើម្បីសិក្សា

អ្នកមានអារម្មណ៍ថាពេលវេលាធ្វើដំណើរពីផ្ទះទៅកន្លែងធ្វើការឆ្ងាយគ្មានប្រយោជន៍។ ប្រសិនបើជិះរថភ្លើងឬតាក់​សុី​ពេលវេលាភាគច្រើនអ្នកប្រើសម្រាប់ដេក។ ដូច្នេះពេលក្រោយកុំគេងអ្នកគួរតែក្រឡេកមើលជុំវិញហើយលើកជាសំណួរ។ ឧទាហរណ៍ពេលខ្ញុំធ្វើដំណើរតាមផ្លូវខ្ញុំតែងឆ្លៀតរៀនគណិតវិទ្យា។ ខ្ញុំក្រឡេកមើលស្លាកលេខនៅខាងមុខមួយណាជាចំនួនបឋម។ នេះជាវិធីសាស្រ្តរៀនផ្ទាល់ខ្លួនរបស់ខ្ញុំ ហើយប្រសិនបើអ្នកចូលចិត្តគណិតវិទ្យាអ្នកនឹងយល់​ថា​វិធីសាស្ត្រនេះគួរអោយចាប់អារម្មណ៍។

និយាយអោយខ្លីការសិក្សាគឺជាបញ្ហានៃស្មារតី។ ប្រសិនបើអ្នកពិតជាចង់រៀនមិនចាំបាច់អង្គុយលើតុរួចបើកសៀវ​ភៅ​ទើបរៀនបាននោះទេ។ នៅក្នុងពិភពលោកនេះមានអ្វីៗជាច្រើនដែលត្រូវរៀន គ្រាន់តែមើលរឿងអ្នកអាចរៀនធ្វើជាអ្នកដឹកនាំម្នាក់ ការដើរលេងផឹកស៊ីជា​មួយ​មិត្ត​ភក្តិអ្នកអាចបង្កើតគំនិតបើកភោជនីយដ្ឋានផ្ទាល់ខ្លួន។ ចំណេះ​ដឹងមិនត្រឹមតែពង្រីកសមត្ថភាពគិតរបស់អ្នកប៉ុណ្ណោះទេ ថែមទាំងជួយអោយអ្នករីកចម្រើននៅក្នុងការ​ងារ និងផ្លាស់ប្តូរជីវិតរបស់អ្នកទៀតផង។

តើអ្នកធ្លាប់ធុញទ្រាន់នឹងស្តាប់ពាក្យថា “រៀន” ទេ? ប៉ុន្តែប្រសិនបើភ្ជាប់ពាក្យ “រៀន” និង “លេង” ប្រាកដជាមិនយល់ថាធុញទៀតឡើយ។

Kengo Abe