តើចំណុចស្រដៀងគ្នាអ្វីធ្វើអោយមនុស្សមួយចំនួនឆ្ពោះទៅរកភាពជោគជ័យ?

នៅលើពិភពលោកមានមនុស្សជាច្រើនជោគជ័យពួកគេមានទ្រព្យសម្បត្តិ ឋានៈ និងអំណាច។ តើអ្នកធ្លាប់ស្រមៃចង់​ដូច​ពួក​គេ​ទេ? ដើម្បីទទួលបានជោគជ័យត្រូវផ្អែកលើសំណាងឬ?

ចំណុចដូចគ្នារបស់អ្នកជោគជ័យគឺពួកគេមានទម្លាប់អានសៀវភៅ។ តើពួកគេអានសៀវភៅប្រភេទអ្វី? តោះចូរស្វែង​យល់​ក្នុងអត្ថបទនេះជាមួយ JAPO ទាំងអស់គ្នា។

Warren Buffett

រូបភាព https://www.businessinsider.jp/post-100406

លោកប្រធាន នាយកប្រតិបត្តិ និងជាម្ចាស់ភាគហ៊ុនធំជាងគេរបស់ Berkshire Hathaway ជាសាជីវកម្មពហុជាតិមានទីស្នាក់ការកណ្តាលនៅ Omaha ។ ទម្លាប់របស់វិនិយោគិនដ៏ល្បីរូបនេះចាប់ពី ៥ ទៅ ៦ ម៉ោងត្រូវអានកាសែតចំនួន ៥ ។ លើសពីនេះគាត់ក៏មានសមត្ថភាពក្នុងការវិភាគ និងវាយតម្លៃរបាយការណ៍ហិរញ្ញវត្ថុចំនួន ៥០០ ទំព័រ​ផង​ដែរ។

លោក Warren Buffett ធ្លាប់និយាយថា “ចំណេះដឹងផ្សារភ្ជាប់ជាមួយយើងអ្វីដែលយើងត្រូវធ្វើគឺប្រមូលផ្តុំ រឿងនេះនរណា​ក៏​អាច​ធ្វើបានប៉ុន្តែភាគច្រើនបែរជាមិនធ្វើ” ។

ជាមួយនឹងចំណេះដឹងដ៏ធំលោក Warren Buffett បានគ្រប់គ្រងមូលនិធិមានស្ថេរភាព។

Bill Gates

ស្ថាបនិកក្រុមហ៊ុន Microsoft មានទម្លាប់អានសៀវភៅ ៥០ ក្បាលក្នុងមួយឆ្នាំ ដូច្នេះក្នុងមួយសប្តាហ៍អានសៀវភៅ ១ ក្បាល។ សៀវ​ភៅ​ដែលគាត់អានភាគច្រើនជាប្រភេទ Nonfiction (រឿងពិត)។ សៀវភៅនិយាយអំពីសុខភាពសាធារណៈ ប្រភេទជំងឺ ជំនាញ អាជីវកម្ម និងវិទ្យាសាស្ត្រជាដើម ក្រៅពីនេះគាត់ក៏អានប្រលោមលោកផងដែរ។ គាត់​និយាយ​ថា​ចង់​ស្វែង​យល់លម្អិតអំពីពិភពលោកដែលខ្លួនកំពុងរស់នៅ។

Mark Zuckerberg

នៅឆ្នាំ ២០១៥ លោក Mark បានស្បថថាក្នុងរយៈពេល ២ សប្តាហ៍នឹងអានសៀវភៅមួយក្បាល។ គាត់កំពុងស្រាវជ្រាវទៅលើបញ្ហាដែលទាក់ទងនឹងវប្បធម៌ ជំនឿ ប្រវត្តិសាស្រ្ត បច្ចេកវិទ្យាជាដើម។ គាត់ជាមនុស្សម្នាក់ឈរនៅពីក្រោយបណ្តាញសង្គមហ្វេសប៊ុក ប៉ុន្តែមិនចំណាយពេលច្រើនលើប្រព័ន្ធផ្សព្វផ្សាយបែរជាឆ្លៀតពេលវេលាអាន​សៀវភៅទៅ​វិញ។

Elon Musk

នាយកប្រតិបត្តិក្រុមហ៊ុន Tesla និងបច្ចុប្បន្នជាអ្នកតំណាង SpaceX ដែលជាសាជីវកម្មឯកជនដំបូងគេនាំអវកាស​យានិក​ចូល​ទៅ​ក្នុង​អវកាស។ ហើយក៏ជាសហស្ថាបនិកនៃ Paypal ផងដែរ។

កាលពីក្មេងមុនពេល Paypal ត្រូវបានបង្កើតឡើងលោក Elon Musk មានទម្លាប់អានរឿងប្រលោមលោកបែបវិទ្យាសាស្ត្រ​រហូតដល់ម៉ោង ១០ យប់។ មុននោះពេលគាត់អាយុ ៩ ឆ្នាំក៏បានអានសព្វវចនាធិប្បាយទាំងមូលនៅ Britannica ទៅហើយ។

តើហេតុផល “គ្មានពេលវេលា” អានសៀវភៅរបស់អ្នកនៅមានទៀតទេ? ជាក់ស្តែងនោះគ្រាន់តែជាការលេសតែប៉ុណ្ណោះ។

ដូច្នេះចូរយើង “បំបែក” ហេតុផលមិនអានសៀវភៅរបស់អ្នក។

១. ខ្ញុំជាប់រវល់គ្មានពេលវេលាទេ

តោះចូររាប់ចំនួនដងដែលអ្នកប៉ះស្មាតហ្វូនក្នុងមួយថ្ងៃ? យើងមានទម្លាប់លេងស្មាតហ្វូនកំឡុងពេលរង់ចាំឬមុនពេល​ចូល​គេង។ ជួន​កាល​គ្រាន់​តែកុំអោយអផ្សុក មិនថាត្រូវធ្វើអ្វី -ល- ។ ឥឡូវនេះសូមផ្លាស់ប្តូរទម្លាប់នោះដោយការ​អានសៀវភៅ។

ប្រសិនបើអ្នកគ្មានពេលអានសៀវភៅមួយម៉ោងទេត្រឹមតែ ១៥ នាទីក៏បានដែរ។ ប្រសិនបើ ១៥ នាទីក៏គ្មាននោះជីវិតរបស់អ្នកប្រាកដជាមិនល្អទេ។ អ្នកគួរតែរៀបចំការងាររបស់អ្នកអោយសមហេតុផល។

២. ខ្ញុំបានអានសៀវភៅតែខ្ញុំធុញទ្រាន់ណាស់មិនចាំអ្វីសោះ

ប្រសិនបើអ្នកមិនធ្លាប់អានសៀវភៅហាក់ដូចជាពិបាក។ ប្រសិនបើអ្នកមិនចូលចិត្តសៀវភៅដែលអ្នកកំពុងអានវាពិតជាពិបាកក្នុងការចងចាំ។ អ្នកគួរតែជ្រើសរើសប្រភេទសៀវភៅដែលខ្លួនចូលចិត្ត បន្ទាប់មកអានប្រភេទផ្សេងៗហើយសាកល្បងវិភាគ។ នៅពេលដែលអ្នកបានអានសៀវភៅមួយចំនួនហើយអ្នកប្រាកដជាគ្មានសម្ពាធទៀតទេ។

៣. តើការប្រើស្មាតហ្វូនសម្រាប់អានក៏បានដែរឬ?

ប្រាកដជាមិនមែនទេ។

នៅក្នុងសង្គមសព្វថ្ងៃអ្នកអាចស្វែងរកព័ត៌មានស្ទើរតែទាំងអស់លើអុីនធឺណេត កាសែតអេឡិចត្រូនិក និងសៀវ​ភៅ​អេឡិចត្រូនិចផង​ដែរ។ ប៉ុន្តែការអានលើស្មាតហ្វូនមានគុណវិបត្តិជាច្រើន។ ចំពោះកាសែតអនឡាញមានទំនោរ​ផ្តោត​លើ​ចំណង​ជើង និងព័ត៌មានខ្លីៗជាជាងការអានព័ត៌មានលម្អិត។ ចំណែកសៀវភៅអេឡិចត្រូនិចពិបាក​ក្នុង​ការផ្តោតអារម្មណ៍ព្រោះមានរបស់ជាច្រើនចេញពី​ស្មាត​ហ្វូន​អាចរំខានអ្នក។

៤. គ្រាន់តែបំពេញចំណេះដូច្នេះមើលព័ត៌មានតាមទូរទស្សន៍ក៏បានដែរ

ពិតជាពិបាកក្នុងការរក្សាព័ត៌មានដោយការមើលទូរទស្សន៍។ សូមអានអំពីមូលដ្ឋានគ្រឹះនៃការអានសៀវភៅ បន្ទាប់មកពង្រឹងបន្ថែមជាមួយវីដេអូ។

៥. តើការអាន Manga អាចចាត់ទុកជាការអានដែរទេ? 

សូមឆ្លើយតាមត្រង់ថាមិនមែនទេ។

មូលហេតុដែលអ្នកគួរអានសៀវភៅដើម្បីបណ្តុះសមត្ថភាពវិភាគរបស់ខ្លួន។ ចំណែកសៀវភៅរឿងមានរូបភាពដូច្នេះហើយវាមិនអាចលើកកម្ពស់ការស្រមើលស្រមៃនោះទេ។

អានសៀវភៅមិនត្រឹមតែដើម្បីបំពេញចំណេះដឹងថែមទាំងបង្កើនសមត្ថភាពវិភាគ។ ចំណេះដឹងរបស់អ្នកកាន់តែទូលំទូលាយនឹងងាយស្រួលក្នុងការទំនាក់ទំនង ដូច្នេះអាចពង្រីកទំនាក់ទំនងក្នុងសង្គមផងដែរ។

ការអានសៀវភៅមិនត្រឹមតែជាគន្លឹះឆ្ពោះទៅរកភាពជោគជ័យនៅក្នុងការងារប៉ុណ្ណោះទេ ថែមទាំងដើម្បីភ្ជាប់ទំនាក់ទំនងជាមួយមនុស្សជាច្រើន។

សូមបង្កើតទម្លាប់អានសៀវភៅចាប់ពីពេលនេះតទៅដើម្បីធ្វើអោយជីវិតរបស់អ្នកមានកាន់តែប្រសើរឡើង។

Kengo Abe