ជប៉ុនទើបតែបើកសម្ពោធសណ្ឋាគារ ៨ ជាន់សម្រាប់អ្នកចូលចិត្តលេងហ្គេម

ថ្ងៃ​អាទិត្យ 19/07/2020 | 13:15 ល្ងាច

ជប៉ុនបើកសម្ពោធសណ្ឋាគារ ៨ ជាន់សម្រាប់អ្នកចូលចិត្តលេងហ្គេម។

ជាមួយនឹងគ្រឿងបរិក្ខារ និងឧបករណ៍គ្រប់គ្រាន់ អតិថិជននឹងមានអារម្មណ៍ថាពួកគេកំពុងលេងហ្គេមនៅ​ផ្ទះ។ នៅ​​ទី​នេះ​​ដូចជា “ឋានសួគ៌” សម្រាប់អ្នកនិយមលេងហ្គេម។

រូបភាព https://grendz.com/

នៅជប៉ុនពេលរើសយកកន្លែងសម្រាប់សម្រាក តើអ្នកជ្រើសរើសសណ្ឋាគារផ្ទះសំណាក់បែបបុរាណឬបែបទំនើប? ប្រសិនបើរើសយកសណ្ឋាគារ តើអ្នកនឹងជ្រើសរើសសណ្ឋាគារប្រភេទណា? សណ្ឋាគារប្រណីតមានសេវាកម្មគ្រប់គ្រាន់? ឬ​បន្ទប់​ផ្ទះ​សំណាក់​តូច​ល្មម​ក្នុងតម្លៃថោកជាង?

ហេតុអ្វីបានជាមិនសាកល្បងសណ្ឋាគារលក្ខណៈហ្គេម?

រូបភាព https://grendz.com/

មានគ្រឿងបរិក្ខារ និងឧបករណ៍គ្រប់គ្រាន់ផ្តល់មកនូវអារម្មណ៍ដូចកំពុងនៅផ្ទះដែលជាក្តីសុខសម្រាប់អ្នកចូលចិត្តលេង​ហ្គេម។

ពេលថ្មីៗនេះជប៉ុនបានបើកសម្ពោធសណ្ឋាគារដំបូងមានឈ្មោះថា The e-ZONe Cyber Space Hotel ស្ថិតនៅទី​ក្រុង Osaka ប៉ុន្តែដោយសារការរីករាលដាលនៃជំងឺសណ្ឋាគារនឹងកំណត់ចំនួនភ្ញៀវ។

ម្ចាស់សណ្ឋាគារនិយាយថានេះជាកន្លែងដ៏ល្អបំផុតសម្រាប់ភ្ញៀវទេសចរណ៍ដែលមានចំណាប់អារម្មណ៍ទៅលើឧបករណ៍​អេឡិច​ត្រូនិច ការជួបជុំមិត្តភក្តិអនឡាញឬមានបំណងស្វែងរកកន្លែងស្នាក់នៅ ផ្តល់លក្ខខណ្ឌគ្រប់គ្រាន់សម្រាប់​អ្នក​ហ្វឹក​ហាត់​ចូល​រួមការប្រកួតនៅ Osaka ។

ការរចនាសណ្ឋាគារមាន ៨ ជាន់ក្នុងនោះ ៣ ជាន់ដំបូងប្រើសម្រាប់រៀបចំព្រឹត្តិការណ៍ និងការប្រកួត eSports ហើយ​ជាន់​នីមួយៗ​មាន​បំពាក់​ឧបករណ៍​ទំនើប​បំផុត ឧបករណ៍មានប្រហែល ៧០ ម៉ាសុីនទំនើបៗ និងឧបករណ៍ផ្សាយបន្តផ្ទាល់។ ធានាថាពេញចិត្តអ្នកលេងហ្គេមអាជីព។

ចាប់ពីជាន់ទី ៤-៦ ជាបន្ទប់គេងដែលមានលក្ខណៈពិសេសសម្រាប់បុរស ចំណែកឯនារីនៅជាន់ទី ៨ ។ ប៉ុន្តែបើអ្នកចង់​​មាន​ទីធ្លា​ផ្ទាល់​ខ្លួន​អាចប្រើបន្ទប់នៅជាន់ទី ៧ រួមមាន ២ បន្ទប់សម្រាប់អ្នកលេងអាជីព និងអ្នកលេងធម្មតា។ បច្ចុប្បន្ននេះតម្លៃមិនច្បាស់នៅឡើយព្រោះសណ្ឋាគារបានទទួលការកក់ច្រើនចាប់ពីខែមេសា។

ព័ត៌មានសណ្ឋាគារ

e-ZONe Denno Kukan / សណ្ឋាគារកីឡាអេឡិចត្រូនិក e-ZONe 

អាសយដ្ឋាន៖ Osaka-fu, Osaka-shi, Naniwa-ku, Nipponbashi 4-9

AD

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: