ខសាច់ទុកក្នុងទូទឹកកករយៈពេល ៥ ឆ្នាំធ្វើអោយមនុស្សជាច្រើនរំភើបចិត្តពេលដឹងរឿងពិត

ថ្ងៃចន្ទ 20/07/2020 | 21:10 ល្ងាច

នៅពេលសាច់ញាតិឬមនុស្សជាទីស្រលាញ់ទទួលមរណៈភាពបន្សល់នូវភាពសោកសៅជាច្រើន។ មនុស្សមួយចំនួនចង់រក្សាអនុស្សាវរីយ៍ដូចជារបស់របរ រូបថតឬវត្ថុអ្វីម្យ៉ាងដើម្បីរំលឹកដល់អ្នកចែកឋាន

ដូចជាករណីគ្រួសារមួយនៅជប៉ុនពួកគេរក្សាទាំងម្ហូបខសាច់ក្នុងទូទឹកកកដែលម្តាយគាត់បានចម្អិនកាលនៅរស់។ ម្តាយពួកគាត់ទទួលរមណៈភាពដោយសារជំងឺដាច់សរសៃឈាមខួរក្បាល។ Mizuki ចាំច្បាស់កាលព្រឹកដែលម្តាយគាត់ទទួលមរណៈភាពពួកគាត់បានពិភាក្សាគួរញ៉ាំអ្វីពេលល្ងាច។ ហើយម្តាយរបស់ Mizuki ក៏រើសយកម្ហូបខសាច់សម្រាប់អាហារពេលល្ងាច។

រូបភាព https://www.sinchew.com.my/

ប៉ុន្តែពេលត្រឡប់មកពីសាលា Mizuki ប្រទះឃើញម្តាយដួលសន្លប់លើឥដ្ឋ។ ទោះបីជាម្តាយរបស់គាត់ត្រូវបានគេបញ្ជូនទៅមន្ទីរពេទ្យភ្លាមៗដើម្បីសង្គ្រោះបន្ទាន់ ប៉ុន្តែនៅយប់នោះម្តាយរបស់គាត់ដាច់សរសៃឈាមខួរក្បាលហើយទទួលមរណៈភាព។

បន្ទាប់ពីចេញពីមន្ទីរពេទ្យពេលត្រឡប់មកផ្ទះវិញ Mizuki មើលឃើញខសាច់លើចង្ក្រានដែលម្តាយគាត់ចម្អិនស្រាប់តែស្រក់ទឹកភ្នែក។ ដោយមិនដាច់ចិត្តចាកចោលម្ហូបនោះ Mizuki និងឪពុកក៏រក្សាម្ហូបក្នុងទូទឹកកកដើម្បីរំលឹកអនុស្សាវរីយ៍របស់ម្តាយ។ ដូច្នេះម្ហូបខសាច់នៅក្នុងទូទឹកកករយៈពេល ៥ ឆ្នាំមកហើយ។

ខសាច់ជ្រូកដាក់នៅក្នុងទូទឹកកកយៈពេល ៥ ឆ្នាំ។

រូបភាព https://www.sinchew.com.my/

ក្នុងរយៈពេលយូរ Mizuki មិនហ៊ានញ៉ាំខសាច់ជ្រូកព្រោះខ្លាចនឹកឃើញម្តាយដែលបានចែកឋានទៅជារៀងរហូត។ រហូតដល់ឆ្នាំ ២០១៨ ក្រោយរយៈពេល ៥ ឆ្នាំម្តាយគាត់ទទួលមរណៈទើបគ្រួសាររបស់ Mizuki យកម្ហូបដែលម្តាយគាត់ចម្អិនចេញមក។ គាត់ និងឪពុកត្រៀមរៀបចំរំលឹកដល់ម្តាយស្របពេលទទួលបានការអញ្ជើញអោយចូលរួមក្នុងកម្មវិធីរឿងពិត Knight Scoop ដែលនឹងចាក់ផ្សាយ។ វីដេអូឃ្លីបរយៈពេល ១១ នាទីធ្វើអោយទស្សនិកជនរំជួលចិត្តយ៉ាងខ្លាំង ហើយត្រូវបានបង្ហោះលើបណ្តាញសង្គម។

អាហារគ្រួសារចុងក្រោយដែលចម្អិនដោយម្តាយមុនពេលទទួលមរណៈភាព

រូបភាព https://www.sinchew.com.my/

ដោយមានជំនួយពីអ្នកជំនាញគ្រូសាកលវិទ្យាល័យមានចំណេះដឹងអំពីការពុលអាហារ និងអ្នកជំនាញធ្វើម្ហូប ម្ហូបខសាច់ត្រូវបានគាត់ចម្អិនឡើងវិញយ៉ាងជោគជ័យ។ នៅពេលម្ហូបត្រូវបានលើកចេញមកទឹកមុខរបស់លោកឪពុក និងកូនស្រីដូចជារំភើបណាស់។

Mizuki ភ្លក់មួយមាត់រួចនិយាយថា “ដូចជារសជាតិកាលពី ៥ ឆ្នាំមុន” ណាស់!