រឿងព្រេងជប៉ុននិយាយអំពី “បិសាចសមុទ្រយក្ស” – Umibozu

ថ្ងៃព្រហស្បតិ៍ 30/07/2020 | 11:44 ព្រឹក

កាលពីសម័យបុរាណប្រជាជនជប៉ុនដែលប្រកបរបរនេសាទចេញទៅសមុទ្រតែងតែខ្លាចបិសាចសមុទ្រក្បាលទំពែកគេហៅថា Umibozu ។

រឿងព្រេងនិទាននិយាយអំពី “ព្រះសង្ឃនៅសមុទ្រ” ភាពភ័យខ្លាចរបស់អ្នកនេសាទ។

បិសាច Umibozu ជាព្រលឹងខ្មោចនៅក្នុងរឿងព្រេងជប៉ុន។ នៅក្នុងភាសាជប៉ុនពាក្យ Umi មានន័យថាសមុទ្ររីឯពាក្យ Bozu សំដៅលើព្រះសង្ឃ។ ដូច្នេះពាក្យ Umibozu ឬគេហៅថាព្រះសង្ឃនៅសមុទ្រគឺជាព្រលឹងបិសាចដែលមានក្បាលធំទំពែកដូចជាក្បាលរបស់ព្រះសង្ឃដែរ។ តំណាលរឿងនិយាយពីបិសាចសមុទ្រនេះមានតែខ្លួនពាក់កណ្តាលខាងលើ ពណ៌ប្រផេះខ្មៅ និងអវយវៈដៃជើងដូចរតីយាវហឺ។

ពាក្យចចាមអារាមនិយាយថាបិសាច Umibozu ជាព្រលឹងខ្មោចរបស់ព្រះសង្ឃស្លាប់ដោយសារលង់ទឹកនៅសមុទ្រ។ មនុស្សមួយចំនួនគិតថាពួកគេជាមនុស្សដែលស្លាប់ផ្នូរគ្មានអ្នកថែទាំ ដូច្នេះចេញទៅសមុទ្ររង់ចាំឱកាសសងសឹកមនុស្ស។

ប្រជាជនដែលចេញទៅនេសាទនៅសមុទ្រនាំគ្នាខ្លាចបិសាចសមុទ្រ Umibozu ។ ជាទូទៅបិសាចរស់នៅតំបន់សមុទ្ររបស់វាហើយស្ទើរតែគ្មានគ្រោះថ្នាក់។ ប៉ុន្តែប្រសិនបើអ្នកឈ្លានពានទឹកដីរបស់វាលទ្ធផលនឹងយ៉ាប់យ៉ឺនជាមិនខាន។

បិសាច Umibozu មានមាឌធំវាអាចវាយក្រឡាប់ទូករបស់អ្នក។ មិនត្រឹមតែប៉ុណ្ណឹងពេលខឹងបិសាច Umibozu ហៅនាវិកប្រគល់អោយវាធុងស្រាធំដើម្បីពន្លិចទូកសម្លាប់ពួកគេ។ ដើម្បីជៀសវាងគ្រោះថ្នាក់នេះយើងគួរយប្រើល្បិចប្រគល់អោយបិសាចធុងគ្មានបាត។

បិសាច Umibozu មិនត្រឹមតែមានក្នុងរឿងព្រេងប៉ុណ្ណោះទេ មនុស្សជាច្រើននិយាយថាពួកគេធ្លាប់ឃើញបិសាចនេះនៅឯសមុទ្រ។ ដូចជាបិសាចបឹង Loch ness ទោះបីជាមានពាក្យចចាមអារាមជាច្រើននិយាយពីវត្តមានរបស់បិសាចសមុទ្រ ប៉ុន្តែគ្មានភស្តុតាងបញ្ជាក់អំពីរឿងនេះឡើយ។

រូបបិសាច Umibozu នៅក្នុងវប្បធម៌ជប៉ុនសម័យបច្ចុប្បន្ន

នេះជាបិសាចដែលល្បីបំផុតនៅក្នុងរឿងព្រេងជប៉ុន។ ប្រសិនបើអ្នកមិនធ្លាប់ដឹងអំពីបិសាចនេះអ្នកប្រហែលជាធ្លាប់ឃើញវាក្នុងរឿង Anime ជប៉ុន។

បិសាច Umibozu បង្ហាញខ្លួនក្នុងរឿងគំនូរជីវចល Anime Mononoke – វគ្គបន្តនៃ Ayakashi ជាស៊េរីទូរទស្សន៍ដែលផលិតដោយស្ទូឌីយោ Toei ។ និយាយអំពី Ayakashi គឺជាការរួមបញ្ចូលរវាងរឿងព្រេង ល្ខោន Kabuki និង Anime ។