តាមតំណាលរឿងព្រេងជប៉ុនបិសាចទាំងបីដែលអាចបណ្តេញរោគរាតត្បាត

ថ្មីៗនេះរូប Amabie ហាក់ដូចជាល្បីព្រោះមនុស្សនាំគ្នាហៅ “ព្រលឹង” បិសាច យោងទៅតាមរឿងព្រេងនិទានបិសាចនិយាយ​ថា ​ប្រសិន​បើមនុស្សជួបរោគរាតត្បាតគ្រាន់តែគូរគំនូរវានឹងបង្ហាញខ្លួនមកជួយ។

មិនដឹងថាមកពីរូបបិសាច Amabie មែនឬអត់ទេ ប៉ុន្តែថ្មីៗនេះចំនួននៃការឆ្លងមេរោគកូវីដ-១៩ នៅក្នុងប្រទេស​ជប៉ុន​មាន​ការ​ថយ​ចុះមែន។

ប៉ុន្តែមិនមែនមានតែ Amabie មានសមត្ថភាពពិសេសប៉ុណ្ណោះទេ។ តោះចូរយើងក្រឡេកមើលរឿង Yokai ជប៉ុនបិសាច​ដែល​មាន​សមត្ថភាព​ស្រដៀង​គ្នា។ ប្រសិនបើកោះហៅក្រុមបិសាចទាំងនេះប្រហែលជាអាចបង្ក្រាបជំងឺក៏ថាបាន។

នៅក្នុងអត្តបទថ្ងៃនេះខ្ញុំនឹងរៀបរាប់បិសាចចំនួន ៣ ខាងក្រោម៖

១. 海坊主 (Umibouzu)

បិសាចនេះភាគច្រើនបង្ហាញខ្លួននៅសមុទ្រ។

ស្រាប់តែរលកធំបោកបក់ មានបិសាចខ្មៅក្បាលទំពែកបង្ហាញខ្លួនជាមួយនឹងក្រសែភ្នែកចម្លែករបស់វា។ ប្រសិន​បើ​សំពៅរសាត់ចូលតំបន់​របស់​បិសាចវានឹងវាយពន្លិច ឬបំបែកសំពៅជាពីរ។ ដូច្នេះមនុស្សនាំគ្នាខ្លាចបិសាច Umibouzu ពេល​ចេញ​ទៅ​សមុទ្រ។ ប៉ុន្តែតំបន់មួយចំនួននៅ Chiba គេនាំគ្នាជឿថាបើគូររូប Umibouzu ហើយបិទនៅ​មាត់​ទ្វារ​អាច​បណ្តេញ​រោគរាតត្បាត។

រឿងបិសាចសមុទ្រប្រែជាល្អពិតជាចម្លែកណាស់!

២. 神社姫(Jinja Hime)

បិសាចនេះពាក់កណ្តាលខ្លួនខាងលើជាក្បាលរបស់ស្រ្តី ប៉ុន្តែរាងកាយពាក់កណ្តាលទៀតដូចត្រី។ យោងទៅតាមរឿងព្រេងបិសាចចម្លែករស់នៅក្នុងវិមាននាគ។ បិសាច Jinja Hime មាននៅតំបន់ Saga និង Nagasaki ក្នុងឆ្នាំ ១៨១៩ ជាប្រផ្នូរទទួលបានដំណាំល្អរយៈពេល ៧ ឆ្នាំ។ ពាក្យចចាមអារាមបិសាច Jinja Hime និយាយថា បើគូររូបវាអាចការពារជំងឺឆ្លង។

៣. 神虫(Shinchuu)

រូបបិសាចនេះពិតជាគួរឲ្យ​ខ្លាចដូចកំពុងបំផ្លាញទីក្រុង ផ្ទះសម្បែងប្រជាជន សម្លាប់ហើយសុីសាច់មនុស្ស។ 

តាមពិតបិសាចនេះមិនបានលេបត្របាក់មនុស្សស្លូតត្រង់នោះទេ ប៉ុន្តែកំពុងប្រយុទ្ធជាមួយបិសាចផ្សេងទៀតដែលបង្ក​ជំងឺ​រាត​ត្បាត។ ផ្ទាំងគំនូរនេះត្រូវបានគូរឆ្នាំ ៨០០-១២០០ រោគរាតត្បាតពេលនោះគេហៅថា Enoki ។

កុំប្រញាប់វិនិច្ឆ័យអ្វីដែលអ្នកបានឃើញ។

ទោះបីជា Yokai ក៏មានល្អមានអាក្រក់ផងនោះ។ ស្តាប់ទៅដូចជាចម្លែកបន្តិច ប៉ុន្តែនៅតំបន់មួយចំនួនដែនកំណត់​រវាង​បិសាច និងទេវតាហាក់ដូចជាមិនច្បាស់ទេ។ មានទេវតាខ្លះការពារប្រជាជនតែក៏មានទេវតាបង្ករឿងអាក្រក់​ដែរ។

អត្ថន័យដើមពាក្យ Yokai មកពី Mononoke ដូចជាព្រះនាង Mononoke ក្នុងខ្សែភាពយន្ត Ghibli ។ ទេវតាក៏អាចជាបិសាច ព្រលឹង សត្វ និងវត្ថុជាដើមដែលមានថាមពលដ៏អស្ចារ្យ។ ទោះបីជាទេវតាក៏មិនប្រាកដថាល្អ គ្រាន់តែតំណាង​ឲ្យ​អំណាចធម្មជាតិ។

មិនដូចជាគ្រីស្ទសាសនាបែងចែករវាងល្អ និងអាក្រក់ ទេវតា និងអារក្ស ចំណែកនៅប្រទេសជប៉ុនជំនឿនេះមានភាពស្រពិចស្រពិលណាស់។

តាមជំនឿរបស់ជនជាតិជប៉ុនពេលទេវតា និងព្រាយបិសាចប្រយុទ្ធគ្នានឹងបង្កគ្រោះមហន្តរាយធម្មជាតិដូចជា​រញ្ជួយ​ដី រលក​យក្ស​ស៊ូណាមិ និង​ទឹក​ជំនន់​ជាដើម។

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: